TAKGALHSKININ 6
¿Tuku xwanit Biblia xlakata Mesías?
TUKU XWANKANIT
«Wix Belén Efrata [...], anta nalakachin tiku namapakgsinan kʼIsrael.»
(Miqueas 5:2)
LA KGANTAXTULH
«Akxni xlakachinita Jesús kBelén xalak Judea kxkilhtamaku mapakgsina Herodes [...], xputsananin staku xalak oriente minkgolh kJerusalén.»
TUKU XWANKANIT
«Litapitsikgolh kilhakgat, chu limakaʼankgolh suertes.»
(Salmo 22:18)
LA KGANTAXTULH
«Akxni soldados kxtokgowakakgonita Jesús kkiwi, tiyakgolh xlhakgat xalak xkgalhni chu pulaktati tlawakgolh [...]. Pero xlhakgat xalak xtampin ni xtatsapanit, xlakata xamaktuminika xwanit. Wa xlakata lawanikgolh: “Ni kalakxtitwi, wata kaj kalimakaʼaw suerte xlakata nakatsiyaw tiku nalakgchan”.»
TUKU XWANKANIT
«[Dios] kuentajtlawanima putum xlukut; nipara kgantum laktukxnika.»
(Salmo 34:20)
LA KGANTAXTULH
«Akxni lakgminkgolh Jesús, xlakata akxilhkgolh pi xninita, ni laktukxnikgolh xlakni.»
TUKU XWANKANIT
«Xlakgxtokgomaka xlakata kintalakgalhinkan.»
(Isaías 53:5)
LA KGANTAXTULH
«Chatum soldado litapalhtukulh kgantum lanza, chu tunkun taxtunilh kgalhni chu chuchut.»
TUKU XWANKANIT
«Kixokgonikgolh, puxamakaw tumin xaplata.»
(Zacarías 11:12, 13)
LA KGANTAXTULH
«Chatum xlikgalhkutiy, tiku xwanikan Judas Iscariote, kalakgalh xalakpuxku sacerdotes chu kwanilh: “¿Tuku nakilamaxkiyaw komo nakkamakamaxkiyan?”. Wanikgolh pi puxamakaw tumin xaplata.»
