¿Tuku talakaskin xlakata xatapaxuwan natawila familia?
¿Xwanti pi...
-
... tapaxkit?
-
... tumin?
-
... o atanu?
WANTUKU WAN BIBLIA
«Lipaxuw lamakgo wanti kgaxmatkgoy xtachiwin Dios chu makikgoy kxnakujkan.» (Lucas 11:28, Hua Xasasti Talaccaxlan, 1999.)
LA KINKAMAKGTAYAYAN NAKATSIYAW
Natekgsaw xaxlikana tapaxkit (Efesios 5:28, 29).
Nalamaxkikan kakni (Efesios 5:33).
Nitu katilipekuaw (Marcos 10:6-9).
¿WI TUKU KINKAMAKGTAYAYAN NAKANAJLANIYAW BIBLIA?
Wi pulaktiy:
-
Dios malakatsukilh familia. Biblia wan pi «putum familia [...] wa malaktsukilh» Jehová Dios (Efesios 3:14, 15, Traducción del Nuevo Mundo). Wamputun pi anankgo familias xlakata Jehová malakatsukilh. ¿Tuku xlakata xlakaskinka nakatsiyaw uma?
Kalilakpuwanti uma: Komo wapat lu kgama liwat chu xkatsiputu tuku lakgmakankanit, ¿tiku xkgalhskinti? Wa nakgalhskina tiku kaxtlawalh.
Nachuna, komo katsiputuna tuku talakaskin xlakata xatapaxuwan natawila mi familia, tlakg tlan wa nakgalhskinaw Jehová, tiku malakatsukilh familia (Génesis 2:18-24).
-
Dios kinkapaxkiyan. Wix chu mi familia xlakaskinka naputsayatit xtastakyaw Jehová kBiblia, xlakata “kinkalakgkatsanan” o kinkapaxkiyan (1 Pedro 5:6, 7). Jehová lakaskin pi tlan kakinkakitaxtunin. Chu putum kilhtamaku makgtayanan xtastakyaw (Proverbios 3:5, 6; Isaías 48:17, 18).
KALILAKPUWANTI UMA
¿La tlakg tlan chixku, puskat o tlat naklitaxtu?
Natekgsa xtakgalhtin Biblia anta KʼEFESIOS 5:1, 2 chu COLOSENSES 3:18-21.