KAMATSUKI TAKGALHCHUWIN
TAKGALHTAWAKGA 5
Kalimasiya kakni
Tastakyaw xalak Biblia: «Putum kilhtamaku tlan katakgaxmatli mintachuwinkan» (Col. 4:6).
Tuku tlawalh Pablo
1. Kaʼakxilhti VIDEO o kalikgalhtawakga Hechos 17:22, 23. Alistalh kalilakpuwanti umakgolh takgalhskinin:
-
1. ¿Tuku makgkatsilh Pablo akxni akxilhli pi kʼAtenas xʼanan lhuwa tamakanitlaw o tatlawamakgxtu? (Kalikgalhtawakga Hechos 17:16).
-
2. ¿La kalimasiyanilh kakni Pablo latamanin xalak Atenas akxni kalitachuwinalh Dios?
¿Tuku kinkamasiyaniyan tuku tlawalh Pablo?
2. Latamanin max tlakg nakinkakgaxmatniputunkgoyan komo pulana liwana nalakputsayaw tuku nawanaw, la nawanaw chu tukuya kilhtamaku nawanaw.
Katlawa chuna la Pablo
3. Liwana kalaksakti mintachuwin. Akgtum liʼakxilhtit, komo tachuwinampat tiku ni lakgapasa Biblia, max natalakaskin nalakgpaliya la nalitachuwinana Biblia o Jesús.
4. Ni tunkun kawani pi nitlan tuku lakpuwan. Kamaxki talakaskin pi kalichuwinalh tuku lakpuwan. Chu akxni nawaniyan tuku ni masiya Biblia, ni tunkun kawani pi ni xlikana (Sant. 1:19). Komo kaks nakgaxpatniya, naʼakgatekgsa tuku kanajla chu tuku xlakata chuna kanajla (Prov. 20:5).
5. Akxni tiku tachuwinampat nawan tuku xaxlikana, kawani pi tlan tuku lakpuwan. Kalakapastakti pi max lataman lakpuwan pi xaxlikana tuku kanajla. Kuenta katlawa tuku waniman xlakata natekgsa tuku tlan nalitachuwinana chu kamakgtaya naʼakgatekgsa tuku masiya Biblia xlakata tuku lichuwinampatit.
NA KAʼAKXILHTI
Prov. 25:15; 2 Tim. 2:23-26; 1 Ped. 3:15
