Chuntiya kakaputsa tiku katachuwinanti

NAMATLAKGNIYA

Tastakyaw xalak Biblia: «Chuntiya xmasiyamakgolh chu xlichuwinamakgolh xatlan tamakatsinin» (Hech. 5:42).

Tuku tlawalh Pablo

VIDEO: Pablo ni taxlajwani chu chuntiya lichuwinan Dios k’Éfeso

1. Kaʼakxilhti VIDEO o kalikgalhtawakga Hechos 19:8-10. Alistalh kalilakpuwanti umakgolh takgalhskinin:

1. Maski makgapitsin ni kgaxmatnikgolh tuku xkalitachuwinama, ¿tuku likatsiyaw pi Pablo ni taxlajwanilh?
2. ¿La xlimakglhuwa xkatachuwinan Pablo tiku xlimasiyakgo pi xkgaxmatniputunkgo, chu la xlimakgas chuna tlawalh?

¿Tuku kinkamasiyaniyan tuku tlawalh Pablo?

2. Talakaskin kilhtamaku chu lu naliskujaw xlakata nakalakgtaspitparayaw latamanin chu natsukuyaw kamakgalhtawakgeyaw.

Katlawa chuna la Pablo

3. Kalakgapaxialhnanti tiku tachuwinanti kilhtamaku chu hora akxni matlani. Kalilakpuwanti: «¿Tuku kilhtamaku tlan nakintachuwinan? ¿Niku tlan xakkgalhchuwinaw?». Xatapaxuwan kalakgtaspitti maski hora nema wanin, wix ni lu matlaniya.

4. Kakgalhskinti tuku kilhtamaku tlan nakgalhchuwinamparayatit. Akxni xapulana natachuwinana kalakkaxlatit tukuya hora chu tukuya kilhtamaku nakgalhchuwinamparayatit. Kamakgantaxti mintachuwin.

5. Ni kataxlajwani. Ni kalakpuwanti pi lataman ni katsiputun tuku wan Biblia kaj xlakata ni manokglhuya kxchik o lhuwa tuku limakgapalama (1 Cor. 13:4, 7). Chuntiya kaputsa tiku tachuwinanti, pero kuenta katlawa ni kaj namakgatsankgaya minkilhtamaku (1 Cor. 9:26).

NA KAʼAKXILHTI

Hech. 10:42; 1 Cor. 9:22, 23; 2 Cor. 4:1; Gál. 6:9

KAKAPAXKI LATAMANIN: KAKAMAKGALHTAWAKGE