CAPÍTULO 3
¿La xwanit latamat kjardín xaʼEdén?
Dios lhuwa tuku kamaxkilh Adán chu Eva (Génesis 1:28)
Jehová tlawalh Eva, xapulana puskat chu maxkilh Adán xlakata xpuskat xwa (Génesis 2:21, 22).
Akxni Dios katlawalh Adán chu Eva ni xkgalhikgo talakgalhin. Xtalakapastaknikan chu xmaknikan ni xkgalhikgo tuku nitlan.
Xlamakgo kʼjardín xaʼEdén: lu lilakgatit xwanit chu anta xwi akgtum kgalhtuchokgo, lhuwa kiwi chu animales. Akgtum paraíso xwanit.
Jehová xkatachuwinan Adán chu Eva chu lhuwa tuku xkamasiyani. Komo putum kilhtamaku xlatamaputunkgolh kʼuma paraíso, xtalakaskin xkgalhakgaxmatkgolh Dios.
Dios kawanilh pi ni xwakgolh xtawakat kaj kgantum kiwi (Génesis 2:16, 17)
Chatum ángel ni kgalhakgaxmatli Dios. Uma xalixkajni ángel wa Satanás, tiku na wanikan Akgskgawini.
Dios kawanilh Adán chu Eva pi ni xwakgolh xtawakat kgantum kiwi nema xwi kjardín. Komo xwakgolh xtawakat uma kiwi xnikgolh.
Satanás ni xlakaskin pi Adán chu Eva xkgalhakgaxmatkgolh Jehová. Limaklakaskilh tantum luwa xlakata xwanilh Eva pi komo xwalh uma tawakat ni xʼama niy. Wanilh pi la Dios xʼama wan. Pero uma akgtum lanka taʼakgsanin (Génesis 3:1-5).
You May Also Like
ESSENTIAL BIBLE TEACHINGS
¿Tuku xlakata tlawalh Dios Katiyatni?
Katiyatni akgtum planeta nema lu stlan. Liwana lakkaxwilikanit la xlimakgat natawilani Chichini, la xlilakapala natakgalhspittawila chu la xtalakpatatilhalh ¿Tuku xlakata Dios lu liskujli xlakata xmalakatsukilh uma lu stlan planeta?
Biblia chu tuku lichuwinan
Malakatsukina kamaxki paraíso latamanin
¿La wan Biblia pi malakatsukika latamanin? ¿Tuku kalimapakgsilh Dios xapulana latamanin?
