Biblia xlichuwinanita lhuwa tuku lama uku. Wa pi kamanan ni xʼamakgo kgalhakgaxmatkgo xtlatkan chu latamanin lixkajni xʼamakgo likatsikgo, xʼamakgolh paxkikgo tumin, chu tuku xlipaxuwakgolh.

Na lichuwinalh pi xʼama tachiki tiyat, xʼama anan guerras, ni xʼama anan lhuwa liwat chu lhuwa tajatat xʼama anan. Chu wa tuku lama uku.

Jesús lichuwinalh pi xalakwan xalaksasti xla xTamapakgsin Dios xʼamaka lichuwinankan xlikalanka Katiyatni (Mateo 24:14).

Nialh makgas Jehová nakamalakgsputu tiku nitlan likatsikgo.

Satanás chu xdemonios nakamalakgaxokgekan.

Latamanin tiku nakgalhakgaxmatkgo Dios natawilakgo kxasasti kakilhtamaku niku naʼanan tapaxkit, takakskni, natlawakan tuku xaʼakgstitum, nitu katilipekuanka. Latamanin tlan nalalipawan.