¿Minit kilhtamaku lakapastakti akxni xwila ktamakxtumit nema lu matliwakglhni, kʼakgtum lu stlan lanka tamakxtumit, o wi tiku tlan kgaxmatnin akxni xlichuwinampat Dios, o max lu tlan takgalhchuwinanti chatum tiku la mintala xliʼakxilha? Wix lakapastakaku Jehová, chu Jehová na chuntiyaku lakapastakan. Xla lakapastaka la lu tlan kskujnaniya chu ni xmakgatsankgananiya. Chu xla lu makgtayaputunan xlakata nalakgtaspita.

Jehová wan: «Nakkaputsa kiborregos chu nakkakuentajtlawa. Nakkakuentajtlawa chuna la xkuentajtlawana borrego akxni katekgsa xborrego nema akgawani lamakgo chu kamawi. Chu nakkakilakgmaxtu kaniwa niku taʼakgawanikgolh» (Ezequiel 34:11, 12).