TAKGALHTAWAKGA 01
¿La tlan namakgtayayan Biblia?
Lhuwa akinin tlawayaw takgalhskinin xlakata latamat, tapatin, linin chu kilhtamaku nema aku mima. Pero na lilakgaputsayaw tuku titaxtuyaw chali chali, max xlakata nakgalhiyaw tuku namaklakaskinaw o la xatapaxuwan natawila kifamiliajkan. Lhuwa latamanin akxilhkgonit pi Biblia kgalhti umakgolh lu xlakaskinka takgalhskinin, pero na masta laktlan tastakyaw xlakata la nalatamayaw chali chali. ¿Lakpuwana wix pi Biblia tlan namakgtaya chatum tiku lakgapasa?
1. ¿Tuku takgalhskinin kgalhti Biblia?
Wa uma makgapitsi xlakaskinka takgalhskinin nema kgalhti Biblia: ¿La kilhtsukulh latamat? ¿Tuku xlakata minitaw latamayaw? ¿Tuku xlakata patinankgo tiku tlan likatsikgo? ¿Ankgo latamakgo alakatanu tiku nikgonita? Komo putum latamanin kgalhiputunkgo takaksni, ¿tuku xlakata anan guerras? ¿Namalakgsputukan Katiyatni? Biblia kgalhti umakgolh takgalhskinin chu lhuwa latamanin tekgskgonit xatakgalhtin chu tlan limakgkatsikgo.
2. ¿La kinkamakgtayayan Biblia nalipaxuwayaw tuku tlawayaw chali chali?
Biblia kinkamaxkiyan laktlan tastakyaw, kinkamasiyaniyan la xatapaxuwan natawila kifamiliajkan. Na kinkawaniyan tuku tlan natlawayaw xlakata ni lu nalakgaputsayaw chu nalipaxuwayaw kintaskujutkan. Chuna la nakgalhtawakgatilhayaw, tlakg nakatsiniyaw xlakata umakgolh tastakyaw chu atanu tuku masiya Biblia. Chuna la natitaxtu kilhtamaku, wix naʼakxilha pi putum tuku min «kxasanto Tatsokgni [o wa tuku wan Biblia] [...] makgtayanan» (2 Timoteo 3:16).
Uma likgalhtawakga ni Biblia, pero namakgtayayan nakatsiya tuku wan Biblia. Kkawaniyan pi kaputsa putum textos nema min kʼakgatunu takgalhtawakga chu katamalakxtupi umakgolh textos tuku nakatsinitilhaya.
TLAKG KALAKPUTSANANIW
Kaʼakxilhwi la kamakgtayanit Biblia amakgapitsin latamanin. Na naʼakxilhaw tuku natlawayaw xlakata nalipaxuwayaw akxni nalikgalhtawakgayaw chu tuku tlan kitaxtu komo wi tiku nakinkamakgtayayan naʼakgatekgsaw tuku wan Biblia.
3. Biblia kinkapulalinan
Biblia xtachuna la akgtum makgskgot nema lu makaxkgakge kintijikan, kinkamakgtayayan nalaksakaw tuku tlan chu na kinkamasiyaniyan tuku aku nala.
Kalikgalhtawakgatit Salmo 119:105 chu kalichuwinantit uma:
-
¿Tuku xlakpuwan tiku tsokgli uma salmo xlakata Biblia?
-
Chu wix, ¿tuku lakpuwana xlakata Biblia?
4. Biblia kgalhti kintakgalhskininkan
Chatum puskat akxilhli pi Biblia masta xatakgalhtin takgalhskinin nema xla xkgalhi makgasata. Kaʼakxilhtit VIDEO chu kalichuwinantit uma:
-
Chuna la akxilhwi kvideo, ¿tuku xʼakstu xkgalhskinkan uma puskat?
-
¿La makgtayalh akxni likgalhtawakgalh Biblia?
Biblia wan pi katlawaw takgalhskinin. Kalikgalhtawakgatit Mateo 7:7 chu kalichuwinantit uma:
-
¿Lakpuwana pi Biblia tlan nakgalhti makgapitsi takgalhskinin nema wix kgalhiya? Komo chuna, ¿tukuya takgalhskinin?
5. Tlan nalipaxuwayaw akxni nalikgalhtawakgayaw Biblia
Lhuwa latamanin likgalhtawakgakgo Biblia chu lu litamakgtayakgo. Kaʼakxilhtit VIDEO chu kalichuwinantit uma:
-
¿Tuku xlakata umakgolh kamanan ni lakgatikgo kgalhtawakgakgo?
-
Pero, ¿tuku xlakata lakgatikgo likgalhtawakgakgo Biblia?
Biblia kinkamasiyaniyan tuku tlan kinkamamakgkatsiniyan chu kinkamaxkiyan takgalhkgalhin. Kalikgalhtawakgatit Romanos 15:4 chu kalichuwinantit uma:
-
¿Tlakg katsiputuna xlakata la Biblia tlan kinkamamakgkatsiniyan chu kinkamaxkiyan takgalhkgalhin?
6. Tlakg tlan naʼakgatekgsniyaw Biblia komo wi tiku nakinkamakgtayayan
Lhuwa latamanin tlakg tlan kakitaxtuninit akxni wi tiku kamakgtaya nalikgalhtawakgakgo Biblia, nixawa akxni xʼakstukan kgalhtawakgakgo. Kalikgalhtawakgatit Hechos 8:26-31 chu kalichuwinantit uma:
-
¿Tuku nakinkamakgtayayan naʼakgatekgsaw tuku wan Biblia? (Kaʼakxilhtit versículos 30 chu 31).
Chixku xalak Etiopía xmaklakaskin pi wi tiku xmakgtayalh naʼakgatekgsa Tatsokgni. La uku lhuwa latamanin tlakg tlan kakitaxtuninit akxni wi tiku kamakgtaya nalikgalhtawakgakgo Biblia.
MAKGAPITSIN WANKGO: «Nitu limakwan likgalhtawakgakan Biblia».
-
¿Tuku lakpuwana wix? ¿Tuku xlakata chuna lakpuwana?
TUKU KATSINIW
Biblia masta tastakyaw xlakata la nalatamayaw. Na masta xatakgalhtin xlakaskinka takgalhskinin, tlan kinkamamakgkatsiniyan chu kinkamaxkiyan takgalhkgalhin.
¿Tuku xkgalhtinanti?
-
¿Tuku tastakyaw tekgsaw kBiblia?
-
¿Tuku takgalhskinin kgalhti Biblia?
-
Chu wix, ¿tuku lakaskina xmasiyanin Biblia?
TLAKG KAKATSINI
Kaʼakxilhti tuku xlakata xtastakyaw Biblia kinkamakgtayayan la uku.
«Xtamasiy Biblia: Liskgalala nema nikxni sputa» (Makatsinina núm. 1 kata 2018)
Kaʼakxilhti la Biblia makgtayalh chatum chixku tiku xlakpuwan pi nitu xlitaxtu lata akxni aktsujku xwanit.
Kaʼakxilhti tuku tastakyaw masta Biblia xlakata xatapaxuwan natawila familia.
“12 claves para una familia feliz” (¡Despertad!, núm. 2 kata 2018)
Kaʼakxilhti pi Biblia masiya tiku mapakgsinama kkakilhtamaku.
¿Tuku xlakata nalikgalhtawakgaya Biblia? (xatakgatsin) (3:14)
Max na nalakgatiya uma
TAKGALHSKININ NEMA TLAKG TLAWAKAN
¿La kmakgalhtawakgenanaw?
Ktakgalhtawakga nema mastakgo xtatayananin Jehová, wix tlan namaklakaskina Biblia nema kgalhiya. Na tlan natawilakgo mifamilia chu mi amigos akxni namakgalhtawakgekana.
