TAKGALHTAWAKGA 03
¿Tlan lipawankan tuku wan Biblia?
Biblia limin lhuwa tastakyaw chu lichuwinan lhuwa tamalaknun. Max wix katsiputuna tuku masiya, pero ni liwana katsiya komo tlan nalipawana. ¿Tlan nalipawanaw xtastakyaw chu xtamalaknun maktum libro nema makgasata tsokgkanit? ¿Xlikana kinkamakgtayayan xtastakyaw la uku? ¿Chu tlan nakanajlayaw pi nakgantaxtu tuku lichuwinan? Lhuwa latamanin chuna kanajlakgo. Kkawaniyan pi kaʼakxilhti tuku xlakata chuna lakpuwankgo chu komo wix na tlan chuna nakanajlaya.
1. ¿Xlikana lanit tuku lichuwinan Biblia?
Biblia wan pi tuku tatsokgnit anta, «xaxlikana tachuwin» chu ni akgtsankga (Eclesiastés 12:10). Lichuwinan tuku xlikana lanit chu kalichuwinan latamanin tiku xlikana latamakgolh (kalikgalhtawakga Lucas 1:3 chu 3:1, 2). Lhuwa arqueólogos chu tiku lakputsananikgo tuku lanit makgasa akxilhkgonit pi Biblia wan tuku xaxlikana akxni kalichuwinan latamanin o akxni lichuwinan tuku lanit, niku chuna lanit chu tuku kilhtamaku chuna lalh.
2. ¿Tuku xlakata tlan nalipawanaw Biblia maski makgasata tsokgkanit?
Lata makgasa, Biblia limasiyanit pi xlichuwinan tuku ninati xkatsi. Akgtum liʼakxilhtit, Biblia lichuwinan tuku katsikgo científicos, maski akxni tsokgka tanu tanu tuku xlakpuwankgokan. Pero la uku científicos limasiyakgonit pi Biblia ni akgtsankga. Wa xlakata, «putum kilhtamaku tlan lipawankan, la uku chu kanikxniwa» (Salmo 111:8).
3. ¿Tuku xlakata tlan nalipawanaw pi tuku wan Biblia nakgantaxtu?
Biblia lichuwinan makgapitsi tuku xwankanit pi xʼama la “nema nina kgantaxtu” (Isaías 46:10). Lichuwinalh tuku xʼama la akxni lhuwaku kilhtamaku xtsankga. Nachuna, liwana lichuwinan tuku titaxtumaw la uku. Kʼuma takgalhtawakga nalichuwinanaw makgapitsi tuku Biblia xlichuwinanit pi xʼama la chu naʼakxilhaw la liwana kgantaxtutilhama.
TLAKG KALAKPUTSANANIW
Kaʼakxilhwi pi tuku katsikgonit científicos tatalakxtumi tuku wan Biblia chu kalichuwinaw makgapitsi tuku Biblia xwanit pi xʼama la.
4. Tuku wankgo científicos limasiya pi xlikana tuku wan Biblia
Makgasata lhuwa latamanin xlakpuwankgo pi wi tuku xchipawilinit Katiyatni. Kaʼakxilhtit VIDEO.
Kaʼakxilhti tuku tsokgwilika kxlibro Job liwakaya 3,500 kata. Kalikgalhtawakgatit Job 26:7 chu kalichuwinantit uma:
-
¿Tuku wan Biblia xlakata la wi Katiyatni chu tuku xlakata kaks kinkamalakawaniyan?
Kajku 200 kata kgalhi lata katsika pi chuchut puklhni wan chu taktapara. Pero kaʼakxilhti tuku lichuwinalh Biblia akglhuwata mil kata. Kalikgalhtawakgatit Job 36:27, 28 chu kalichuwinantit uma:
-
Xliputum tuku likgalhtawakgaw, ¿tuku tlakg kaks malakawaniyan xlakata la chuchut puklhni wan chu taktapara?
-
¿Makgtayayan textos nema likgalhtawakgaw tlakg nalipawana tuku wan Biblia?
5. Biblia lichuwinalh tuku lu xlakaskinka xʼama la
Kalikgalhtawakgatit Isaías 44:27–45:2 chu kalichuwinantit uma:
-
Akxni 200 kata xtsankga chuna nala, ¿tuku liwana lichuwinalh Biblia pi xʼama akgspula Babilonia?
Tuku lanit liwana masiya pi kkata 539 akxni nina xmin Jesús, Ciro, chatum mapakgsina xalak Persia chu ksoldados akgchipakgolh Babilonia. Pulana pawaxlinkgolh chuchut nema xlistili kachikin. Alistalh ni tuwa tanukgolh kBabilonia xlakata ni xmalakchuwakanit kachikin chu ni talakaskilh natalachipanankgo. Titaxtunita 2,500 kata lata kgantaxtulh uma chu Babilonia chuntiya niti lakkaxtlawama. Kaʼakxilhwi atanu tuku Biblia na lichuwinalh pi xʼama la.
Kalikgalhtawakgatit Isaías 13:19, 20 chu kalichuwinantit uma:
-
¿La kgantaxtulh uma tuku xlichuwinankanit pi xʼama la?
Anta kʼIrak tasiya tuku akgataxtulh xla Babilonia
6. Biblia lichuwinalh tuku lama la uku
Biblia wan pi lamaw «kxaʼawatiya kilhtamaku» (2 Timoteo 3:1). Kaʼakxilhti tuku wan Biblia pi xʼama la kkinkilhtamakujkan.
Kalikgalhtawakgatit Mateo 24:6, 7 chu kalichuwinantit uma:
-
¿Tuku liwana lichuwinalh Biblia pi xʼama la kxaʼawatiya kilhtamaku?
Kalikgalhtawakgatit 2 Timoteo 3:1-5 chu kalichuwinantit uma:
-
Chuna la wan Biblia, ¿tuku tayat xʼamakgo kgalhikgo latamanin kxaʼawatiya kilhtamaku?
-
Xliputum tuku wan uma texto, ¿tuku tayat akxilha wix pi kgalhikgo latamanin xala uku?
MAKGAPITSIN WANKGO: «Tuku lichuwinan Biblia kaj cuento».
-
Xliputum tuku lichuwinanitaw, ¿tuku makgtayayan nalipawana tuku wan Biblia?
TUKU KATSINIW
Tuku wankgo científicos, tuku lanit makgasa chu tuku xlichuwinanit pi xʼama la, kinkamasiyaniyan pi tlan nalipawanaw tuku wan Biblia.
¿Tuku xkgalhtinanti?
-
¿Xlikana lanit tuku lichuwinan Biblia o kaj cuentos?
-
¿La limasiya tuku wankgo científicos pi tuku wan Biblia xlikana?
-
¿Kanajlaya wix pi Biblia lichuwinan tuku aku ama la? ¿Tuku xlakata chuna lakpuwana?
TLAKG KAKATSINI
¿Akgtsankga Biblia akxni lichuwinan tuku wankgo científicos?
«¿Tatalakxtumi tuku wan Biblia tuku wankgo científicos?» (Artículo xalak jw.org)
¿Tuku limasiya pi lamaw kxaʼawatiya kilhtamaku?
«Pulakchaxan tuku xlichuwinanit Biblia nema kgantaxtuma la uku» (Makatsinina, 1 xla junio kata 2011)
Kaʼakxilhti la kgantaxtulh tuku xlichuwinanit Biblia pi xʼama la xpalakata xtamapakgsinkan griegos.
Kaʼakxilhti pi tuku Biblia wan pi xʼama la, lakgpalilh tuku xlakpuwan chatum chixku xlakata Biblia.
You May Also Like
TAKGALHSKININ NEMA TLAKG TLAWAKAN
¿La kmakgalhtawakgenanaw?
Ktakgalhtawakga nema mastakgo xtatayananin Jehová, wix tlan namaklakaskina Biblia nema kgalhiya. Na tlan natawilakgo mifamilia chu mi amigos akxni namakgalhtawakgekana.
