TAKGALHTAWAKGA 04
¿Tiku Dios?
Lata xkilhtsukut latamanin lhuwa dioses kakninanikanit. Pero Biblia lichuwinan chatum Dios tiku «tlakg lanka xlakatsukut nixawa atanu dioses» (2 Crónicas 2:5). ¿Tiku uma Dios? ¿Chu tuku xlakata tlakg lanka xlakatsukut nixawa atanu dioses nema kakninanikgo latamanin? Uma takgalhtawakga namasiyaniyan tuku Dios lakaskin nakatsiya xpalakata.
1. ¿Tuku xtukuwani Dios chu la katsiyaw pi xla lakaskin kalakgapaswi xtukuwani?
Dios maklakaskin Biblia xlakata nakinkawaniyan tuku wanikan. Xla wan: «Akit Jehová. Wa uma kintukuwani» (kalikgalhtawakga Isaías 42:5, 8). Chuna la wankgo tiku lu kgalhtawakgakgonit, Jehová, akgtum tukuwani nema ktachuwin xahebreo wamputun «xla tlawa pi chuna kalalh». Jehová lakaskin pi kalakgapaswi xtukuwani (Éxodo 3:15). ¿La katsiyaw uma? Katsiyaw uma xlakata xla tlawalh pi liwaka 7,000 a xlimakglhuwa xtsokgwilika xtukuwani kBiblia. Jehová wa xtukuwani «xaxlikana Dios kʼakgapun chu kkatiyatni» (Deuteronomio 4:39).
2. ¿Tuku kinkalitachuwinanan Biblia xlakata Jehová?
Biblia wan pi xliputum dioses nema kakninanikgo latamanin, kajwatiya Jehová xaxlikana Dios. ¿Tuku xlakata? Tipalhuwa tuku xlakata. Jehová wa tiku tlakg kgalhi limapakgsin chu wa «tiku tlakg Lanka xlikalanka katiyatni» (kalikgalhtawakga Salmo 83:18). Xlakata wa «Tiku kgalhi putum litliwakga», tlan tlawa putum tuku xla lakaskin. Xla na Malakatsukina, tlawalh “putum tuku anan” kʼakgapun chu tuku anan kKatiyatni (Apocalipsis 4:8, 11). Chu ni kajwatiya uma, Jehová ankgalhin latamanit chu kanikxniwa nalatama (Salmo 90:2).
TLAKG KALAKPUTSANANIW
Kaʼakxilhwi pi maski Dios lhuwa tuku lilakgapaskan, ni wa xtukuwani. Xla kgalhi akgtum tukuwani nema kaj wa tapakgsini. Na nakatsiyaw tuku maklakaskin xlakata nakinkamalakgapasniyan xtukuwani chu tuku xlakata lakaskin kalakgapaswi.
3. Dios lhuwa tuku lilakgapaskan, pero kaj akgtum xtukuwani
Xlakata nakatsiyatit pi maski chatum lataman lhuwa tuku lilakgapaskan o litaxtu, pero kaj akgtum xtukuwani kgalhi, kaʼakxilhtit VIDEO chu kalichuwinantit uma:
-
¿Tuku litalakgpali xtukuwani chatum lataman chu tuku lilakgapaskan? Akgtum liʼakxilhtit, akxni wankan malana.
Biblia wan pi lhuwa latamanin kakninanikgo lhuwa dioses chu malananin. Kalikgalhtawakgatit Salmo 136:1-3 chu kalichuwinantit uma:
-
¿Tiku ama «xDioskan dioses» chu «xMalanakan malananin»?
4. Jehová lakaskin kalakgapasti xtukuwani chu kamaklakaskinti
¿Tuku xlakata wanaw pi Jehová lakaskin kalakgapasti xtukuwani? Kaʼakxilhtit VIDEO chu kalichuwinantit uma:
-
¿Tuku xlakata xwanti wix pi Jehová lakaskin kalakgapaska xtukuwani?
Jehová lakaskin pi latamanin kamaklakaskinkgolh xtukuwani. Kalikgalhtawakgatit Romanos 10:13 chu kalichuwinantit uma:
-
¿Tuku xlakata lu xlakaskinka nalimapakuwiyaw Dios xtukuwani, Jehová?
-
¿La makgkatsiya wix akxni wi tiku lakapastaka mintukuwani?
-
¿Tuku lakpuwana wix pi makgkatsi Jehová akxni lakapastaka xtukuwani chu mapakuwiya?
5. Jehová lakaskin pi wix xʼamigo kawanti
Chatum puskat xalak Camboya nema wanikan Soten wan pi lu limin tapaxuwan akxni lakgapaskan xtukuwani Dios. Kaʼakxilhtit VIDEO chu kalichuwinantit uma:
-
Chuna la akxilhwi kvideo, ¿la makgtayalh Soten akxni lakgapasli xtukuwani Dios?
Xlakata wi tiku miʼamigo nawan, pulana milikatsit tuku wanikan. Kalikgalhtawakgatit Santiago 4:8a chu kalichuwinantit uma:
-
¿Tuku lakaskin Jehová natlawaya?
-
¿Kanajlaya wix pi komo nalakgapasa xtukuwani Dios chu namapakuwiya, namakgtayayan natalakatsuwiniya? ¿Tuku xlakata chuna lakpuwana?
MAKGAPITSIN WANKGO: «Xlakata kaj chatum Dios anan, ni talakaskin namapakuwiyaw».
-
¿Kanajlaya wix pi xtukuwani Dios wa Jehová?
-
¿Tuku xkawani wix amakgapitsin xlakata natakatsi pi Dios lakaskin kamapakuwiw?
TUKU KATSINIW
Jehová wa xtukuwani xaxlikana Dios. Xla lakaskin kalakgapaswi xtukuwani chu kamapakuwiw xlakata tlan xʼamigos nawanaw.
¿Tuku xkgalhtinanti?
-
¿Tuku xlakata Jehová ni xtachuna amakgapitsi dioses nema kakninanikgo latamanin?
-
¿Tuku xlakata talakaskin namapakuwiyaw Dios?
-
¿Lakaskin Jehová pi xʼamigo nawana? ¿La katsiya pi chuna lakaskin?
TLAKG KAKATSINI
Kaʼakxilhti pulakkitsis tuku limasiya pi xlikana wi Dios.
Kaʼakxilhti tuku xlakata xlilat nakanajlayaw pi Dios lama lata makgasa.
Kaʼakxilhti tuku xlakata kilimapakuwitkan Dios maski ni katsiyaw la xwankan xtukuwani makgasa.
¿Xlakaskinka la namapakuwiyaw Dios? Kaʼakxilhti tuku xlakata wanaw pi Dios kajwatiya akgtum xtukuwani kgalhi.
a Kfolleto Tuku liputsananikan xTachuwin Dios kpáginas 1-5, tlakg lichuwinan tuku wamputun xtukuwani Dios chu tuku xlakata kmakgapitsi Biblias ni wilikanit uma tukuwani.
You May Also Like
TAKGALHSKININ NEMA TLAKG TLAWAKAN
¿La kmakgalhtawakgenanaw?
Ktakgalhtawakga nema mastakgo xtatayananin Jehová, wix tlan namaklakaskina Biblia nema kgalhiya. Na tlan natawilakgo mifamilia chu mi amigos akxni namakgalhtawakgekana.
