TAKGALHTAWAKGA 11
¿La tlan nalitamakgtayayaw Biblia?
¿Milh kilhtamaku wix xmatsukiputuna akgtum lanka taskujut, pero lu tuwa makgkatsi? Xlakata ni lu tuwa xmakgkatsi, max tsinu tsinu tlawatilha. Nachuna kitaxtu akxni likgalhtawakgaputunaw Biblia. Max lakpuwana: «¿Tuku pulana naklikgalhtawakga?». Uma takgalhtawakga nakinkamasiyaniyan tuku nakinkamakgtayayan xlakata nalipaxuwayaw akxni nalikgalhtawakgayaw chu nalakputsananiyaw Biblia.
1. ¿Tuku xlakata lu tlan kitaxtu akxni chali chali likgalhtawakgayaw Biblia?
Tiku chali chali likgalhtawakga Biblia o «xlimapakgsin Jehová», napaxuwa chu tlan nakitaxtuni kxlatamat (kalikgalhtawakga Salmo 1:1-3). Tsinu tsinu kamatsuki, kaj ni lhuwa minuto kalikgalhtawakga chali chali. Akxni tlakg nalakgapasa xTachuwin Dios, tlakg nalakgatiya nalikgalhtawakgaya.
2. ¿Tuku natlawa pi tlakg nalitamakgtayaya Biblia?
Xlakata nalitamakgtayayaw tuku nalikgalhtawakgayaw kBiblia, ni kajwatiya talakaskin nalikgalhtawakgayaw uma libro, na talakaskin “nalilakpuwanaw” (Josué 1:8). Akxni likgalhtawakgapat, kalakpuwanti: «¿Tuku kimasiyanikgo umakgolh versículos xlakata Jehová? ¿La tlan naklilatama? ¿La tlan xakkalimakgtayalh amakgapitsin?».
3. ¿La nalimaxtuya kilhtamaku xlakata nalikgalhtawakgaya Biblia?
¿Tuwa makgkatsiya nalimaxtuya kilhtamaku xlakata nalikgalhtawakgaya Biblia maski kaj puntsu? Lhuwa chuna makgkatsiyaw. Kaliskujti “liwana namaklakaskina minkilhtamaku” (Efesios 5:16). Tlan nalikgalhtawakgaya Biblia komo nalakkaxwiliya tuku kilhtamaku chuna natlawaya. Wi tiku likgalhtawakgakgo Biblia tsisa. Amakgapitsin likgalhtawakgakgo kakgotanun, max akxni nawayankgo. Chu wi tiku likgalhtawakgakgo katsisni akxni nina ankgo lhtatakgo. ¿Tuku kilhtamaku tlan xlikgalhtawakga Biblia?
TLAKG KALAKPUTSANANIW
Kaʼakxilhwi tuku tlan natlawayaw xlakata tlakg nalakgatiyaw nalikgalhtawakgayaw Biblia. Uma takgalhtawakga nakinkamasiyaniyan tuku nakinkamakgtayayan nalakkaxwiliyaw tuku nalikgalhtawakgayaw chu tlakg nalitamakgtayayaw.
Tlan tsinu tsinu nalakgatitilhayaw akxni nalikgalhtawakgayaw Biblia, xtachuna la akxni xlimakgtumku kgalhwananaw liwat nema nikxni xwanitaw
4. Kalipaxuwa akxni nalikgalhtawakgaya Biblia
Max tuwa makgkatsiyaw natsukuyaw likgalhtawakgayaw Biblia. Pero max tsinu tsinu tlakg nalakgatitilhayaw nalikgalhtawakgayaw chuna la tsukuyaw lakgatiyaw akgtum liwat nema nikxni xkgalhwananitaw. Kalikgalhtawakgatit 1 Pedro 2:2 chu kalichuwinantit uma:
-
¿Lakpuwana pi komo chali chali nalikgalhtawakgaya Biblia tlakg nalakgatitilhaya chu tlakg nalikgalhtawakgaputuna?
Kaʼakxilhtit VIDEO xlakata nakalakgapasatit makgapitsi kamanan tiku tsinu tsinu tsukukgolh lakgatikgo nalikgalhtawakgakgo Biblia. Chu alistalh kalichuwinantit uma:
-
Chuna la akxilhwi kvideo, ¿tuku tuwa xmakgkatsikgo kamanan?
-
¿Tuku kamakgtayalh chuntiya naliskujkgo nalikgalhtawakgakgo Biblia?
-
¿Tuku kamakgtayalh xlakata tlakg nalakgatikgo nalikgalhtawakgakgo Biblia?
Tuku tlan natlawaya:
-
Kalaksakti maktum Biblia nema ni tuwa taʼakgatekgsa. Kalikgalhtawakga Xtachuwin Dios xlakata Tiku nalatamakgo kxaSasti Katiyatni kmintachuwin o kʼatanu tachuwin nema akgatekgsa.
-
Tlan pulana nalikgalhtawakgaya tuku tlakg lakgatiya. Krecuadro nema wanikan «Tuku tlan natlawaya xlakata nalikgalhtawakgaya Biblia», namasiyaniyan makgapitsi tuku tlan natlawaya.
-
Kalhkawili tuku likgalhtawakgatilhapat. Kamaklakaskinti recuadro «Niku klhkawili tuku klikgalhtawakgama» nema min kʼuma likgalhtawakga.
-
Kamaklakaskinti aplicación JW Library®. Komo namaktiya kminteléfono o kʼatanu dispositivo tlan nalikgalhtawakgaya Biblia o nakgaxpata xagrabación kaxanikawa niku lapat.
-
Kamaklakaskinti folleto Tuku liputsananikan xTachuwin Dios. Anta natekgsa mapas chu recuadros nema namakgtayayan tlakg nalakgatiya la likgalhtawakgapat Biblia.
5. Kalakkaxwili tuku nalimakgalhtawakgekana
Kalikgalhtawakgatit Salmo 119:34 chu kalichuwinantit uma:
-
¿Tuku xlakata militlawat oración akxni nalikgalhtawakgaya Biblia o akxni nalakkaxwiliya tuku pimpaka limakgalhtawakgekana?
¿Tuku militlawat xlakata tlakg nalitamakgtayaya akxni makgatunu namakgalhtawakgekana? Akxni lakkaxwilipat mintakgalhtawakga, katlawa uma:
-
Kalikgalhtawakga xapulana página xla akgatunu takgalhtawakga.
-
Kaputsa textos xalak Biblia, kalikgalhtawakga chu katamalakxtupi tuku likgalhtawakgapat.
-
Kalhtitti xatakgalhtin takgalhskinin. Uma namakgtayayan akxni natakgalhtawakgaya tiku makgalhtawakgeman.
¿Xkatsiyata?
Xtatayananin Jehová tipalhuwa Biblia kmaklakaskinitaw, pero tlakg klakgatiyaw Traducción del Nuevo Mundo xlakata xatakgatsin, nituwa taʼakgatekgsa chu limin xtukuwani Dios (kaʼakxilhti artículo xalak jw.org «¿Kgalhikgo xtatayananin Jehová xBibliajkan?»).
MAKGAPITSIN WANKGO: «Klakpuwan pi nila ktilikgalhtawakgalh Biblia. Ni kkgalhi kilhtamaku chu ni klakgapasputun letra».
-
Chu wix, ¿tuku lakpuwana?
TUKU KATSINIW
Xlakata tlakg nalitamakgtayaya akxni nalikgalhtawakgaya Biblia, kalakkaxwili tuku hora nalikgalhtawakgaya. Kaskini Dios pi kamakgtayan naʼakgatekgsa tuku likgalhtawakgapat chu kalakkaxwili tuku nalimakgalhtawakgekana.
¿Tuku xkgalhtinanti?
-
¿Tuku natlawaya xlakata tlakg nalitamakgtayaya Biblia?
-
¿Tuku hora tlan miʼakstu xlikgalhtawakga chu xlakputsanani Biblia?
-
¿Tuku tlan nakitaxtuniyan komo nalakkaxwiliya tuku nalimakgalhtawakgekana?
TLAKG KAKATSINI
Kalakapastakpara makgapitsi tastakyaw nema namakgtayayan tlakg nalitamakgtayaya tuku likgalhtawakgaya kBiblia
Kaʼakxilhti pulaktutu la tlan nalikgalhtawakgaya Biblia.
«¿La tlan nakimakgtaya Biblia? Pulaktum: Kaputsa kBiblia tuku lhuwa xtapalh» (Artículo xalak jw.org)
Kaʼakxilhti tuku namakgtayayan xlakata nalakgatiya nalikgalhtawakgaya Biblia.
Kaʼakxilhti tuku wankgo makgapitsi latamanin tiku makgasata likgalhtawakgamakgo Biblia.
¿La nalikgalhtawakgayaw Biblia chu nalitamakgtayayaw? (2:06)
Max na nalakgatiya uma
TAKGALHSKININ NEMA TLAKG TLAWAKAN
¿La kmakgalhtawakgenanaw?
Ktakgalhtawakga nema mastakgo xtatayananin Jehová, wix tlan namaklakaskina Biblia nema kgalhiya. Na tlan natawilakgo mifamilia chu mi amigos akxni namakgalhtawakgekana.
