Komo Dios xapaxkina chu takanajla o religión wankgo pi palakachuwinankgo chu tlawakgo tuku Dios lakaskin, ¿tuku xlakata tlawakgonit lhuwa tuku lu nitlan? Chuna tlawakgo xlakata umakgolh takanajla nixaxlikana. Xtaʼakgsaninkan chu tuku tlawakgo tlawa pi nitlan nalichuwinankan Dios. ¿Tuku tlawakgonit? ¿La limakgkatsi Dios uma? Chu ¿tuku nakatlawani Dios?

1. ¿Tuku xlakata xtamasiykan nixaxlikana takanajla tlawanit pi nitlan nalichuwinankan Dios?

Nixaxlikana takanajla lilakgpalikgonit «taʼakgsanin tuku xaxlikana xlakata Dios» (Romanos 1:25). Akgtum liʼakxilhtit, lhuwa takanajla ni kamasiyanikgo latamanin xtukuwani Dios. Pero Biblia wan pi kilimapakuwitkan Dios (Romanos 10:13, 14). Akxni la tuku nitlan, makgapitsi xpulalinanin takanajla wankgo pi wa xtalakaskin Dios, pero uma kaj taʼakgsanin. Dios ni wa xkuenta akxni la tuku nitlan (kalikgalhtawakga Santiago 1:13). Umakgolh taʼakgsanin tlawanit pi latamanin natamakgatlinikgo Dios.

2. ¿Tuku xlakata xtayatkan tiku pulalinkgo nixaxlikana takanajla tlawanit pi nitlan nalichuwinankan Dios?

Nixaxlikana takanajla ni kalikatsinikgo latamanin chuna la Jehová kalikatsini. Biblia wan pi «nila putlekgekan chuna la xlilhuwa xtalakgalhin» nixaxlikana takanajla (Apocalipsis 18:5). Akglhuwata ciento kata lata nixaxlikana takanajla makgtanunit kpolítica, kʼguerras chu tlawanit pi nakamakgnikan lhuwa latamanin. Makgapitsi xpulalinanin takanajla kgalhikgo lhuwa tumin chu chuntiya kaskinikgo tiku makgtapakgsikgo kxtakanajlakan xlakata tlan nakgalhikgo tuku xlakan lakgatikgo. Putum uma tuku tlawakgo limasiya pi nipara tsinu lakgapaskgo Dios. Wa xlakata, ni kalakgchan nawankgo pi kskujnin Dios litaxtukgo (kalikgalhtawakga 1 Juan 4:8).

3. ¿La makgkatsi Dios akxni akxilha tuku tlawamakgo nixaxlikana takanajla?

Komo wix nipara tsinu lakgatiya tuku tlawakgo nixaxlikana takanajla, kalakpuwanti la makgkatsi Jehová. Dios kapaxki latamanin, pero kasitsini xpulalinanin takanajla tiku tlawamakgo pi nitlan nalichuwinankan chu nitlan kalikatsinikgo latamanin. Dios wan pi namalakgsputu nixaxlikana takanajla chu «nialh makgtum katiʼakxilhparaka» (Apocalipsis 18:21) Nialh makgas Dios nakamasputu putum nixaxlikana takanajla (Apocalipsis 18:8).

 TLAKG KALAKPUTSANANIW

4. Dios ni kamakgamakglhtinan putum takanajla o religión

Lhuwa latamanin lakpuwankgo pi putum takanajla kinkamakgtayakgoyan nalakgapasaw Dios. Pero ¿xlikana uma? Kalikgalhtawakgatit Mateo 7:13, 14 chu kalichuwinantit uma:

• ¿Tuku wan Biblia xlakata tiji nema linan klatamat?

Kaʼakxilhtit VIDEO chu kalichuwinantit uma:

• ¿Masiya Biblia pi Dios makgamakglhtinan putum takanajla?

 6. Dios kalakgmaxtuputun latamanin knixaxlikana takanajla

Kalikgalhtawakgatit Apocalipsis 18:4 a chu kalichuwinantit uma:

• ¿La makgkatsiya wix akxni lilakpuwana pi Dios kalakgmaxtuputun latamanin nema kaʼakgskgawinit nixaxlikana takanajla?

7. Chuntiya kalakgapasti xaxlikana Dios

¿Xlilat pi ni nalakgapasputuna Dios kaj xlakata tuku nitlan tlawakgonit nixaxlikana takanajla? Kalilakpuwanti chatum kgawasa tiku ni kgalhakgaxmatputun xtastakyaw xtlat, makgxtakga xchik chu tsuku tlawa tuku nitlan. Xtlat ni lakgati tuku tlawama xkgawasa. ¿Xlilat nalimawakayaw xatlat tuku nitlan tlawama xkgawasa?

• ¿Xlilat nalimawakayaw Jehová tuku nitlan tlawakgo nixaxlikana takanajla chu nialh nalakgapasputunaw?

 TUKU KATSINIW

Tuku masiyakgo chu tuku lu nitlan tlawakgo nixaxlikana takanajla, tlawanit pi nitlan nalichuwinankan Dios. Nialh makgas Dios nakamalakgsputu.

¿Tuku xkgalhtinanti?

• ¿Tuku lakpuwana wix xlakata tuku tlawakgo chu masiyakgo nixaxlikana takanajla?

• ¿Tuku lakpuwan Jehová xpalakata nixaxlikana takanajla?

• ¿Tuku nakatlawani Dios nixaxlikana takanajla?