TAKGALHTAWAKGA 19
¿Wa xaxlikana kstalaninanin Cristo xtatayananin Jehová?
Xtatayananin Jehová kkatsiyaw pi akinin xaxlikana kstalaninanin Cristo. ¿Tuku xlakata? Kaʼakxilhwi niku kkilhtiyayaw tuku kkanajlayaw chu tukuwani nema klitalakgapasaw. Na nalichuwinanaw tapaxkit nema klalimasiyaniyaw.
1. ¿Niku kilhtiyakgo tuku kanajlakgo xtatayananin Jehová?
Jesús wanilh Dios: «Mintachuwin xaxlikana» (Juan 17:17). Xtatayananin Jehová ktlawayaw chuna la Jesús: putum kilhtamaku kkilhtiyayaw tuku kkanajlayaw anta kxTachuwin Dios. Kaʼakxilhti la kilhtsukukgolh xtatayananin Jehová xala uku. Kkata 1870, makgapitsi xlikgalhtawakgananin Biblia tlakg tsukukgolh lakputsananikgo xTachuwin Dios. Kilhtiyakgolh tuku xkanajlakgo anta kBiblia, maski uma tuku xkanajlakgo xtalalakatawaka tuku xmasiyakan ksikulan. Chu alistalh tsukukgolh kalitachuwinankgo amakgapitsin xaxlikana tuku xlakan xtekgskgonit. a
2. ¿Tuku xlakata kinkalimapakuwikanan xtatayananin Jehová?
Jehová wan pi tiku kakninanikgo xtatayananin litaxtukgo xlakata lichuwinankgo tuku xaxlikana xpalakata (Hebreos 11:4–12:1). Akgtum liʼakxilhtit, makgasa Dios kawanilh xkachikin: «Wixin kintatayananin» (kalikgalhtawakga Isaías 43:10). Chu Jesús lilakgapaskan la «Tatayana tiku ni makgxtakgnan» (Apocalipsis 1:5). Wa xlakata kkata 1931 klitapakuwiw xtatayananin Jehová. Akgtum talakgalhaman pi klinaw uma tukuwani.
3. ¿La limasiyakgo xtatayananin Jehová tapaxkit nema limasiyalh Jesús?
Jesús lu xkapaxki xtamakgalhtawakgen chu la xfamilia xkaliʼakxilha (kalikgalhtawakga Marcos 3:35). Xtatayananin Jehová na makxtum kwilaw, akgtum familia klitaxtuyaw kxlikalanka katiyatni. Chu wa xlakata klawaniyaw «tala» (Filemón 1, 2). Nachuna, kkgalhakgaxmataw uma limapakgsin: «Kakapaxkitit putum natalanin» (1 Pedro 2:17). Pulaklhuwa la klimasiyayaw uma tapaxkit; pulaktum wa akxni kkamakgtayayaw kinatalankan kxlikalanka katiyatni akxni titaxtukgo tuku tuwa.
TLAKG KALAKPUTSANANIW
Kaʼakxilhwi tuku ktitaxtunitaw xtatayananin Jehová chu tuku limasiya pi akinin xaxlikana kstalaninanin Cristo.
Xaxlikana kstalaninanin Cristo kBiblia kilhtiyakgo tuku kanajlakgo chu kalitachuwinankgo amakgapitsin xtakanajlakan
4. Anta kBiblia kkilhtiyayaw tuku kkanajlayaw
Jehová makatsininalh pi tuku xaxlikana masiya Biblia tlakg liwana xʼamaka akgatekgskan. Kalikgalhtawakgatit Daniel 12:4 chu kalichuwinantit uma:
-
¿Tuku xʼama «talhuwi» akxni xlakskujnin Dios tlakg xlakputsananikgolh Biblia?
Kaʼakxilhti tuku xtlawakgo Charles Russell chu amakgapitsi xlikgalhtawakgananin Biblia xlakata nalakputsananikgo xTachuwin Dios. Kaʼakxilhtit VIDEO chu kalichuwinantit uma:
-
Chuna la akxilhwi kvideo, ¿tuku xtlawakgo Charles Russell chu amakgapitsi xlikgalhtawakgananin Biblia xlakata liwana xʼakgatekgsnikgolh xTachuwin Dios?
¿Xkatsiyata?
Minit kilhtamaku klakgpalinitaw tuku kkanajlayaw. ¿Tuku xlakata? Xlakata Dios kinkamakgtayayan tsinu tsinu nakʼakgatekgstilhayaw xTachuwin, xtachuna la akxni xkgakgatilha tlan akxilhaw putum tuku anan (kalikgalhtawakgatit Proverbios 4:18). Wa xlakata, maski Biblia ni talakgpali, akxni wi tuku tlakg liwana kʼakgatekgsaw, klakgpaliyaw tuku kkanajlayaw.
5. Kmakgantaxtiyaw tuku kilhchanima kintukuwanikan
¿Tuku xlakata xtatayananin Jehová klitapakuwiyaw? Kaʼakxilhtit VIDEO chu kalichuwinantit uma:
-
¿Tuku xlakata kinkamininiyan tukuwani xtatayananin Jehová?
¿Tuku xlakata Jehová kalaksaknit latamanin xlakata xtatayananin nalitaxtukgo? Xlakata umakgolh latamanin xʼamakgo lichuwinankgo tuku xaxlikana xpalakata Jehová chu xlimasiyakgolh pi kaj taʼakgsanin putum tuku wankanit xpalakata. Kalichuwinaw makgapitsi taʼakgsanin nema wankanit xpalakata Jehová.
Makgapitsi takanajla o religión masiyakgo pi Dios lakaskin kamaklakaskinka tatlawamakgxtu o imágenes xlakata nakakninanikan. Pero ¿xlikana uma? Kalikgalhtawakgatit Levítico 26:1 chu kalichuwinantit uma:
-
Chuna la wan uma texto, ¿xlikana tuku masiyakgo makgapitsi takanajla? ¿Tuku lakpuwan Dios xlakata tatlawamakgxtu?
Makgapitsi xpulalinanin takanajla masiyakgo pi Jesús wa Dios. Pero ¿xlikana uma? Kalikgalhtawakgatit Juan 20:17 chu kalichuwinantit uma:
-
Chuna la wan texto, ¿xlikana tuku masiyakgo makgapitsi xpulalinanin takanajla? ¿Jesús wa Dios?
-
¿La makgkatsiya wix xlakata katsipat pi Jehová kamalakgachalh xtatayananin xlakata namasiyakgo tuku xaxlikana?
6. Klapaxkiyaw
Biblia wan pi kstalaninanin Cristo xtachuna tuku tanu tanu litakgatsi xmakni chatum lataman. Kalikgalhtawakgatit 1 Corintios 12:25, 26 chu kalichuwinantit uma:
-
¿Tuku xlitlawatkan xaxlikana kstalaninanin Cristo akxni xnatalankan patinankgo?
-
¿Tuku akxilhnita wix pi tlawakgo xtatayananin Jehová xlakata nalalimasiyanikgo tapaxkit?
Akxni xtatayananin Jehová xalak akgtum kachikin patinankgo, xnatalankan kxlikalanka katiyatni lakapala kamakgtayakgo. Xlakata nakatsiya lakatum niku chuna lalh, kaʼakxilhtit VIDEO. Alistalh kalichuwinantit uma:
-
¿Xwanti wix pi xtatayananin Jehová limasiyakgo tapaxkit akxni ankgo makgtayanankgo niku wi tuku masputunan? ¿Tuku xlakata?
Xaxlikana kstalaninanin Cristo kalimasiyanikgo tapaxkit tiku maklakaskinkgo tamakgtay
MAKGAPITSIN WANKGO: «Xtatayananin Jehová nina makgas lakatsukukgonit».
-
¿Lata tuku kilhtamaku Jehová wa pi tiku kakninanikgo xtatayananin litaxtukgo?
TUKU KATSINIW
Akinin xtatayananin Jehová xaxlikana kstalaninanin Cristo. Kmakgtapakgsiyaw kʼakgtum familia kxlikalanka katiyatni nema kakninanikgo Dios, kBiblia kkilhtiyayaw tuku kkanajlayaw chu kmakatsininanaw tuku xaxlikana xpalakata Jehová.
¿Tuku xkgalhtinanti?
-
¿Tuku xlakata klitapakuwiyaw xtatayananin Jehová?
-
¿Tuku ktlawayaw xlakata naklalimasiyaniyaw tapaxkit?
-
¿Kanajlaya wix pi xtatayananin Jehová wa xaxlikana kstalaninanin Cristo?
TLAKG KAKATSINI
Tlakg kakatsi tuku titaxtukgonit xtatayananin Jehová.
Los testigos de Jehová: una historia de fe viva. Parte 1: Salen de la oscuridad (1:00:53)
Kaʼakxilhti makgapitsi tamasiy nema xtatayananin Jehová limasiyakgonit pi ni xaxlikana.
Max wix kgalhiya makgapitsi takgalhskinin xpalakata xtatayananin Jehová. Katekgsti xatakgalhtin.
«Takgalhskinin nema tlakg tlawakan xlakata xtatayananin Jehová» (Sección xalak jw.org)
Tasitsi lhuwa tuku lu nitlan matlawilh Stephen. Kaʼakxilhti pi tuku makgtayalh nalakgpaliputun xlatamat wa tuku akxilhli pi xtlawakgo xtatayananin Jehová.
«Tlakg nitlan la xaklima kilatamat» (Makatsinina, 1 xla julio kata 2015)
a Makatsinina, wa kilikgalhtawakgakan nema ni xmakgasna taxtu chu tamakgpitsima lata kkata 1879.
Max na nalakgatiya uma
TAKGALHSKININ NEMA TLAKG TLAWAKAN
¿La kmakgalhtawakgenanaw?
Ktakgalhtawakga nema mastakgo xtatayananin Jehová, wix tlan namaklakaskina Biblia nema kgalhiya. Na tlan natawilakgo mifamilia chu mi amigos akxni namakgalhtawakgekana.
