TAKGALHTAWAKGA 28
Kalimasiya pi xtapalh liʼakxilha tuku Jehová chu Jesús tlawakgolh mimpalakata
¿La makgkatsiya wix akxni chatum amigo maxkiyan akgtum lu tlan tamaskiwin? Max lu paxuwaya chu limasiyaniputuna miʼamigo pi xtapalh liʼakxilha xtamaskiwin. Jehová chu Jesús kinkamaxkikgon tlakg xatlan tamaskiwin nema akinin tlan xmakglhtinaw: talakgmaxtut. Kaʼakxilhwi la tlan nalimasiyayaw pi paxtikatsiniyaw uma.
1. ¿La tlan nakalimasiyaniyaw Dios chu Cristo pi kapaxtikatsiniyaw tuku tlawakgolh kimpalakatakan?
Biblia wan pi «tiku nalimasiya pi kanajlani» Jesús tlan nalatama putum kilhtamaku (Juan 3:16). ¿La limasiyayaw pi kanajlaniyaw Jesús? Ni kajwatiya talakaskin nawanaw pi kanajlaniyaw; na nalimasiyayaw akxni wi tuku laksakaw natlawayaw (Santiago 2:17). Akxni kintachuwinkan chu tuku tlawayaw limasiya pi kanajlaniyaw, tlakg tlan talalinaw Jesús chu xTlat, Jehová (kalikgalhtawakga Juan 14:21).
2. ¿Tuku atanu kilitlawatkan xlakata nalimasiyayaw pi kapaxtikatsiniyaw Jehová chu Jesús?
Katsisni akxni Jesús nina xniy, kawanilh kstalaninanin atanu la tlan xlimasiyakgolh pi xpaxtikatsinikgo xtamakamastan. Lakkaxwililh akgtum pascua nema Biblia limapakuwi «xTaway Malana» chu na litalakgapasa Akxni lakapastakkan akxni tinilh Cristo (1 Corintios 11:20). Jesús lakkaxwililh uma xlakata xʼapóstoles chu putum xaxlikana kstalaninanin Cristo tiku xlatamakgolh alistalh, xlakapastakkgolh pi xla makamastalh xlatamat xpalakata latamanin. Akxni Jesús lakkaxwililh uma pascua kalimapakgsilh kstalaninanin: «Chuntiya katlawatit uma xlakata nakililakapastakatit» (Lucas 22:19). Akxni pina Akxni lakapastakkan akxni tinilh Cristo, wix limasiyaya pi lu xtapalh liʼakxilha tapaxkit nema Jehová chu Jesús kinkalimasiyanikgoyan.
TLAKG KALAKPUTSANANIW
Kaʼakxilhwi atanu la tlan nalimasiyayaw pi paxtikatsiniyaw xtapaxkit Jehová chu Jesús. Chu na naʼakxilhaw tuku xlakata lu xlakaskinka Akxni lakapastakkan akxni tinilh Cristo.
3. Tuku tlawayaw limasiya pi paxtikatsininanaw
Kalakpuwanti pi muxtupat chu wi tiku lakgmaxtuyan. ¿Lakapala xpatsankga o xʼakgtsonkgswa tuku tlawalh ama lataman mimpalakata? ¿O xlakputsa la nalimasiyaniya pi paxtikatsiniya?
Akinin lamaw xlakata wa Jehová kinkamaxkinitan latamat. Kalikgalhtawakgatit 1 Juan 4:8-10 chu kalichuwinantit uma:
-
¿Tuku xlakata xtamakamastan Jesús akgtum lu stlan tamaskiwin?
-
¿La makgkatsiya akxni lilakpuwana tuku Jehová chu Jesús tlawakgolh mimpalakata?
¿La tlan nalimasiyayaw pi xtapalh liʼakxilhaw tuku Jehová chu Jesús tlawakgolh kimpalakatakan? Kalikgalhtawakgatit 2 Corintios 5:15 chu nachuna 1 Juan 4:11 chu 5:3. Akxni likgalhtawakganitantita akgatunu texto, kalichuwinantit uma:
-
¿La tlan nalimasiyayaw pi paxtikatsininanaw?
4. Stalaniyaw xliʼakxilhtit Jesús
Atanu la tlan nalimasiyayaw pi paxtikatsininanaw wa pi nastalaniyaw xliʼakxilhtit Jesús. Kalikgalhtawakgatit 1 Pedro 2:21 chu kalichuwinantit uma:
-
¿La tlan nastalaniya xtatukit Jesús?
Jesús xpaxki xTachuwin Dios, xlichuwinan xatlan tamakatsinin chu xkamakgtaya amakgapitsin latamanin
5. Lakapastakaw akxni tinilh Cristo
Xlakata nakatsiyatit tuku lalh akxni xapulana tlawaka xTaway Malana, kalikgalhtawakgatit Lucas 22:14, 19, 20. Alistalh kalichuwinantit uma:
-
¿Tuku tlawaka kxTaway Malana?
-
¿Tuku kilhchanima kaxtalanchu chu vino? (Kaʼakxilhtit versículos 19 chu 20).
Jesús xlakaskin pi xtamakgalhtawakgen xlakapastakkgolh xTaway Malana makgtum akgatunu kata, watiya kilhtamaku akxni nilh. Wa xlakata xtatayananin Jehová ktamakxtumiyaw akgatunu kata xlakata naklakapastakaw xlinin Cristo chu ktlawayaw chuna la xla lakkaxwililh. Xlakata nakatsiyatit la tlawakan uma lu xlakaskinka tamakxtumit, kaʼakxilhtit VIDEO. Alistalh kalichuwinantit uma:
-
¿Tuku tlawakan Akxni lakapastakkan akxni tinilh Cristo?
Kaxtalanchu chu vino kaj wi tuku kilhchanima. Kaxtalanchu kilhchanima xmakni Jesús nema ni xkgalhi talakgalhin, nema makamastalh kimpalakatakan. Chu vino kilhchanima xkgalhni
MAKGAPITSIN WANKGO: «Kajwatiya kakanajlani Jesús chu nalakgtaxtuya».
-
¿La xmaklakaskinti Juan 3:16 chu Santiago 2:17 xlakata xlimasiya pi wi atanu tuku kilitlawatkan?
TUKU KATSINIW
Limasiyayaw pi paxtikatsiniyaw tuku Jesús tlawalh kimpalakatakan akxni limasiyaniyaw takanajla chu anaw Akxni lakapastakkan akxni tinilh.
¿Tuku xkgalhtinanti?
-
¿La nalimasiyayaw pi kanajlaniyaw Jesús?
-
¿Kalimasiyaniputuna Jehová chu Jesús pi xtapalh liʼakxilha tuku tlawakgolh mimpalakata? ¿Tuku tlawaputuna xlakata nalimasiyaya?
-
¿Tuku xlakata lu xlakaskinka naʼanaw Akxni lakapastakkan akxni tinilh Cristo?
TLAKG KAKATSINI
Kaʼakxilhti tuku kinkamakgpuwantiniyan natlawayaw xlakata Jesús nilh kimpalakatakan.
Tlakg kakatsini tuku kilhchanima takanajla chu la tlan limasiyakan.
«Kakanajlaniw xtamalaknun Jehová» (Makatsinina, octubre kata 2016)
Akxni chatum puskat akgatekgsli tuku xkilhchanima xtamakamastan Jesús, lakgpalinilh xlatamat. Kalikgalhtawakga tuku akgspulalh kʼartículo nema wanikan «La uku kpaxuwa, kkgalhi takaksni chu xaskulunku klin kilatamat».
«Biblia kalakgpalinilh xlatamatkan» (Artículo xla Makatsinina)
Kaʼakxilhti tuku xlakata ni lhuwa tiku wakgo kaxtalanchu chu vino Akxni lakapastakkan akxni tinilh Cristo.