Jesús masiyalh pi xtamakgalhtawakgen «ni xalak kakilhtamaku» (Juan 15:19). Uma wamputun pi ni makgtlawakgo tuku tlawakan kkakilhtamaku, ni katatayakgo políticos chu ni makgtlawakgo guerra. Pero tuwa tamakgkatsi ni makgtanukan kkakilhtamaku. Asta max nakinkalikgalhkgamanankanan. ¿Tuku tlan natlawayaw xlakata ni namakgtanuyaw kkakilhtamaku chu ni namakgxtakgaw Jehová?

1. ¿La kaʼakxilhaw mapakgsinanin akinin kstalaninanin Cristo?

Kstalaninanin Cristo karespetarliyaw mapakgsinanin. Jesús wa: «Kaxokgonitit César tuku lakgchan César». Chu wa uma tuku tlawayaw: kgalhakgaxmataw limapakgsin nema lakkaxwilikanit kpaís, pulaktum wa pi nalakgaxokgonanaw (Marcos 12:17). Biblia masiya pi wa Jehová kamaxkinit talakaskin mapakgsinanin namapakgsinankgo (Romanos 13:1). Wa xlakata katsiyaw pi mapakgsinanin ni kgalhikgo putum limapakgsin chuna la Dios. Liwana katsiyaw pi kiDioskan chu xTamapakgsin xalak akgapun nalakkaxtlawa xtaʼakglhuwitkan latamanin.

2. ¿La nalimasiyayaw pi ni makgtanuyaw kkakilhtamaku?

Jesús ni makgtanulh kpolítica chu akinin na ni makgtanuyaw. Akxni latamanin akxilhkgolh akgtum milagro nema tlawalh Jesús, mapakgsina xtlawaputunkgo unu kKatiyatni, pero xla ni mastalh talakaskin (Juan 6:15). ¿Tuku xlakata ni lakaskilh? Xla wa alistalh: «KinTamapakgsin ni xalak uma kakilhtamaku» (Juan 18:36). Akinin xtamakgalhtawakgen Jesús, pulaklhuwa la limasiyayaw pi ni makgtanuyaw kkakilhtamaku. Akgtum liʼakxilhtit, akinin ni makgtlawayaw guerra (kalikgalhtawakga Miqueas 4:3). Maski respetarliyaw tuku litalakgapasa akgtum país, la xbandera, ni saludarliyaw, xlakata uma xtachuna la komo xkakninaniw (1 Juan 5:21). Na ni tatayayaw chu ni talalakatawakayaw akgtum partido o tiku mapakgsina litaxtuputun. Wa uma makgapitsi la limasiyayaw pi akinin kajwatiya tatayayaw xTamapakgsin Dios, akgtum gobierno nema xla lakkaxwilinit.

 TLAKG KALAKPUTSANANIW

3. Xaxlikana kstalaninanin Cristo ni makgtanuyaw kkakilhtamaku

Jesús chu xtamakgalhtawakgen kinkawilinikgon uma liʼakxilhtit. Kalikgalhtawakgatit Romanos 13:1, 5-7 chu 1 Pedro 2:13, 14. Alistalh kaʼakxilhtit VIDEO chu kalichuwinantit uma:

• ¿Tuku xlakata talakaskin nakarespetarliyaw mapakgsinanin?

• ¿Tuku nalimasiya pi kakgalhakgaxmataw?

Akxni la guerra, makgapitsi países wankgo pi ni makgtanukgo, pero katatayakgo akgtiy países nema latalatlawamakgo. ¿Tuku kilhchanima ni makgtanukan kkakilhtamaku? Kalikgalhtawakgatit Juan 17:16. Alistalh kaʼakxilhtit VIDEO chu kalichuwinantit uma:

• ¿Tuku kilhchanima ni makgtanukan kkakilhtamaku?

¿Tuku tlawayaw akxni mapakgsinanin kinkaskinikgoyan tuku talalakatawaka xlimapakgsin Dios? Kalikgalhtawakgatit Hechos 5:28, 29. Alistalh kaʼakxilhtit VIDEO chu kalichuwinantit uma:

• Komo xlimapakgsinkan latamanin talalakatawaka xlimapakgsin Dios, ¿tiku kilikgalhakgaxmatatkan?

• ¿Tuku kilhtamaku lakpuwana wix pi kstalaninanin Cristo ni xlikgalhakgaxmatatkan mapakgsinanin?

 4. Kalimasiya kmintapuwan chu tuku tlawaya pi ni makgtanuya kkakilhtamaku

Kalikgalhtawakgatit 1 Juan 5:21. Alistalh kaʼakxilhtit VIDEO chu kalichuwinantit uma:

• ¿Tuku xlakata Ayenge ni makgtanulh kpartido político chu ni makgsaludarlilh bandera?

• ¿Lakpuwana pi tlan tuku laksakli?

¿Tuku atanu max natlawa pi tuwa namakgkatsiyaw ni namakgtanuyaw kkakilhtamaku? Kaʼakxilhtit VIDEO chu kalichuwinantit uma:

• ¿La nalimasiyayaw pi ni makgtanuyaw kkakilhtamaku akxni tlawakan takgaman niku makgtanumakgo países kxlikalanka katiyatni?

• ¿La nalimasiyayaw pi ni makgtanuyaw kkakilhtamaku akxni tuku laksakkgo mapakgsinanin tlan nakinkamakgtayayan o nakinkamakgstuntlawayan?

• ¿Tuku xlakata noticias o latamanin tiku katachuwinanaw max natlawakgo pi tuwa namakgkatsiyaw ni namakgtanuyaw kkakilhtamaku?

 TUKU KATSINIW

Kstalaninanin Cristo lu liskujkgo ni namakgtanukgo kpolítica, chu uma limasiyakgo kxtapuwankan, kxtachuwinkan chu tuku tlawakgo.

¿Tuku xkgalhtinanti?

• ¿Tuku skinkgo mapakgsinanin nema kilikgalhakgaxmatatkan?

• ¿Tuku xlakata ni makgtanuyaw kpolítica?

• ¿Tuku kilhtamaku max tuwa namakgkatsiyaw ni namakgtanuyaw kkakilhtamaku?