TAKGALHTAWAKGA 47
¿Tlantiya natamunuya?
Xlakata likgalhtawakgapat Biblia, tlakg lakgapasnita Jehová. Nachuna, max wi tuku lakgpalinita kmilatamat xlakata nalilatapaya tuku katsininita. Pero max wi tuku tlawama pi ni natamakamastaniya Jehová chu natamunuya. Uma takgalhtawakga lichuwinan makgapitsi tuku max tlawama pi ni natamunuya. Pero na lichuwinan tuku tlan natlawaya.
1. ¿La xlilhuwa mililakgapasat Biblia akxni nina tamunuya?
Xlakata tlan natamunuya talakaskin “liwana nalakgapasa xaxlikana” (1 Timoteo 2:4). Uma ni wamputun pi akxni nina tamunuya pulana milikatsit la nakgalhtinana putum takgalhskinin nema natlawanikana xlakata Biblia. Asta kstalaninanin Cristo tiku makgasata tamunukgonit talakaskin chuntiya nakatsinikgo (Colosenses 1:9, 10). Pero wi tuku lu xlakaskinka naʼakgatekgsa: xapulana tamasiy xalak Biblia. Lakgkgolotsin xalak congregación namakgtayakgoyan nakatsiya komo akgatekgsa xapulana tamasiy xalak Biblia.
2. ¿Tuku militlawat akxni nina tamunuya?
Biblia wan: «Kamakgxtakgtit mintalakgalhinkan chu kataspittit» (kalikgalhtawakga Hechos 3:19). Uma chuna militlawat akxni nina tamunuya. ¿Tuku wamputun uma? Wamputun pi nitlan nalimakgkatsiya kaxatukawa talakgalhin nema tlawanita chu naskiniya Jehová pi katapatin. Na talakaskin nalakgmakgana nixatlan tayat chu nalatapaya la Dios lakaskin. Uma na wamputun pi liʼanat ktamakxtumit chu nalichuwinana Dios maski nina tamunuya.
3. ¿Tuku xlakata ni talakaskin napekuana?
Makgapitsin pekuankgo xlakata lakpuwankgo pi nila katimakgantaxtikgolh tuku namalaknunikgo Jehová. Xlikana, max namin kilhtamaku natlawaya tuku nitlan chuna la tlawakgolh makgapitsi lakchixkuwin chu lakpuskatin tiku kalichuwinankan kBiblia. Pero kalakapastakti pi Jehová ni kinkaskiniyan pi nialh kakgalhiw talakgalhin (kalikgalhtawakga Salmo 103:13, 14). Xla napaxuwa komo wix natlawaya putum tuku namatlaniya. Xla namakgtayayan. Jehová liwana kinkawaniyan pi nitu katitlawalh pi «nialh nakinkapaxkiyan» (kalikgalhtawakga Romanos 8:38, 39).
TLAKG KALAKPUTSANANIW
Kaʼakxilhwi pulaktiy tuku namakgtayayan natamunuya: tlakg nalakgapasa Jehová chu namakglhtinana xtamakgtay.
4. Tlakg kalakgapasti Jehová
¿Talakaskin lhuwa nalakgapasa Jehová xlakata tlan natamunuya? Tuku xlakaskinka wa pi tuku katsininita xlakata Jehová, natlawa o namakgpuwantiniyan napaxkiya chu nakgalhakgaxpatputuna. Kaʼakxilhtit VIDEO xlakata nakatsiyatit tuku tlawakgonit latamanin kxlikalanka katiyatni xlakata tlan natamunukgo. Alistalh kalichuwinantit uma:
-
Chuna la akxilhwi kvideo, ¿tuku kamakgtayalh makgapitsi tiku xlikgalhtawakgamakgo Biblia xlakata tlan xtamunukgolh?
Kalikgalhtawakgatit Romanos 12:2 chu kalichuwinantit uma:
-
¿Wi tuku ni liwana akgatekgsa nema masiya Biblia? ¿Kanajlaya pi xtatayananin Jehová masiyakgo xaxlikana?
-
Komo ni liwana katsiya, ¿tuku tlan natlawaya?
5. Nitu katlawalh pi ni natamunuya
Xlakata nakatsiyatit tuku titaxtulh chatum tsumat, kaʼakxilhtit VIDEO. Alistalh kalichuwinantit uma:
-
¿Tuku talakaskilh natlawa Narangerel xlakata tlan kskujnanilh Jehová?
-
¿La makgtayalh tapaxkit nema xkgalhini Jehová?
Kalikgalhtawakgatit Proverbios 29:25 chu 2 Timoteo 1:7 chu kalichuwinantit uma:
-
¿Tiku nakinkamakgtayayan ni napekuanaw chu natayaniyaw tuku tuwa?
6. Kalipawanti pi Jehová namakgtayayan
Jehová namakgtayayan namakgantaxtiya tuku xla skiniyan. Kaʼakxilhtit VIDEO chu kalichuwinantit uma:
-
¿Tuku xlakata ni xtamunuputun chixku tiku tasiyalh kvideo?
-
¿Tuku makgtayalh tlakg nalipawan Jehová?
Kalikgalhtawakgatit Isaías 41:10, 13 chu kalichuwinantit uma:
-
¿Tuku xlakata ni xlilat nalakpuwana pi nila katimakgantaxti tuku namalaknuniya Jehová akxni natamakamastaniya?
7. Lu kapaxtikatsini xtapaxkit Jehová
Akxni tlakg nalilakpuwana la xlilhuwa paxkiyan Jehová, tlakg napaxtikatsiniya chu tlakg naskujnaniputuna putum kilhtamaku. Kalikgalhtawakgatit Salmo 40:5 chu kalichuwinantit uma:
-
¿Tuku xtamaskiwin Jehová tlakg xtapalh liʼakxilha?
Palakachuwina Jeremías xpaxki Jehová chu xtamakatsinin chu lu xtapalh xliʼakxilha nalin xtukuwani Dios. Xla wa: «Mintachuwin makgapaxuwalh kinaku; xlakata akit klin mintukuwani oh Jehová Dios» (Jeremías 15:16). Kakgalhti umakgolh takgalhskinin:
-
¿Tuku xlakata akgtum lanka talakgalhaman xtatayana Jehová nalitaxtuya?
-
¿Tamunuputuna xlakata xtatayana Jehová nalitaxtuya?
-
¿Wi tuku tlawama pi ni natamunuya?
-
¿Tuku tlan natlawaya xlakata tlan natamunuya?
MAKGAPITSIN WANKGO: «Kpekuan pi nila nakmakgantaxti tuku nakmalaknu akxni naktamunu».
-
¿Nachuna lakpuwana?
TUKU KATSINIW
Jehová tlan namakgtayayan xlakata natamunuya.
¿Tuku xkgalhtinanti?
-
¿La xlilhuwa mililakgapasat tuku masiya Biblia xlakata natamunuya?
-
¿Tuku militlawat akxni nina tamunuya?
-
¿Tuku xlakata ni talakaskin napekuana?
TLAKG KAKATSINI
Kaʼakxilhti tuku namakgpuwantiniyan natamunuputuna.
Kaʼakxilhti tuku namakgtayayan natamunuya.
«¿Tu nkisokgaliy mpala nitlan naktamunuy?» (Makatsinina, marzo kata 2019)
Kaʼakxilhti tuku makgtayalh chatum chixku natamunu.
Chatum chixku tiku wanikan Ataa ni liwana xkatsi komo tlan xtamunulh. Kaʼakxilhti tuku makgtayalh natamunu.
You May Also Like
TAKGALHSKININ NEMA TLAKG TLAWAKAN
¿La kmakgalhtawakgenanaw?
Ktakgalhtawakga nema mastakgo xtatayananin Jehová, wix tlan namaklakaskina Biblia nema kgalhiya. Na tlan natawilakgo mifamilia chu mi amigos akxni namakgalhtawakgekana.
