Xalaktlan amigos tlawakgo pi tlakg napaxuwayaw chu kinkamakgtayakgoyan ni lu nalakgaputsayaw. Pero kuenta katlawa, Biblia wan pi ni putum latamanin tlan amigos litaxtukgo. Wa xlakata, ¿la tlan liwana nakalaksaka miʼamigos? Kalilakpuwanti umakgolh takgalhskinin.

1. ¿Tuku namatlawikgoyan amigos nema nalaksaka?

Min kilhtamaku kinkamatlawikgoyan tuku tlan o tuku nitlan. Chu chuna tsukuyaw likatsiyaw la tiku tlakg katalalinaw. Uma chuna la akxni akxtum katalayaw chu akxni lu katachuwinanaw kredes sociales. Wa xlakata Biblia wan: «Tiku katalalin xalakgskgalalan latamanin xaskgalala nawan, pero tiku katalalin tiku lu xalaktontos [latamanin tiku ni paxkikgo Jehová] nitlan katikitaxtunilh» (Proverbios 13:20). Amigos tiku paxkikgo chu kakninanikgo Jehová namakgtayakgoyan tlakg natalalipina Jehová chu natlawaya tuku tlan. Pero komo wix tlakg katalalipina latamanin tiku ni paxkikgo chu ni skujnanikgo Jehová, natlawa pi natamakgatliniya. Wa xlakata Biblia kinkawaniyan pi liwana kalaksakwi tiku nakatalalinaw. Akxni kiʼamigoskan na paxkikgo Jehová, kimputumkan tlan kinkakitaxtuniyan chu tlan makgantaxtiyaw uma tastakyaw: «Chuntiya kalamatliwakglhtit chu kalamakgtayatit chatunu chatunu» (1 Tesalonicenses 5:11).

2. ¿Namakgapaxuwa o namakgalipuwan Jehová amigos nema wix nalaksaka?

Jehová liwana kalaksaka xʼamigos. Xla «lu tlan katalalin tiku xaʼakgstitum» (Proverbios 3:32). ¿La xmakgkatsilh Jehová komo xkatalaliw tiku ni paxkikgo? ¡Lu nitlan xlimakgkatsilh! (Kalikgalhtawakga Santiago 4:4). Pero komo wa nakatalalinaw tiku paxkikgo Jehová, namakgapaxuwayaw chu tlakg tlan natalalinaw Jehová (Salmo 15:1-4).

 TLAKG KALAKPUTSANANIW

4. ¿Tlan kiʼamigoskan nalitaxtukgo tiku ni xtachuna la akinin?

Biblia kalichuwinan David chu Jonatán, chatiy lakchixkuwin tiku israelitas xwankgonit. Maski tanu tanu kata xkgalhikgo chu tanu tanu la xkamakgastakkanit, lu tlan xlatalalin. Kalikgalhtawakgatit 1 Samuel 18:1 chu kalichuwinantit uma:

• ¿Tuku xlakata ni talakaskin pi putum kiʼamigoskan watiya kata nakgalhikgo la akinin o watiya xkilhtsukutkan?

Kalikgalhtawakgatit Romanos 1:11, 12 chu kalichuwinantit uma:

• ¿La lamakgpuwantini amigos tiku paxkikgo Jehová?

Kaʼakxilhti niku tekgsli xʼamigo chatum kgawasa. Kaʼakxilhtit VIDEO chu kalichuwinantit uma:

• ¿Tuku xlakata xnatlatni Akil xlilakgaputsakgo pi xla xkatalalilh tiku xalak escuela?

• ¿Tuku xlakata Akil lu tlan xkatalalin amigos nema xkgalhi kʼescuela?

• ¿Tuku makgtayalh xlakata nialh xmakgkatsilh pi xʼakstu xwi?

 5. ¿La tlan nakatekgsaw xatlan amigos?

 TUKU KATSINIW

Akxni liwana kalaksakaw kiʼamigoskan, tlan kinkakitaxtuniyan chu makgapaxuwayaw Jehová.

¿Tuku xkgalhtinanti?

• ¿Tuku xlakata Jehová makgapaxuwa o makgalipuwan amigos nema laksakaw?

• ¿Tiku ni kiʼamigoskan nakalimaxtuyaw?

• ¿Tuku militlawat xlakata tlakg tlan nakatalalipina tiku paxkikgo Jehová?