TAKGALHTAWAKGA 53
Tuku lilakgastanana chu atanu tuku tlawaya kamakgapaxuwalh Jehová
Jehová wa «xapaxuwana Dios» (1 Timoteo 1:11). Xla lakaskin pi kalipaxuwaw kilatamatkan. Xla lakgati pi kajaxwi chu kalimaxtuw kilhtamaku xlakata napaxuwayaw. Kʼuma takgalhtawakga naʼakxilhaw la tlan nalipaxuwayaw kinkilhtamakujkan nema limaxtuyaw akxni najaxaw chu la tlan namapakgapaxuwa Jehová.
1. ¿Tuku kuenta kilitlawatkan akxni nalaksakaw tuku nalipaxuwayaw?
¿Tuku lakgatiya tlawaya akxni limaxtuya kilhtamaku najaxa? Makgapitsin lakgatikgo likgalhtawakgakgo libros, kgaxmatkgo tatlakgni, akxilhkgo akgtum película o tanukgo kʼinternet. Amakgapitsin lakgatikgo akxtum katatawilakgo xʼamigoskan, ankgo tlawankgo, kgamanankgo, xkiwatnankgo o paxtawakatnankgo. Maski tanu tanu tuku lakgatiyaw, kuenta kilitlawatkan pi tuku nalaksakaw namakgapaxuwa Malana (Efesios 5:10). ¿Tuku xlakata kuenta kilitlawatkan uma? Xlakata lhuwa tuku lipaxuwakgo latamanin nitlan akxilha Jehová, chuna la talachipat, talakgxtumit nema ni xlitatlawat o taskuwan (kalikgalhtawakga Salmo 11:5). ¿Tuku nakinkamakgtayayan liwana nalaksakaw tuku natlawayaw?
Komo nakatalalinaw tiku paxkikgo Jehová, nakinkamakgtayakgoyan liwana nalaksakaw tuku nalipaxuwayaw. Chuna la katsiw ktakgalhtawakga 48, «tiku katalalin xalakgskgalalan latamanin xaskgalala nawan». Pero tiku lhuwa kilhtamaku akxtum katala latamanin tiku ni kgalhakgaxmatkgo xlimapakgsin Jehová «nitlan katikitaxtunilh» (Proverbios 13:20).
2. ¿Tuku xlakata kuenta kilitlawatkan la xlilhuwa lakgastananaw?
Maski tlan tuku lipaxuwayaw, kuenta kilitlawatkan ni lhuwa kilhtamaku nalimaxtuyaw. Komo chuna xtlawaw, max nialh xkgalhiw kilhtamaku natlawayaw tuku tlakg xlakaskinka. Biblia kinkawaniyan pi “liwana kalimaklakaskiw kinkilhtamakujkan” (kalikgalhtawakga Efesios 5:15, 16).
TLAKG KALAKPUTSANANIW
Kaʼakxilhwi tuku natlawaya xlakata liwana nalaksaka tuku nalipaxuwaya.
3. Kalakgmakganti lilakgastan nema natlawaniyan tuku nitlan
¿Tuku xlakata liwana kililaksakatkan tuku nalilakgastananaw? Kaʼakxilhtit VIDEO chu kalichuwinantit uma:
-
¿Tuku xlakata lilakgastan nema xtlawakan kxamakgan Roma xtachuna makgapitsi lilakgastan nema anan la uku?
-
Chuna la akxilhwi kvideo, ¿tuku katsinilh Danny xlakata talakgastan?
Kalikgalhtawakgatit Romanos 12:9 chu kalichuwinantit uma:
-
¿La namakgtayayan uma texto akxni nalaksaka tuku nalipaxuwaya?
¿Tuku tayat xkajni Jehová? Kalikgalhtawakgatit Proverbios 6:16, 17 chu Gálatas 5:19-21. Akxni likgalhtawakganitantita akgatunu texto, kalichuwinantit uma:
-
Xliputum tayat nema lichuwinan umakgolh texto, ¿tuku tlakg limin lilakgastan nema anankgo la uku?
¿La tlan liwana nalaksaka tuku nalipaxuwaya?
Kalilakpuwanti uma:
-
¿Tuku limin? ¿Limin tuku Jehová xkajni?
-
¿Tuku kilhtamaku? ¿Makglhtiyan kilhtamaku chu nialhla tlawaya tuku tlakg xlakaskinka?
-
¿Tiku nakkatapaxuwa? ¿Lhuwa kilhtamaku nakkatatawila tiku ni paxkikgo Jehová?
Xlakata ni nakinkaʼakgspulayan tuku nitlan, kilitamakgatlinitkan tuku kalipekua wili kilatamatkan. Wa xlakata kililakgmakganatkan lilakgastan nema lakpuwanaw pi limin tuku nitlan
4. Liwana kamaklakaskinti minkilhtamaku
Kaʼakxilhtit VIDEO chu kalichuwinantit uma:
-
Maski tala nema akxilhwi kvideo nitu xlilakgastanama tuku nitlan, ¿la xlimaklakaskima xkilhtamaku?
Kalikgalhtawakgatit Filipenses 1:10 chu kalichuwinantit uma:
-
¿La nakinkamakgtayayan uma versículo nakatsiyaw la xlilhuwa kilhtamaku nalimaxtuyaw tuku nalipaxuwayaw?
5. Kalaksakti tuku nalipaxuwaya nema namakgtayayan
Xlikana pi Jehová ni lakgati makgapitsi tuku lipaxuwakgo latamanin, pero wi amakgapitsi nema lakgati chu tlan nalipaxuwayaw. Kalikgalhtawakgatit Eclesiastés 8:15 chu Filipenses 4:8 chu kalichuwinantit uma:
-
¿Tuku lakgatiya wix lilakgastanana o tuku lakgatiya tlawaya?
Kalipaxuwaw tuku nakinkamakgtayayan
MAKGAPITSIN WANKGO: «Ni talakgalhin naklilakgastanan tuku limin talakgxtumit nema ni xlitatlawat, lamakgnit chu taskuwan komo nitu ktlawama».
-
¿Tuku xwanti wix?
TUKU KATSINIW
Jehová lakaskin pi tuku nalipaxuwayaw ni xlikgalhit tuku nitlan.
¿Tuku xkgalhtinanti?
-
¿Tuku talakgastan ni kiliʼakxilhatkan kstalaninanin Cristo?
-
¿Tuku xlakata kuenta kilitlawatkan ni lhuwa kilhtamaku nalimaxtuyaw talakgastan?
-
¿Tuku xlakata laksakputuna lilakgastan nema makgapaxuwa Jehová?
TLAKG KAKATSINI
Kaʼakxilhti tiku lakgchan nalaksaka tuku nalipaxuwayaw.
Kaʼakxilhti tuku namakgtayayan liwana nalaksaka tuku nalilakgastanana chu tuku nalipaxuwaya.
«¿Xatlan tuku lilakgastananaw?» (Makatsinina, 1 xla octubre kata 2011)
Kaʼakxilhti tuku xlakata chatum chixku makgxtakglhli makgapitsi tuku xlipaxuwa anta kbiografía nema wanikan: «Nialh kkalaksakpaxkilh amakgapitsin».
«Biblia kalakgpalinilh xlatamatkan» (Makatsinina, 1 xla febrero kata 2010)
Kaʼakxilhti tuku tlawalh chatum puskat akxni akxilhli pi tuku xlilakgastanama xlimin taskuwan.
Max na nalakgatiya uma
TAKGALHSKININ NEMA TLAKG TLAWAKAN
¿La kmakgalhtawakgenanaw?
Ktakgalhtawakga nema mastakgo xtatayananin Jehová, wix tlan namaklakaskina Biblia nema kgalhiya. Na tlan natawilakgo mifamilia chu mi amigos akxni namakgalhtawakgekana.
