TAKGALHTAWAKGA 55
Kamakgtayananti kmincongregación
Kxlikalanka katiyatni, lhuwa latamanin xatapaxuwan kakninanikgo Jehová kʼakglhuwa mil congregaciones. Umakgolh kstalaninanin Cristo lu paxtikatsinikgo tapulalit chu tastakyaw nema makglhtinankgo, chu xatapaxuwan makgtayanankgo kcongregación. ¿Nachuna makgkatsiya?
1. ¿La tlan nalimakgtayanana kcongregación minkilhtamaku chu militliwakga?
Putum akinin tlan wi tuku nalimakgtayananaw kcongregación. Akgtum liʼakxilhtit, ¿wilakgo natalan tiku linkgoya kata o tatatlakgo kmincongregación? Tlan nakalipina ktamakxtumit. O tlan atanu tuku natlawaya xlakata nakamakgtayaya, max tlan napina katamawaniya tuku maklakaskinkgo o nakamakgtayaya kxchikkan (kalikgalhtawakga Santiago 1:27). Na tlan namakgtayanana akxni kaxakakan o akxni wi tuku nakaxtlawakan kkimPukgalhtawakgakan. Niti xafuerza kinkamatlawiyan uma; wata xatapaxuwan tlawayaw xlakata paxkiyaw Dios chu kapaxkiyaw kinatalankan (Salmo 110:3).
Xtatayananin Jehová tiku tamunukgonita tlan atanu la namakgtayanankgo kcongregación. Natalan lakchixkuwin tiku makgatsikgo tuku taskin kBiblia, tlan siervos ministeriales nalitaxtukgo chu alistalh na tlan lakgkgolotsin nalitaxtukgo. Chu putum natalan, tlan precursores nalitaxtukgo xlakata tlakg nalichuwinankgo Dios. Makgapitsi xtatayananin Jehová na makgtayanankgo niku tlawakan Pukgalhtawakga. Chu na wilakgo tiku ankgo alakatanu xlakata namakgtayanankgo kʼakgtum congregación nema maklakaskin tamakgtay.
2. ¿La tlan namaklakaskinaw kintuminkan chu atanu tuku kgalhiyaw xlakata namakgtayananaw kcongregación?
Biblia wan: «Kalikakninani Jehová wantuku laklanka xtapalh kgalhiya» (Proverbios 3:9). Akinin lu xtapalh liʼakxilhaw namaklakaskinaw kintuminkan chu atanu tuku kgalhiyaw xlakata namakgtayananaw kcongregación chu namakgtayananaw tlakg nalichuwinankan Dios kxlikalanka katiyatni (kalikgalhtawakga 2 Corintios 9:7). Na limakgtayananaw kintuminkan akxni wi tuku masputunan. Wi tiku lismanikgonit “namaʼakgataxtikgo” xtuminkan xlakata xatapaxuwan namastakgo (kalikgalhtawakga 1 Corintios 16:2). Uma tumin tlan namujukan kcajas nema wilakgolh kkimPukgalhtawakgakan o na tlan namaklakaskinkan página donate.pr418.com xlakata namalakgachakan tumin. Jehová kinkamaxkiyan talakaskin namaklakaskinaw tuku xtapalh kgalhiyaw xlakata nalimasiyaniyaw kintapaxkitkan.
TLAKG KALAKPUTSANANIW
Kaʼakxilhwi makgapitsi tuku tlan natlawaya xlakata namakgtayanana kcongregación.
3. Tlan namaklakaskina tuku lhuwa xtapalh kgalhiya
Jehová chu Jesús paxkikgo tiku xatapaxuwan wi tuku mastakgo. Akgtum liʼakxilhtit, Jesús kuenta tlawalh akxni chatum puskat tiku xninita xchixku chu limaxkgen xwanit, wi tuku mastalh. Kalikgalhtawakgatit Lucas 21:1-4 chu kalichuwinantit uma:
-
¿Lhuwa tumin kilimastatkan xlakata namakgapaxuwayaw Jehová?
-
¿La makgkatsikgo Jehová chu Jesús akxni akxilhkgo pi xliputum kinakujkan wi tuku mastayaw?
Xlakata nakatsiya la tamaklakaskin tumin nema xatapaxuwan mastayaw, kaʼakxilhtit VIDEO. Alistalh kalichuwinantit uma:
-
¿La litamakgtayakgo congregaciones kxlikalanka katiyatni tumin nema xatapaxuwan mastayaw?
4. Xatapaxuwan kamakgtayananti
Kskujnin Jehová nema kalichuwinankan kBiblia xatapaxuwan makgtayanankgolh akxni xkaxtlawakan niku xkakninanikan Jehová, chu ni kajwatiya xtuminkan limakgtayanankgolh. Kalikgalhtawakgatit 2 Crónicas 34:9-11 chu kalichuwinantit uma:
-
¿Tuku tlawakgolh israelitas xlakata xmakgtayanankgolh nakuentajtlawakan “xchik Jehová”, uma wamputun niku xkakninanikan?
Xlakata nakatsiyatit la xtatayananin Jehová stalanikgo uma liʼakxilhtit, kaʼakxilhtit VIDEO. Alistalh kalichuwinantit uma:
-
¿Tuku xlakata lu xlakaskinka nakaxakayaw chu nakuentajtlawayaw kimPukgalhtawakgakan?
-
¿La tlan xmakgtayananti?
5. Natalan lakchixkuwin tlan naliskujkgo xlakata tlakg nakalakgayawakan taskujut
Biblia kawani natalan lakchixkuwin pi kamatliwakglhkgolh xtakanajlakan xlakata chuna tlakg namakgtayanankgo kcongregación. Kaʼakxilhtit VIDEO xlakata nalakgapasatit chatum kgawasa tiku chuna tlawalh. Alistalh kalichuwinantit uma:
-
¿Tuku tlawalh Ryan xlakata xmatliwakglhli xtakanajla chu tlakg xmakgtayanalh kcongregación?
Biblia wan tuku xlimakgatsitkan natalan tiku siervos ministeriales o lakgkgolotsin litaxtuputunkgo. Kalikgalhtawakgatit 1 Timoteo 3:1-13 chu kalichuwinantit uma:
-
¿Tuku xlitlawatkan natalan tiku siervos ministeriales o lakgkgolotsin litaxtuputunkgo?
-
¿Tuku xlitlawatkan xfamiliajkan? (Kaʼakxilhtit versículos 4 chu 11).
-
Komo natalan namakgantaxtikgo putum uma tuku taskin kBiblia, ¿la nalitamakgtaya congregación?
MAKGAPITSIN KGALHSKININANKGO: «¿Niku tiyakgo tumin xtatayananin Jehová xlakata natlawakgo xtaskujutkan?».
-
¿Tuku xkgalhtinanti wix?
TUKU KATSINIW
Jehová lu xtapalh liʼakxilha akxni maklakaskinaw kinkilhtamakujkan, kilitliwakgakan chu tuku lhuwa xtapalh kgalhiyaw, xlakata namakgtayananaw kcongregación.
¿Tuku xkgalhtinanti?
-
¿La tlan namaklakaskinaw kilitliwakgakan chu kinkilhtamakujkan xlakata namakgtayananaw kcongregación?
-
¿La tlan namaklakaskinaw tuku lhuwa xtapalh kgalhiyaw xlakata namakgtayananaw kcongregación?
-
¿La makgtayanamputuna wix kcongregación?
TLAKG KAKATSINI
Kaʼakxilhti tuku xlakata Dios nialh kaskini diezmo xlakskujnin.
Kaʼakxilhti tuku xwamputun Pablo akxni wa tuku tatsokgtawilanit k1 Timoteo 3:1.
«¿Lakgchipimputuna xatlan taskujut?» (Makatsinina, 15 xla septiembre kata 2014)
Kakalakgapasti makgapitsi xtatayananin Jehová tiku lu liskujkgo xlakata xnatalankan nakgalhikgo likgalhtawakga.
Kaʼakxilhti la xtatayananin Jehová xokgokgo tuku maklakaskinkgo chu ni chuna tlawakgo la amakgapitsi takanajla.
«¿Tuku lixokgokgo xtatayananin Jehová tuku tlawakgo?» (Artículo xalak jw.org)
You May Also Like
TAKGALHSKININ NEMA TLAKG TLAWAKAN
¿La kmakgalhtawakgenanaw?
Ktakgalhtawakga nema mastakgo xtatayananin Jehová, wix tlan namaklakaskina Biblia nema kgalhiya. Na tlan natawilakgo mifamilia chu mi amigos akxni namakgalhtawakgekana.
