TAKGALHTAWAKGA 57
¿Tuku nala komo natlawaya akgtum lanka talakgalhin?
Maski wix lu paxkiya Jehová chu lu naliskuja xlakata ni namakgalipuwana, max namin kilhtamaku natlawaya tuku nitlan. Pero wilakgo tlakg laklanka talakgalhin (1 Corintios 6:9, 10). Komo wix natlawaya akgtum lanka talakgalhin, kalakapastakti pi Jehová chuntiya paxkiyan, tapatiputunan chu makgtayaputunan.
1. ¿Tuku kilitlawatkan xlakata Jehová nakinkatapatiyan?
Akxni chatum tiku paxki Jehová akxilha pi tlawanit akgtum lanka talakgalhin, lu nitlan limakgkatsi. Pero Jehová tlan limamakgkatsini uma tamalaknun nema tlawanilh xkachikin: «Maski mintalakgalhinkan lu tsutsokgo xwa, xasnapapa nawan xtachuna la miki» (Isaías 1:18). Komo xlikana nitlan nalimakgkatsiyaw tuku tlawanitaw, Jehová nakinkatapatiyan. Pero ¿tuku kilhchanima nitlan nalimakgkatsiyaw kintalakgalhinkan? Ni kajwatiya kilhchanima nalilipuwanaw tuku nitlan tlawanitaw, wata kilhchanima nialh natlawayaw tuku nitlan chu natasaskiniyaw Jehová pi kakinkatapatin. Talakaskin naliskujaw nalakgpaliyaw kintapuwankan o namakgxtakgaw tuku kinkamatlawin talakgalhin, chu nalilatamayaw xlimapakgsin Jehová (kalikgalhtawakga Isaías 55:6, 7).
2. Komo natlawayaw akgtum talakgalhin, ¿la kamaklakaskin Jehová lakgkgolotsin xlakata nakinkamakgtayayan?
Wa uma tastakyaw nema Jehová maxki tiku tlawa akgtum lanka talakgalhin: «Kakatasanilh lakgkgolotsin xalak congregación» (kalikgalhtawakga Santiago 5:14, 15). Umakgolh lakchixkuwin nema kalilaksakkanit espíritu santo paxkikgo Jehová chu natalan, chu xlakan tlan nakinkamakgtayakgoyan xlakata tlan natalalimparayaw Dios (Gálatas 6:1).
¿La kinkamakgtayakgoyan lakgkgolotsin komo tlawayaw akgtum lanka talakgalhin? Max chatiy o kgalhtutu lakgkgolotsin nakinkalimakgtayakgoyan Biblia naʼakgatekgsaw tuku xlakata nitlan tuku tlawaw. Na nakinkamaxkikgoyan tastakyaw chu nakinkamatliwakglhkgoyan xlakata nialh natlawaparayaw uma talakgalhin. Max lakgkgolotsin nakinkawanikgoyan pi wi tuku nila katimakgtlawaw kcongregación asta akxni tlan natawilapara kintakanajlakan. Komo chatum lataman tlawa akgtum lanka talakgalhin pero ni makgxtakgputun tuku nitlan tlawama, lakgkgolotsin natamakxtukgo kcongregación xlakata ni nakalaktlawa xtakanajlakan amakgapitsi natalan.
TLAKG KALAKPUTSANANIW
Liwana kaʼakgatekgsti chu xtapalh kaʼakxilhti tuku Jehová tlawa xlakata nakinkamakgtayayan akxni tlawayaw akgtum lanka talakgalhin.
3. Akxni litayayaw kintalakgalhinkan kinkamakgtayayan
Kaxatukawa talakgalhin nema tlawayaw, nitlan limamakgkatsiniyaw Jehová. Wa xlakata kiliwanitkan tuku nitlan tlawanitaw. Kalikgalhtawakgatit Salmo 32:1-5 chu kalichuwinantit uma:
-
¿Tuku xlakata tlan kitaxtu akxni waniyaw Jehová kintalakgalhinkan chu ni matsekgaw?
Akxni waninitawa Jehová tuku nitlan tlawanitaw, na talakaskin nakaskiniyaw xtamakgtaykan lakgkgolotsin xlakata tlan namakgkatsiyaw. Kaʼakxilhtit VIDEO chu kalichuwinantit uma:
-
Chuna la akxilhwi kvideo, ¿la makgtayakgolh lakgkgolotsin tala Canon xlakata xlakgtaspitli Jehová?
Xlakaskinka nakawaniyaw lakgkgolotsin tuku xaxlikana, xlakata xlakan kinkamakgtayaputunkgoyan. Kalikgalhtawakgatit Santiago 5:16 chu kalichuwinantit uma:
-
¿Tuku xlakata tlakg ni tuwa katimakgkatsikgolh lakgkgolotsin nakinkamakgtayakgoyan komo nawanaw tuku xaxlikana?
Kalitaya mintalakgalhin, kakawani tuku xaxlikana lakgkgolotsin chu kamakgamakglhtinanti xtamakgtay Jehová
4. Akxni wi tiku tamakxtukan kcongregación putum litamakgtayakgo
Komo tiku tlawanit akgtum lanka talakgalhin ni kgalhakgaxmatputun xlimapakgsin Jehová, nialhla chuntiya namakgtapakgsi kcongregación. Wa xlakata tamakxtukan. Akxni chuna la, nialh akxtum talayaw asta nialh tachuwinanaw. Kalikgalhtawakgatit 1 Corintios 5:6, 11 chu 2 Juan 9-11 chu kalichuwinantit uma:
-
Chuna la levadura maxkuti harina, ¿tuku nala kcongregación komo chuntiya natalalinaw tiku ni makgxtakga xtalakgalhin?
Lhuwa tiku xkatamakxtukanit kcongregación taspitparakgonit, ¿tuku xlakata? Xlakata maski kakatsanilh, tastakyaw kamakgtayalh (Salmo 141:5). Kaʼakxilhtit VIDEO chu kalichuwinantit uma:
-
¿La makgtayalh Sonia xlakata tamakxtuka kcongregación?
¿Tuku xlakata akxni wi tiku tamakxtukan kcongregación...
-
... limalankikan xtukuwani Jehová?
-
... limasiya pi Jehová xaʼakgstitum chu kinkapaxkiyan?
5. Jehová kinkatapatiyan komo makgxtakgaw kintalakgalhinkan
Jesús lichuwinalh akgtum liʼakxilhtit nema kinkamakgtayayan naʼakgatekgsaw la makgkatsi Jehová akxni wi tiku makgxtakga xtalakgalhin. Kalikgalhtawakgatit Lucas 15:1-7 chu kalichuwinantit uma:
-
¿Tuku kinkamasiyaniyan xlakata Jehová uma liʼakxilhtit?
Kalikgalhtawakgatit Ezequiel 33:11 chu kalichuwinantit uma:
-
¿Tuku kilitlawatkan xlakata nalimasiyayaw pi xlikana nitlan limakgkatsiyaw kintalakgalhinkan?
Jehová la chatum mapuchwayanina, lu kalilakgaputsa xborregos
MAKGAPITSIN WANKGO: «Ni kkatachuwinamputun lakgkgolotsin. Komo nakkawani tuku ktlawalh, nakintamakxtukan kcongregación».
-
¿Tuku xwani tiku chuna lakpuwan?
TUKU KATSINIW
Komo tlawaw akgtum lanka talakgalhin pero xlikana nitlan limakgkatsiyaw chu nialh tlawaparayaw, Jehová nakinkatapatiyan.
¿Tuku xkgalhtinanti?
-
¿Tuku xlakata tlan kitaxtu akxni waniyaw Jehová kintalakgalhinkan?
-
¿Tuku kilitlawatkan xlakata Jehová nakinkatapatiyan kintalakgalhinkan?
-
Komo tlawanitaw akgtum lanka talakgalhin, ¿tuku xlakata kiliskinitkan tamakgtay lakgkgolotsin?
TLAKG KAKATSINI
Kaʼakxilhti la chatum chixku litamakgtayalh xtalakgalhaman Jehová nema talichuwinan kʼIsaías 1:18.
¿Tuku tlan kitaxtu akxni wi tiku tamakxtukan kcongregación?
«Akxni wi tiku maxtukan: limasiyanikan pi paxkikan» (Makatsinina, 15 xla mayo kata 2015)
Kaʼakxilhti la tlan nalitachuwinana chatum tiku ni xtatayana Jehová tuku xlakata wi tiku tamakxtukan kcongregación.
Kbiografía nema wanikan: «Xtalakaskin xaklakgtaspitli Jehová», kaʼakxilhti la chatum chixku makgkatsilh pi Jehová xmaspitmapa.
«Biblia kalakgpalinilh xlatamatkan» (Artículo xla Makatsinina)
You May Also Like
TAKGALHSKININ NEMA TLAKG TLAWAKAN
¿La kmakgalhtawakgenanaw?
Ktakgalhtawakga nema mastakgo xtatayananin Jehová, wix tlan namaklakaskina Biblia nema kgalhiya. Na tlan natawilakgo mifamilia chu mi amigos akxni namakgalhtawakgekana.
