¿Tuku tlan natlawaya xlakata tlakg nalitamakgtayaya uma takgalhtawakga xalak Biblia?
Akxni nina matsukiya mintakgalhtawakga, kaʼakxilhti tuku min unu. Alistalh kaʼakxilhti VIDEO.
PULAKTUM
Pulana miʼakstu kalikgalhtawakga putum párrafos nema min niku tsuku akgatunu takgalhtawakga. Akgatunu takgalhskinin kgalhi akgtum número (A) chu xalakgtsitsakga letra wilikanit (B) tuku tlakg xlakaskinka masiya akgtum texto. Kaʼakxilhti pi makgapitsi textos limin niku wan pi kalikgalhtawakga.
PULAKTIY
Xapulana párrafo niku wan «Tlakg kalakputsananiw» lichuwinan tuku limin uma takgalhtawakga (C). Subtítulos nema kgalhikgo números lichuwinan tuku tlakg xlakaskinka pimpat katsiniya (D).
VIDEOS. Kʼumakgolh recuadro natekgsa videos nema tatakgatsi akgatunu takgalhtawakga. Makgapitsi videos masiya tuku xlikana lanit kxlatamatkan tiku tasiyakgo kvideo. Amakgapitsi kaj liʼakxilhtit xlakata tuku kaʼakgspula makgapitsi latamanin.
Katalikgalhtawakga textos xalak Biblia mimakgalhtawakgena, kakgalhti takgalhskinin chu kaʼakxilhti videos. Kaʼakxilhti dibujos chu kalilakpuwanti tuku wan kxpakgalhu (E). Na kalakapastakti la xkgalhtinanti niku wan «Makgapitsin wankgo» (F).
PULAKTUTU
Akgatunu takgalhtawakga lisputa niku wan «Tuku katsiniw» chu «¿Tuku xkgalhtinanti?» (G). Katsokgwili tuku kilhtamaku masputu akgtum takgalhtawakga. Krecuadro niku wan «Katlawa uma» nawanikana tuku natlawaya xlakata tlakg nalitamakgtayaya uma takgalhtawakga (H). Niku wan «Tlakg kakatsini» natekgsa amakgapitsi artículos chu videos nema namakgtayayan (I).
¿La tlan natekgsa akgtum texto xalak Biblia?
Biblia litakgatsi 66 libros. Pulaktiy la tapitsinit: Tatsokgni Hebreoarameas chu Tatsokgni xaGriego. Makgapitsi latamanin na lilakgapaskgo Antiguo Testamento chu Nuevo Testamento.
Akxni kʼuma likgalhtawakga min akgtum texto, pulana limin xtukuwani libro xalak Biblia (A), alistalh limin akgtum número nema kilhchanima xcapítulo (B) chu xaʼawatiya limin akgtum o makgapitsi números nema kilhchanima xversículo(C).
Akgtum liʼakxilhtit, Juan 17:3 wamputun pi naputsaya «libro xla Juan, capítulo 17, versículo 3».
You May Also Like
TAKGALHSKININ NEMA TLAKG TLAWAKAN
¿La kmakgalhtawakgenanaw?
Ktakgalhtawakga nema mastakgo xtatayananin Jehová, wix tlan namaklakaskina Biblia nema kgalhiya. Na tlan natawilakgo mifamilia chu mi amigos akxni namakgalhtawakgekana.
