Kʼuma sección, natsukuyaw likgalhtawakgayaw tuku lichuwinan tatsokgni xaGriego. Naʼakxilhaw pi Jesús lakachilh kʼakgtum familia nema ni lhuwa xkgalhi tumin, xlama kʼakgtum kachikin chu taskujli xtlat tiku xwakna xwanit. Jesús xʼama kalakgmaxtu latamanin. Jehová laksakli xlakata Mapakgsina xlitaxtulh kxTamapakgsin kʼakgapun. Komo kgalhiya kamanan, kakamakgtaya naʼakgatekgskgo pi Jehová liwana laksakli xfamilia Jesús xlakata kstakli niku katlan. Kakalitachuwinanti pi Jehová kuentajtlawalh Jesús akxni Herodes xmakgniputun. Nitu malakgachokgo pi nakgantaxtu xtalakaskin Jehová. Kakamasiyani pi Jehová laksakli Juan xlakata xlakkaxwililh  xtiji Jesús. Kalichuwinanti pi Jesús xpaxki xliskgalala Jehová maski aktsujku xwanit chu xlipawan pi Dios xpulalilh chu ni xakstu xlipawankan.