TAKGALHTAWAKGA 8
Abrahán chu Sara kgalhakgaxmatkgolh Dios
Lakatsu kBabel xwi atanu kachikin xwanikan Ur. Anta latamanin ni xkakninanikgo Jehová, wata atanu lhuwa dioses. Pero xwi chatum chixku anta k’Ur tiku xkakninani Jehová, xwanikan Abrahán.
Jehová wanilh Abrahán: “Kataxtu kminkachikin chu xlakgstipankan mimparientes chu kapit kkachikin nema nakmasiyaniyan”. Dios malaknunilh: “Akgtum lanka kachikin nalitaxtuya. Chu mimpalakata naktlawa tuku tlan xpalakata latamanin xlikalanka katiyatni”.
Abrahán ni xkatsi niku xmalakgachaputun Jehová, pero lipawa. Abrahán; xpuskat, Sara; xtlat, Taré chu xpuxnimat, Lot, kgalhakgaxmatkgolh Dios. Makaxkgolh tuku xkgalhikgo chu ankgolh.
Abrahán xkgalhi 75 kata akxni xla chu xfamilia chankgolh ktiyat nema Jehová xlakaskin x’akxilhkgolh. Uma tiyat xwanikan Canaán. Anta Jehová malaknunilh: “Uma tiyat nema akxilhpat nakkamaxki minkamanan”. Pero Abrahán chu Sara xlinkgoya kata chu ni xkgalhikgo kamanan. Wa xlakata, ¿la x’ama kgantaxtu uma tamalaknun?
«Xpalakata xtakanajla Abrahán, [...] kgalhakgaxmatnalh chu alh niku xmalaknunikanit pi namaxkikan; xla alh maski ni xkatsi niku xʼama» (Hebreos 11:8).
Max na nalakgatiya uma
Biblia chu tuku lichuwinan
Dios tatlawalh akgtum talakkaxlan Abrahán
¿Tuku xlakata Abrahán alh kCanaán? ¿Tuku talakkaxlan tatlawalh Jehová Abrahán?
