Tuku litsuku sección 9
Kʼuma sección, nakatsiniyaw xlakata kamanan, palakachuwinanin chu mapakgsinanin tiku kanajlanikgolh Jehová. Anta kSiria, chatum aktsu tsumat israelita kanajlalh pi xpalakachuwina Jehová xʼama mapaksa Naamán. Palakachuwina Eliseo lipawa pi Jehová xʼama lakgmaxtu kxmakan xtalatlawananin. Xapuxku sacerdote Jehoiadá kalipekua wililh xlatamat xlakata makgtayalh aktsu kgawasa Jehoás kxmakan xnana o xtsiyuna Atalía tiku nitlan xlikatsi. Mapakgsina Ezequías lipawa pi Jehová xʼama lakgmaxtu Jerusalén chu ni taxlajwanilh maski nitlan xkawanimakgo asirios. Mapakgsina Josías masputulh takaknin xla ídolos nema xʼanan kkachikin, kaxtlawalh templo chu makgtayalh kachikin xlakata xkakninaniparakgolh Jehová.
KʼUMA SECCIÓN
TAKGALHTAWAKGA 51
Chatum soldado chu chatum aktsu tsumat
Chatum aktsu tsumat israelita litachuwinan xmalana xlitliwakga Jehová. Xlakata uma, lalh akgtum milagro.
TAKGALHTAWAKGA 52
Xsoldados Jehová xla lhkuyat
¿La katsilh xmakgtayana Eliseo pi tlakg lhuwa tiku xkatawi nixawa xtalatlawananin?
TAKGALHTAWAKGA 53
Jehoiadá ni pekuan
Chatum sacerdote tiku ni makgxtakgnan, talalakataki chatum mapakgsina tiku lixkajni likatsi.
TAKGALHTAWAKGA 54
Jehová ni litlakgwalh Jonás
¿Tuku xlakata tantum lanka skiti kgotwalh xpalakachuwina Dios? ¿La lakgtaxtulh Jonás? ¿Tuku masiyanilh Jehová Jonás?
TAKGALHTAWAKGA 55
Xʼángel Jehová makgtayalh Ezequías
Xtalatlawananin Judá wankgo pi Jehová ni katimakgtayalh xkachikin pero uma ni xlikana.
TAKGALHTAWAKGA 56
Josías paxki xlimapakgsin Dios
Josías tsukulh mapakgsinan kJudá akxni xkgalhi akgtsayan kata chu makgtayalh kachikin xlakata xkakninaniparakgolh Jehová.
