¿Tuku xTamapakgsin Dios?
¿Xwanti pi . . .
-
... wa tuku kgalhiyaw kkinakujkan?
-
... kaj wi tuku kilhchani?
-
... tamapakgsin xalak akgapun?
WANTUKU WAN BIBLIA
«Dios xalak akgapun nawili akgtum tamapakgsin nema nikxni katisputli.» (Daniel 2:44, Traducción del Nuevo Mundo.)
«Chatum aktsu kgawasa lakachilh, chatum aktsu kgawasa kinkamaxkikanitan; chu xtamapakgsin natawila kxpakgxtun.» (Isaías 9:6.)
LA KINKAMAKGTAYAYAN NAKATSIYAW
-
Akgtum tamapakgsin xaʼakgstitum nema tlan nakinkamakgtayayan kinchatunukan (Isaías 48:17, 18).
-
Nialh makgas, natlawa pi xatapaxuwan nalatamayaw kxasasti kakilhtamaku chu nialh katiʼanalh tajatat (Apocalipsis [Revelación] 21:3, 4).
¿WI TUKU KINKAMAKGTAYAYAN NAKANAJLANIYAW BIBLIA?
Wi pulaktiy:
-
Jesús masiyalh tuku natlawa xTamapakgsin Dios. Kamasiyanilh kstalaninanin pi kskinkgolh kxʼoracionkan xmilh xTamapakgsin Dios chu xtatlawalh xtalakaskin kKatiyatni (Mateo 6:9, 10). Na limasiyalh la nakgantaxtu uma tuku taskin.
Akxni xlama kKatiyatni, Jesús kamawilh tiku lu xtsinksmakgolh, kamapaksalh tatatlanin, chu asta kamalakastakwanilh tiku xnikgonita (Mateo 15:29-38; Juan 11:38-44). Xlakata Mapakgsina kxTamapakgsin Dios xʼama wan, tlan masiyalh tuku lu tlan xʼama tlawa tamapakgsin xpalakata tiku xtapakgsinikgolh (Apocalipsis 11:15).
-
Chuna la wi kakilhtamaku limasiya pi xTamapakgsin Dios nialh makgas namin. Jesús wa pi akxni xTamapakgsin Dios nina xmasputulh taʼakglhuwit kKatiyatni, xʼama litatsama guerras, tatsinkstat chu xʼama tachiki tiyat (Mateo 24:3, 7).
La uku akxilhmaw putum umakgolh taʼakglhuwit. Wa xlakata, liwana katsiyaw pi xTamapakgsin Dios nialh makgas nalakkaxtlawa.
KALILAKPUWANTI UMA
¿La nawan latamat akxni namapakgsinan xTamapakgsin Dios?
Natekgsa xtakgalhtin Biblia anta KSALMO 37:29 chu ISAÍAS 65:21-23.
Max na nalakgatiya uma
ESSENTIAL BIBLE TEACHINGS
¿Tuku xTamapakgsin Dios?
Jesús tlakg lichuwinalh xTamapakgsin Dios nixawa atanu. Akglhuwa ciento kata kstalaninanin skinkgonit kʼoración kamilh uma Tamapakgsin.
MAKATSININA
¿Tuku natlawa xTamapakgsin Dios?
Jesús xkatsi pi kajwatiya xTamapakgsin Dios tlan nalakkaxtlawa taʼakglhuwit xalak kakilhtamaku. ¿Tuku tlawanita uma Tamapakgsin xlakata tlan nalipawanaw?
MAKATSININA
Wa xTamapakgsin Dios: akgtum tamapakgsin nema xaʼakgstitum
Kakatsi pulakchaxan tuku xlakata liwana katsiyaw pi putum xaʼakgstitum tuku natlawa.
XLAKATA AKININ
¿Tuku xlakata nalikgalhtawakgaya Biblia?
Biblia kamakgtayanit millones latamanin xlikalanka katiyatni xlakata tlan nakgalhikgo xtakgalhtin xtakgalhskininkan. ¿Na lakaskina nakgalhtikana mintakgalhskinin?
TAMASIY XALAK BIBLIA
Kakatsi la klimakgalhtawakgenanaw Biblia
Kalimakgalhtawakgeka Biblia. Ni taxokgo.
