Paxtikatsinilh xlakata limaxtu kilhtamaku nalikgalhtawakgaya uma folleto xlakata chuna katsi tiku akinin, katsi tuku taskujut ktlawayaw chu katsi la talakkaxwilinit kintakanajlakan. Klakpuwanaw pi uma folleto makgtayan nakatsiya pi kaj akinin ktlawayaw xtalakaskin Jehová uku. Kkawaniyan pi chuntiya kakatsini xlakata Dios. Kakalitachuwinanti mifamilia chu miamigos xlakata tuku katsinipat chu chuntiya kakilatatamakxtumiw akxni kkakninaniyaw Dios (Hebreos 10:23-25).

Akxni tlakg nakatsinitilhaya xlakata Jehová, tlakg namakgkatsiya pi paxkiyan. Wix na tlakg natlawaputuna xtalakaskin (1 Juan 4:8-10, 19). Pero, ¿la nalimasiyaya kmilatamat pi paxkiya Dios? ¿Tuku tlan nakitaxtuniyan komo nalilatapaya chuna la wi xlimapakgsin Dios? ¿Tuku natlawa pi tlakg natlawaputuna xtalakaskin Dios chuna la akinin? Wantiku masiyaniman xlakata Biblia namakgtayayan nakatsiya xtakgalhtin umakgolh takgalhskinin, komo chuna natlawaya mifamilia chu wix anta «kxtapaxkit Dios nkatamakgaxtakgtit, xlimakgua kgalhkgalhiyatit [...] latamat wantu xlipan» (Judas 21).

Kkawaniyan pi chuntiya kakatsini kxaxlikana takanajla xlakata Dios. Likgalhtawakga nema lu namakgtayayan wa uma: «Katamakgxtakgtit kxtapaxkit Dios»