LAKGSKGO xlakgastapu tiku limakgalhtawakgeya Biblia akxni akgatekgsa akgtum texto nema aku talikgalhtawakga. Xla kgalhskinan: «¿Wamputuna pi Biblia masiya pi tlan xliputum kilhtamaku nalatamayaw kparaíso unu kKatiyatni?». Tiku taʼanan talichuwinanan Dios litsin chu wani: «¿Tuku likgalhtawakga?». Tiku makgalhtawakgapat nila kanajla chu wan: «¡Nila kkanajla, nikxni chuna xkimasiyanikanit!». Wix lakapastaka pi nina lhuwa semana chuna wampa, akxni katsinilh pi xtukuwani Dios wa Jehová.

Akxni chuna titaxtuyaw, tlakg xlakaskinka akxilhaw tuku kinkamaxkikanitan: katsiyaw tuku xaxlikana. Pero ¿lakpuwanit la makglhtinanitaw uma talakgalhaman? Kʼuma pulaktum nakgalhtikan uma takgalhskinin. Wa xTamapakgsin Dios xlikana chu liwana litasiya la kamasiyanitilhanit xlakata takanajla kskujnin. Liwakaya akgtum siglo, Mapakgsina Jesucristo, tlawanit pi kakatsikgolh tuku xaxlikana