Liʼakxilhtit xalak Biblia:

• 1Sa 15:​17-23. Palakachuwina Samuel stakyawalh mapakgsina Saúl xlakata ni kgalhakgaxmatli Jehová, chu na lichuwinalh pi lu xlakaskinka kgalhakgaxmatnankan.

• Heb 5:​7-10. Maski Jesús ankgalhin xkgalhakgaxmatnit xTlat, akxni milh kKatiyatni katsinilh kgalhakgaxmatnan akxni xpatinama.

Liʼakxilhtit xalak Biblia:

• Da 3:​13-18. Maski kalipekua xwi xlatamatkan, kgalhtutu lakgkgawasan hebreos ni takilhputanikgolh tatlawamakgxtu nema xtlawanit Nabucodonosor.

• Mt 22:​15-22. Jesús kawanilh xtamakgalhtawakgen pi xkgalhakgaxmatkgolh mapakgsinanin komo ni xkaskinimakgo pi xtlawakgolh tuku lakatsala xlimapakgsin Dios.

• Hch 4:​18-31. Apóstoles chuntiya lichuwinankgolh Dios maski mapakgsinanin kawanikgolh pi nialh xlichuwinankgolh.

Liʼakxilhtit xalak Biblia:

• Esd 7:​7-10. Sacerdote Esdras, tiku ni xmakgxtakga Dios, lakkaxwililh xnaku xlakata xkgalhakgaxmatli xLimapakgsin Dios, chu chuna tlan liʼakxilhtit xlitaxtulh chu tlan xkamasiyanilh amakgapitsin.

• Jn 14:31. Jesús lichuwinalh tuku xlakata ankgalhin xtlawa chuna la xwani xTlat.

Liʼakxilhtit xalak Biblia:

• Gé 6:​9-22; Heb 11:7. Noé limasiyalh pi xkgalhi takanajla xlakata tlawalh arca chuna la Jehová xwaninit.

• Heb 11:​8, 9, 17. Abrahán limasiyalh pi xkgalhi takanajla akxni kgalhakgaxmatli Jehová. Pulana akxni taxtulh kʼUr, chu nachuna akxni xmakamastaputun xkgawasa chuna la xwaninit Jehová.

Liʼakxilhtit xalak Biblia:

• Le 26:​3-6. Jehová malaknu pi nakasikulunatlawa chu nakakuentajtlawa tiku kgalhakgaxmatnikgo.

• Nú 13:​30, 31; 14:​22-24. Xlakata Caleb kgalhakgaxmatnalh, Jehová sikulunatlawalh.

Liʼakxilhtit xalak Biblia:

• Gé 2:​16, 17; 3:​17-19. Adán chu Eva makglakgalhinanin wankgolh, katamakxtuka kParaíso chu makgatsankgakgolh latamat nema ni kgalhi lisputni xlakata ni kgalhakgaxmatkgolh Jehová.

• Dt 18:​18, 19; Hch 3:​12, 18, 22, 23. Jehová lichuwinalh pi xʼama min chatum tlakg xlakaskinka palakachuwina nixawa Moisés, chu wa pi tiku ni xkgalhakgaxmatkgolh xʼamaka kamalakgsputukan.

• Jud 6, 7. Ángeles tiku lakatakikgolh Jehová chu latamanin xalak Sodoma chu Gomorra ni kgalhakgaxmatninankgolh, chu uma la makgasitsilh Jehová.

 Liʼakxilhtit xalak Biblia:

• Jn 12:​46-48; 14:24. Jesús lichuwinalh pi tiku ni xkgalhakgaxmatkgolh xtachuwin xʼamaka kamalakgaxokgekan.

Liʼakxilhtit xalak Biblia:

• Gé 37:​3, 4, 8, 11-13, 18. Akxni José kgawasaku xwanit, kgalhakgaxmatli xtlat chu asta makgat alh kaputsa xnatalan maski ksitsinikgo.

• Lu 2:51. Maski Jesús ni xkgalhi talakgalhin, kakgalhakgaxmatli José chu María, tiku makglakgalhinanin xwankgonit.