Lakkaxtlawakan taʼakglhuwit
¿Tuku xlakata ni kilisitsitkan chu ni kilitamakgapuspitkan akxni wi tiku nitlan kinkalikatsiniyan?
Pr 20:22; 24:29; Ro 12:17, 18; Snt 1:19, 20; 1Pe 3:8, 9
-
Liʼakxilhtit xalak Biblia:
-
1Sa 25:9-13, 23-35. Akxni Nabal lixkajni kawanilh David chu ksoldados chu ni kamakgtayaputulh, David tunkun sitsilh chu xkamakgniputun Nabal chu tiku xwilakgolh kxchik; pero kaj xlakata Abigaíl liwana tachuwinalh, machokgolh xtasitsi chu nitu katlawanilh.
-
Pr 24:17-20. Jehová matsokgnilh mapakgsina Salomón pi ni lakgati nakalipaxuwayaw kintalamakgasitsinkan akxni kaʼakgspula tuku nitlan. Wata kamakgxtakgwi pi Jehová kalakkaxtlawalh taʼakglhuwit.
-
Komo takgalhiyaw taʼakglhuwit achatum, ¿xlilat nialh natachuwinanaw o nasitsiniyaw?
Le 19:17, 18; 1Co 13:4, 5; Ef 4:26
-
Liʼakxilhtit xalak Biblia:
-
Mt 5:23, 24. Jesús wa pi komo chatum kintalakan wi tuku kinkalisitsiniyan, kilitlawatkan putum tuku matlaniyaw xlakata nalakkaxtlawayaw taʼakglhuwit.
-
¿Tuku tlakg tlan natlawayaw akxni wi tiku kinkatlawaniyan tuku nitlan?
Komo wi tiku makglhuwa kinkatlawaniyan tuku nitlan pero kinkaskiniyan pi katapatiw, ¿tuku xlakata chuntiya kilitapatitkan?
Komo wi tiku kinkatlawaniyan akgtum lanka talakgalhin, max kinkalimawakayan akgtum taʼakgsanin o kinkamakgkgalhananan, ¿tiku natachuwinanaw chu tuku xlakata?
Komo natachuwinanaw tiku kinkalimawakan taʼakgsanin o kinkamakgkgalhananitan, pero ni lakkaxtlawaputun taʼakglhuwit, ¿tuku kilitlawatkan?
Max na nalakgatiya uma
TLAN LIʼAKXILHTIT XTAKANAJLAKAN
Abigail chatum puskat tiku xaskgalala
¿Tuku kinkamasiyaniyan xlakata xatuwa xtamakgaxtokgat Abigail?
MAKATSININA
Liskgalala: tlawa pi ni lakapala nasitsiya
Tuku titaxtulh kxlatamat mapakgsina David kinkamasiyaniyan la namachokgoyaw tuku makgkatsiyaw o akxni wi tiku kinkawaniyan tuku nitlan o tlawa pi na nawaniyaw.
JESÚS WA TIJI, XAXLIKANA CHU LATAMAT
Lu xlakaskinka natapatinanaw
Jesús maklakaskin xliʼakxilhtit chatum skujni tiku ni limasiyalh talakgalhaman, xlakata nalimasiya pi kxlakatin Dios lu xlakaskinka nakatapatiyaw amakgapitsin.
XLAKATA AKININ
Kaskinti nalakgapaxialhnankana
Kakatsi xtakgalhtin akgtum takgalhskinin xalak Biblia o tlakg kakalakgapasti xtatayananin Jehová.
