Li’akxilhtit xalak Biblia:

• Le 22:​17-22. Jehová kskin pi animal nema xmakamastaka ni xatatatla xwa. Tachuwin xaʼhebreo nema maklakaskinkan k’uma versículo tatalakxtumi tachuwin «ni makgatsankgananikan» chu kilhchanima tuku xa’akchan chu xatakgatsin. Uma wamputun naskujnaniyaw Jehová xliputum kinakujkan chu kajwatiya xla nakakninaniyaw.

• Job 1:​1, 4, 5, 8; 2:3. Putum tuku tlawalh Job limasiyalh pi, komo ni makgatsankgananiputunaw Jehová, talakaskin lu namaxkiyaw kakni, nakakninaniyaw xliputum kinakujkan chu ni natlawayaw tuku ni lakgati.

Li’akxilhtit xalak Biblia:

• Job 31:​1-11, 16-33. Job ankgalhin limasiyalh pi ni xmakgatsankganani Jehová xlakata ni xtlawa talakgxtumit nema ni xlitatlawat, ni xlakaskinka x’akxilha tumin, xlakgalhamaninan chu kajwatiya xkakninani Jehová.

• Da 1:​6-21. Maski Daniel chu kgalhtutu x’amigos xwilakgolh niku ni xkakninanikan Jehová, xlakan ni wakgolh liwat nema xLimapakgsin Dios xwan pi ni xliwatkan xwanit, chu chuna limasiyakgolh pi ni xmakgatsankgananikgo Jehová.