Talakgalhaman
¿Tuku atanu tayat tatalakxtumi talakgalhaman?
-
Liʼakxilhtit xalak Biblia:
-
Sl 51:1, 2. Mapakgsina David tasaskinilh talakgalhaman Jehová: skinilh pi xtapatilh chu kxapalh xtalakgalhin.
-
Lu 10:29-37. Jesús xmasiyaputun tuku kilhchanima talakgalhaman, wa xlakata lichuwinalh chatum samaritano tiku tlan likatsinilh chatum judío.
-
¿Tuku xlakata putum akinin maklakaskinaw pi nakinkalimasiyanikanan talakgalhaman?
Sl 130:3; Ec 7:20; 1Jn 1:8
Na kaʼakxilhti 1Re 8:46-50.
¿La likatsiyaw pi Jehová xalakgalhamana?
Éx 34:6; Ne 9:17; Sl 103:8; 2Co 1:3
-
Liʼakxilhtit xalak Biblia:
-
Job 42:1, 2, 6-10; Snt 5:11. Jehová limasiyanilh talakgalhaman Job chu masiyanilh nalakgalhamanan.
-
Lu 15:11-32. Jesús tamalakxtumilh xtalakgalhaman Jehová chuna la chatum tlat lakgalhaman xkgawasa tiku nitlan likatsilh pero alistalh lakgtaspita.
-
¿Tuku xlakata kinkalimasiyaniyan talakgalhaman Jehová?
Na kaʼakxilhti Tit 3:4, 5.
¿La kinkamakgtayayan xtamakamastan Cristo xlakata nakinkatapatikanan kintalakgalhinkan?
¿Tuku xlakata naskiniyaw xtalakgalhaman Jehová chu ankgalhin nalipaxtikatsiniyaw?
-
Liʼakxilhtit xalak Biblia:
-
Sl 51:1-4. Akxni mapakgsina David lakgalhinalh, lu nitlan xlimakgkatsi tuku xtlawanit chu tasaskinilh Jehová pi xtapatilh chu xlimasiyanilh talakgalhaman.
-
Lu 18:9-14. Jesús lichuwinalh akgtum liʼakxilhtit xlakata namasiya pi Jehová kalakgalhaman tiku taktujukgo chu tiku akgatekgskgo pi wi tuku xlilakgpalitkan.
-
¿La likatsiyaw pi asta tiku tlawakgonit laklanka talakgalhin tlan namakgamakglhtinankgo xtalakgalhaman Jehová?
Dt 4:29-31; Is 55:7
-
Liʼakxilhtit xalak Biblia:
-
2Cr 33:9-13, 15. Maski Manasés lu lixkajni xlikatsi, alistalh nitlan limakgkatsilh xtalakgalhin chu tasaskinilh xtalakgalhaman Jehová; titaxtulh kilhtamaku, mapakgsina litaxtupa chu limasiyalh pi xtalakgpalinit.
-
Jon 3:4-10. Maski ninivitas xalakluku xwankgonit chu xkamakgnikgo latamanin, makgxtakgkgolh xtayatkan chu Dios kalakgalhamalh.
-
Komo lakaskinaw pi Jehová kakinkalimasiyanin talakgalhaman, ¿tuku xlakata xlakaskinka nawanaw kintalakgalhinkan chu natalakgpaliyaw?
Sl 32:5; Pr 28:13; 1Jn 1:9
Maski Jehová nakinkalimasiyaniyan talakgalhaman, max nalipatinanaw tuku nitlan tlawaw, chu asta max nakinkastakyawakanan
Éx 34:6, 7; 2Sa 12:9-13
¿Tuku xlakata talakaskin nalakgalhamananaw?
¿Tlan chuntiya natalalinaw Jehová komo ni nalimasiyayaw talakgalhaman?
Na kaʼakxilhti Pr 21:13.
-
Liʼakxilhtit xalak Biblia:
-
Mt 18:23-35. Jesús wililh akgtum liʼakxilhtit xlakata xlimasiyalh pi komo ni nalakgalhamananaw, Jehová na ni kintikalakgalhaman.
-
Lu 10:29-37. Jesús lichuwinalh xliʼakxilhtit samaritano xlakata xmasiyalh pi xla chu Jehová lakaskinkgo pi latamanin kalimasiyakgolh talakgalhaman, pero lakgmakgankgo tiku ni limasiya talakgalhaman.
-
¿La kalikatsini Jehová latamanin tiku lakgalhamanankgo?