Tamakgaxtokgat
¿Niku kilhtsukulh tamakgaxtokgat?
Gé 1:27, 28; 2:22-24; Mt 19:4-6
¿Tiku xlilat natatamakgaxtokga chatum kstalanina Cristo?
¿Tuku xlakata chatum kstalanina Cristo tiku tliwakga wi xtakanajla ni katimastalh talakaskin pi xkgawasa o xtsumat tiku tamunukgonita natatamakgaxtokga tiku ni tamakamastaninit Jehová chu ni tamununit?
-
Liʼakxilhtit xalak Biblia:
-
Gé 24:1-4, 7. Abrahán, tiku xlina kata, ni mastalh talakaskin pi xkgawasa, Isaac, xtatamakgaxtokgli chatum cananea, xlakata cananeos xkakninanikgo atanu dioses; wa xlakata liskujli naputsani chatum tsumat tiku xkakninani Jehová.
-
Gé 28:1-4. Isaac wanilh Jacob pi ni xtatamakgaxtokgli chatum cananea, wata xputsalh chatum tsumat tiku kskujnanima Jehová.
-
¿La makgkatsi Jehová akxni chatum kskujni tatamakgaxtokga chatum tiku ni kakninani?
Dt 7:3, 4
-
Liʼakxilhtit xalak Biblia:
-
1Re 11:1-6, 9-11. Jehová lu sitsinilh Salomón xlakata ni kgalhakgaxmatli xtastakyaw chu katatamakgaxtokgli lakpuskatin xalak atanu kachikinin tiku tlawakgolh pi xkakninanilh atanu dioses.
-
Ne 13:23-27. Chuna la Jehová, Nehemías lu sitsilh xlakata lakchixkuwin israelitas tatamakgaxtokgkgolh tiku ni kskujnikgo Jehová; wa xlakata Nehemías palha kastakyawalh.
-
¿Tuku xlakata tlan kitaxtu tatamakgaxtokgkan tiku ni makgxtakga Jehová chu tlan tayat kgalhi?
Pr 18:22; 31:10, 28
Na kaʼakxilhti Ef 5:28-31, 33.
-
Liʼakxilhtit xalak Biblia:
-
1Sa 25:2, 3, 14-17. Nabal, xchixku Abigaíl, lhuwa tumin xkgalhi pero nitlan chixku xwanit, xlakata lu xasitsin chu lixkajni xlikatsi.
-
Pr 21:9. Komo ni liwana nalaksakaw tiku natatamakgaxtokgaw ni katipaxuwaw chu ni katikgalhiw takaksni.
-
Ro 7:2. Apóstol Pablo lichuwinalh pi akxni chatum puskat tamakgaxtokga, xchixku, tiku makglakgalhina, wa namapakgsi; wa xlakata puskat liwana xlilakpuwanat tiku natatamakgaxtokga.
-
Akxni nina tamakgaxtokgkan
Komo chatum chixku tamakgaxtokgputun, ¿tuku xlakata pulana xliʼakxilhat komo tlantiya kuentajtlawa familia?
-
Liʼakxilhtit xalak Biblia:
-
Pr 24:27. Komo chatum chixku tamakgaxtokgputun chu max kgalhiputun familia, pulana xlimasiyat pi lakgati skuja chu pi tlan nakuentajtlawa xfamilia.
-
Akxni chatum kgawasa chu chatum tsumat tamakgaxtokgputunkgo, ¿tuku xlakata tlakg xlakaskinka nalalakgapasni xtayatkan chu ni wa la tasiyakgo?
Pr 13:10; 1Pe 3:3-6
-
Liʼakxilhtit xalak Biblia:
-
Rut 2:4-7, 10-12. Boaz kgaxmatli tuku xwankan xpalakata Rut chu akxilhli pi xpaxki Jehová, tlan xlikatsini Noemí chu lu xaskulujwa xwanit.
-
Rut 2:8, 9, 20. Rut akxilhli pi Boaz tlan xlikatsi, xmasta tuku xkgalhi chu pi xpaxki Jehová.
-
¿Tuku xlakata Jehová lakaskin pi tiku lakpuwankgonit natamakgaxtokgkgo ni xlitlawatkan tuku ni xlilat akxni lalakgapasmakgolh?
-
Liʼakxilhtit xalak Biblia:
-
Pr 5:18, 19. Maski tlan lalimasiyanikan tapaxkit, wi makgapitsi nema kajwatiya tlan tlawakgo tiku tamakgaxtokgkgonita.
-
Can 1:2; 2:6. Akxni sulamita chu kgawasa tiku xkuentajtlawa borrego xlalakgapasmakgo, xlalimasiyani tapaxkit nema ni xlakatsala xlimapakgsin Jehová.
-
Can 4:12; 8:8-10. Sulamita ankgalhin skulunku tawi chu xmachokgo tuku xtlawaputun; Biblia tamalakxtumilh la akgtum jardín niku nila tanukan.
-
¿Tuku xlakata chatum kgawasa chu chatum tsumat xlitamakgaxtokgatkan kxlakatin mapakgsinanin?
Taskujut nema lakgaya chixku
¿Tuku lu xlakaskinka taskujut kalakgayawa Jehová lakchixkuwin?
¿Tiku xliʼakxilhtit xlistalanitkan lakchixkuwin akxni pulalinkgo xfamiliajkan?
¿Tuku xlakata chixku xlimasiyanit xpuskat pi paxki chu akgatekgsni?
-
Liʼakxilhtit xalak Biblia:
-
Gé 21:8-12. Jehová wanilh Abrahán pi xkgalhakgaxmatli xpuskat maski ni xlakgati tuku xwanima.
-
Pr 31:10, 11, 16, 28. Chatum tlan chixku ni kajwatiya mapakgsiputun xpuskat chu ni kajwatiya wani tuku nitlan tlawa, wata lipawan chu lu tlan lichuwinan.
-
Ef 5:33. Apóstol Pablo wa pi puskat xlikatsit pi xchixku paxki.
-
Taskujut nema lakgaya puskat
¿Tuku lu xlakaskinka taskujut kalakgayawa Jehová lakpuskatin?
Gé 2:18; Col 3:18; Tit 2:4, 5
¿Maktuju puskat taskujut nema Biblia lakgayawa?
Gé 1:26-28, 31; 2:18
-
Liʼakxilhtit xalak Biblia:
-
Pr 1:8; 1Co 7:4. Dios kamaxkinit lakpuskatin tsinu limapakgsin anta ktamakgaxtokgat, chuna la nakakuentajtlawa xkamanan chu nakamasiyani.
-
1Co 11:3. Apóstol Pablo wa pi kimputumkan wi tiku kinkamapakgsiyan, kajwatiya Dios niti mapakgsi.
-
Heb 13:7, 17. Lakchixkuwin chu lakpuskatin kalakgchan nakakgalhakgaxmatkgo tiku pulalinkgo congregación chu nakamakgtayakgo.
-
¿La namakgapaxuwa Jehová chatum puskat tiku tatamakgaxtokgnit tiku ni xtatayana Jehová?
¿Tuku xlakata xlakaskinka pi natalan lakpuskatin namaxkikgo kakni xchixkukan?
-
Liʼakxilhtit xalak Biblia:
-
Gé 18:12; 1Pe 3:5, 6. Sara lu xmaxki kakni xchixku pi asta xlimapakuwi «malana», uma wamputun pi wa tiku xpulalin.
-
¿Tuku tayat nema lichuwinan Biblia xlikgalhit puskat tiku tamakgaxtokgnit?
Pr 19:14; 31:10, 13-31
-
Liʼakxilhtit xalak Biblia:
-
Gé 24:62-67. Rebeca makgoxamixilh xchixku, Isaac, xlakata xninita xtse.
-
1Sa 25:14-24, 32-38. Abigaíl taktujulh kxlakatin David chu palakachuwinalh xchixku, tiku xatonto xwanit; xlakata chuna tlawalh, kalakgmaxtulh tiku xwilakgo kxchik.
-
Est 4:6-17; 5:1-8; 7:1-6; 8:3-6. Ester lakgmaxtulh xkachikin Dios, makgtiy kalipekua wililh xlatamat akxni lakgalh xchixku, tiku mapakgsina xwanit, maski nitu xtasaninit.
-
La lakkaxtlawakan taʼakglhuwit
¿Tuku tastakyaw xalak Biblia nakamakgtaya akxni nakgalhikgo taʼakglhuwit kxtamakgaxtokgatkan?
¿Tuku tastakyaw xalak Biblia nakamakgtaya xlakata naʼakxilhkgo tumin chuna la xlilat?
Lu 12:15; Flp 4:5; 1Ti 6:9, 10; Heb 13:5
Na kaʼakxilhti «Tumin».
¿Tuku tastakyaw xalak Biblia nakamakgtaya akxni nakgalhikgo taʼakglhuwit kaj xlakata xtalilakgapasnikan?
Sl 34:14; Mt 19:5, 6; 1Co 13:4, 5
¿Tuku tastakyaw xalak Biblia xlikgalhakgaxmatatkan tiku tamakgaxtokgkgonit xlakata talakgxtumit?
Pr 5:15-20; Mt 5:27, 28; 1Co 7:3-5; 10:24; Flp 2:4; Heb 13:4
¿Tuku xlakata xlakaskinka pi xachixku o xapuskat wa naʼakxilha xatlan tayat nema kgalhi tiku tatamakgaxtokgnit chu ni wa tuku nitlan tlawa?
Sl 103:14; 130:3, 4; Pr 17:9; 1Pe 4:8
Komo nakgalhikgo taʼakglhuwit, ¿tuku xlakata xlakaskinka pi akxni nalakkaxtlawakgo nalalimasiyani tapaxkit chu ni namamakgaslikgo?
Sl 37:8; Pr 14:29; Ef 4:26, 27; Snt 1:19, 20
¿Tuku xlakata kstalanina Cristo ni xlilat lu nasitsini tiku tamakgaxtokga, nawani laklixkajnit tachuwin nipara nawilini?
Sl 11:5; Gál 5:19-21; Ef 4:31, 32; Tit 3:2
Akxni nakgalhikgo taʼakglhuwit, ¿tuku xlitlawatkan xchatiykan?
Sl 34:14; Mt 5:9; Ro 12:17, 18, 21
Akxni pulana wilikgo Jehová kxtamakgaxtokgatkan, ¿tuku tasikulunalin makgamakglhtinankgo?
Ec 4:9-12
Tastakyaw nema Biblia kamaxki tamakgaxtokgat
¿Tuku wan Biblia xlakata talakgxtumit chu tamakgaxtokgat?
Pr 6:32; Mt 5:27, 28; 1Co 6:9, 10; Heb 13:4
¿Masta talakaskin Biblia pi kstalanina Cristo chalhuwa tiku natatamakgaxtokga?
¿La likatsiyaw pi kajwatiya chatum chixku chu chatum puskat tlan natamakgaxtokgkgo?
Gé 2:18, 22, 24; Mt 19:4-6; Ro 1:23-27
¿Tuku xlakata chixku chu puskat tiku tamakgaxtokgkgonit ni xlilat nalamakgxtakgkgo?
¿Tuku xlakata min kilhtamaku Biblia masta talakaskin nalakxtlawakan tamakgaxtokgat?
Komo xachixku o xapuskat ni tlawakgonit talakgxtumit nema ni xlitatlawat, ¿la namakgkatsi Jehová komo nalakxtlawakgo xtamakgaxtokgatkan?
Mal 2:13-16
¿Tlan natamakgaxtokgpara chatum tiku nilh xchixku o xpuskat?
Max na nalakgatiya uma
MAKATSININA
¿La tlan nalikatsini chixku xpuskat?
Xlakata mi familia xatapaxuwan natawila ni kaj tumin talakaskin.
XLAKATA AKININ
Kaskinti nalakgapaxialhnankana
Kakatsi xtakgalhtin akgtum takgalhskinin xalak Biblia o tlakg kakalakgapasti xtatayananin Jehová.
