Tapatinankan
¿Lu xlikana kinkatapatiputunan Jehová?
Sl 86:5; Da 9:9; Miq 7:18
Na kaʼakxilhti 2Pe 3:9.
-
Liʼakxilhtit xalak Biblia:
-
Sl 78:40, 41; 106:36-46. Maski israelitas makglhuwa makgalipuwankgolh Jehová, xla makglhuwa katapatilh.
-
Lu 15:11-32. Xlakata nakatsiyaw la kinkatapatiyan Jehová, Jesús lichuwinalh akgtum liʼakxilhtit xla chatum xapaxkina tlat tiku tapatilh xkgawasa akxni nitlan limakgkatsilh tuku nitlan xtlawanit.
-
¿Tuku tlawalh Jehová xlakata tlan xtapatilh kintalakgalhinkan?
-
Liʼakxilhtit xalak Biblia:
-
Heb 9:22-28. Apóstol Pablo lichuwinalh pi Jehová tlan tapati kintalakgalhinkan kaj xpalakata xtamakamastan Jesús.
-
Ap 7:9, 10, 14, 15. Apóstol Juan tsokgwililh pi Dios katapatilh xtalakgalhinkan «lhuwa latamanin» xlakata kanajlanikgolh xtamakamastan Jesús.
-
Komo lakaskinaw pi Jehová kakinkatapatin, ¿tuku kilitlawatkan akxni amakgapitsin nitlan kinkalikatsinikgoyan?
Mt 6:14, 15; Mr 11:25; Lu 17:3, 4; Snt 2:13
-
Liʼakxilhtit xalak Biblia:
-
Job 42:7-10. Jehová mapaksalh Job chu maxkipa tuku xmakgatsankganit, pero skinilh pi pulana xkatapatilh kgalhtutu lakchixkuwin tiku nitlan likatsinikgolh.
-
Mt 18:21-35. Jesús lichuwinalh akgtum liʼakxilhtit nema kinkamasiyaniyan pi komo lakaskinaw pi Jehová kakinkatapatin talakaskin pi pulana akinin nakatapatiyaw amakgapitsin.
-
¿Tuku xlakata xlakaskinka nawanaw kintalakgalhinkan chu xlikana nitlan nalimakgkatsiyaw tuku tlawanitaw?
-
Liʼakxilhtit xalak Biblia:
-
Sl 32:1-5; 51:1, 2, 16, 17. David lu nitlan xlimakgkatsi chu lu xlipuwama xlakata xtlawanit laklanka talakgalhin, wa xlakata lakgpalilh xtayat.
-
Snt 5:14-16. Santiago tsokgwililh pi komo chatum tala tlawa akgtum lanka talakgalhin, talakaskin nakawani lakgkgolotsin xalak congregación.
-
Komo lakaskinaw pi Jehová kakinkatapatin kintalakgalhinkan, ¿tuku talakgpalit kilitlawatkan kkilatamatkan?
Pr 28:13; Is 55:7; Ef 4:28
-
Liʼakxilhtit xalak Biblia:
-
1Re 21:27-29; 2Cr 18:18-22, 33, 34; 19:1, 2. Akxni mapakgsina Acab katsilh pi Jehová xʼama malakgaxokge xlakata xtalakgalhin, limasiyalh pi nitlan xlimakgkatsi, chu Jehová lakgalhamalh; pero alistalh, Acab limasiyalh pi ni xlikana xtalakgpalinit, wa xlakata Jehová ni tapatilh chu tlawalh pi xmakgnika.
-
2Cr 33:1-16. Maski mapakgsina Manasés tlawalh laklanka talakgalhin, Jehová tapatilh xlakata nitlan limakgkatsilh xtalakgalhin; Manasés limasiyalh pi xlikana xtalakgpalinit xlakata kamakgpuwantinilh israelitas nalakgmakgankgo tatlawamakgxtu chu nakakninanikgo Jehová.
-
Komo xlikana nitlan nalimakgkatsiyaw kintalakgalhinkan, ¿tlan naxapa Jehová putum kintalakgalhinkan?
Sl 103:10-14; Is 1:18; 38:17; Jer 31:34; Miq 7:19
-
Liʼakxilhtit xalak Biblia:
-
2Sa 12:13; 24:1; 1Re 9:4, 5. Maski David xtlawanit laklanka talakgalhin, Jehová tapatilh xlakata nitlan xlimakgkatsi xtalakgalhin; alistalh Jehová wa pi David xkgalhi akgtum xaʼakgstitum naku.
-
¿La limasiyalh Jesús pi tapatinan chuna la Jehová?
Sl 86:5; Lu 23:33, 34
-
Liʼakxilhtit xalak Biblia:
-
Mt 26:36, 40, 41. Xʼamigos Jesús lhtatakgolh akxni xla tlakg xmaklakaskin tamakgtay; pero akgatekgsli pi xtlakgwankgonit chu ni kasitsinilh.
-
Mt 26:69-75; Lu 24:33, 34; Hch 2:37-41. Pedro makgtutu wa pi ni xlakgapasa Jesús, pero xla tapatilh xlakata akxilhli pi xlikana nitlan xlimakgkatsi. Akxni Jesús lakastakwanalh, tasiyanilh Pedro chu lakgayawalh xlakaskinka taskujut kcongregación.
-
¿Tuku likatsiyaw pi wi makgapitsi talakgalhin nema Jehová ni tapati?
Mt 12:31; Heb 10:26, 27; 1Jn 5:16, 17
-
Liʼakxilhtit xalak Biblia:
-
Mt 23:29-33. Jesús kawanilh lakgtsokgkinanin chu fariseos tiku xlakgaputiyunankgo pi xʼamakgo patinankgo kʼGehena, uma kilhchanima pulakgsputni.
-
Jn 17:12; Mr 14:21. Jesús wa pi Judas Iscariote xʼamaka malakgsputukan chu tlakg tlan xtiwa ni xtilakachilh.
-
¿Tuku nakinkamakgpuwantiniyan nakatapatiyaw amakgapitsin?