Tayanikan
¿Talakaskin pi xlakskujnin Jehová natayanikgo?
¿Tuku xlakata ni kaks lilakawanaw pi latamanin ni lakgatikgo tamakatsinin nema mastayaw chu max asta lisitsikgo?
Mt 10:22; Jn 15:18, 19; 2Co 6:4, 5
-
Liʼakxilhtit xalak Biblia:
-
2Pe 2:5; Gé 7:23; Mt 24:37-39. Maski Noé “lichuwinalh tuku xaʼakgstitum”, lhuwa latamanin ni kgaxmatnikgolh, kajwatiya xla chu xfamilia lakgtaxtukgolh akxni milh Munkaklat.
-
2Ti 3:10-14. Apóstol Pablo makgpuwantinilh Timoteo xtayanilh chuna la xla xtayaninit.
-
¿Tuku xlakata ni kaks lilakawanaw komo kifamiliajkan kinkasitsinikgoyan xlakata kintakanajlakan?
Mt 10:22, 36-38; Lu 21:16-19
-
Liʼakxilhtit xalak Biblia:
-
Gé 4:3-11; 1Jn 3:11, 12. Biblia wan pi Caín nitlan xlikatsi chu makgnilh xtala, Abel, maski xla xaʼakgstitum xwanit.
-
Gé 37:5-8, 18-28. Xnatalan José mujukgolh kʼakgtum pozo chu alistalh stakgolh la chatum skujni, xlakata xkalitachuwinanit tuku Jehová xmamanixninit.
-
Akxni kinkaputsastalanikanan, ¿tuku xlakata ni pekuaniyaw linin?
Na kaʼakxilhti Ap 2:10.
-
Liʼakxilhtit xalak Biblia:
-
Da 3:1-6, 13-18. Sadrac, Mesac chu Abednego ni kakninanikgolh akgtum tatlawamakgxtu maski mapakgsina kawanilh pi xʼama kamakgni komo ni chuna xtlawakgolh.
-
Hch 5:27-29, 33, 40-42. Apóstoles chuntiya lichuwinankgolh Dios maski kawanika pi xʼamaka kamakgnikan komo chuntiya xtlawakgolh.
-
¿Tuku nakinkamakgtayayan ni namakgxtakgaw Jehová maski tliwakga nakinkastakyawakanan?
Pr 3:11, 12; Heb 12:5-7
-
Liʼakxilhtit xalak Biblia:
-
Nú 20:9-12; Dt 3:23-28; 31:7, 8. Maski Moisés tliwakga stakyawaka chu lu lilipuwa, chuntiya skujnanilh Jehová chu tayanilh asta akxni nilh.
-
2Re 20:12-18; 2Cr 32:24-26. Akxni xpalakachuwina Jehová stakyawalh mapakgsina Ezequías, xla xatapaxuwan makgamakglhtinalh tastakyaw chu chuntiya skujnanilh Jehová.
-
¿Tuku xlakata tuwa tayanikan akxni makgapitsi makgxtakgkgo Jehová?
Jer 1:16-19; Hab 1:2-4
-
Liʼakxilhtit xalak Biblia:
-
Sl 73:2-24. Akxni salmista akxilhli pi tlan xkakitaxtunima tiku lixkajni xlikatsikgo, tsukulh lakpuwan pi nitu litaxtu skujnanikan Jehová.
-
Jn 6:60-62, 66-68. Maski lhuwa makgxtakgkgolh Jesús, Pedro ni makgxtakgli, tayanilh xlakata xkgalhi takanajla.
-
¿Tuku nakinkamakgtayayan xlakata natayaniyaw?
Lakatsu natawilaniyaw Jehová
Dt 30:19, 20; Ro 15:5, 6; 1Co 10:13
Nalikgalhtawakgayaw Biblia chu nalilakpuwanaw tuku likgalhtawakgayaw
Ec 7:12; Ro 15:4; Col 1:10, 11; 2Pe 3:15-18
Ankgalhin natlawaniyaw oración Jehová chu xliputum kinakujkan
-
Liʼakxilhtit xalak Biblia:
-
Da 6:4-11. Palakachuwina Daniel ankgalhin xtlawani oración Jehová chu ni xatsekg xtlawa, maski kalipekua xwi xlatamat.
-
Mt 26:36-46; Heb 5:7. Katsisni akxni nina xmakgnikan, Jesús tasaskinilh Jehová pi xmakgtayalh chu kawanilh amakgapitsin pi nachuna xtlawakgolh.
-
Nakatatamakxtumiyaw kinatalankan xlakata nakakninaniyaw Jehová
Nalilakpuwanaw tuku Jehová kinkamalaknuniyan
Namatliwakglhaw tapaxkit nema kgalhiniyaw Jehová chu natalan, chu napaxkiyaw tuku xaʼakgstitum
Namatliwakglhaw kintakanajlakan
Naʼakxilhaw kintapatinkan la akxilha Jehová
¿Tuku kitaxtu akxni tayaniyaw taputsan?
Malankiyaw Jehová
Pr 27:11; Jn 15:7, 8; 1Pe 1:6, 7
-
Liʼakxilhtit xalak Biblia:
-
Job 1:6-12; 2:3-5. Satanás wa pi latamanin skujnanikgo Jehová kaj xlakata lakaskinkgo pi nakakuentajtlawakan, pero Job tayanilh chu chuna limasiyalh pi Satanás kaj xaʼakgsanina.
-
Ro 5:19; 1Pe 1:20, 21. Jesús tayanilh asta kkalinin, ni xtachuna la Adán, tiku lakgachixkuwimakgalh Dios; chuna limasiyalh pi lataman tiku ni kgalhi talakgalhin tlan natayani kaxatukawa taputsan.
-
Kamakgtayayaw amakgapitsin na natayanikgo
Tlan kinkakitaxtuniyan akxni lichuwinanaw Dios
Ec 11:6; Lu 8:15; 2Pe 1:5-8
Makgapaxuwayaw Jehová chu xla kinkasikulunatlawayan
Mt 24:13; Lu 21:19; 1Co 15:58; Heb 10:36
Na kaʼakxilhti Ro 2:6, 7; Snt 1:12.