29 xla julio asta 4 xla agosto
SALMO 69
Takilhtlin 13 chu oración | Tuku nalimatsukikan (1 min.)
1. Salmo 69 lichuwinalh tuku xʼama kgantaxtu kxlatamat Jesús
(10 min.)
Latamanin sitsinikgolh Jesús maski nitu xtlawanit (Sl 69:4; Jn 15:24, 25; w11 1/8 13 párr. 17).
Jesús lu xpaxki xchik Jehová, uma wamputun pi xpaxki xaxlikana takaknin (Sl 69:9; Jn 2:13-17; w10 1/12 10 párrs. 7, 8).
Jesús patilh lhuwa takatsanajwat, chu alistalh xmawiputunkan vino nema xtalakwilhakanit xaxun tuwan (Sl 69:20, 21; Mt 27:34; Lu 22:44; Jn 19:34; g95-S 22/10 31 párr. 4; it-2-S 669).
TUKU TLAN NALILAKPUWANAW: ¿Tuku xlakata Jehová tlawalh pi kTatsokgni xaʼHebreo xtsokgwilika tuku xʼama kgantaxtu kxlatamat Mesías?
2. Kaputsaw kBiblia tuku lhuwa xtapalh
(10 min.)
-
Sl 69:30, 31. ¿La kinkamakgtayayan umakgolh versículos tlakg tlan natlawayaw kiʼoracioneskan? (w99-S 15/1 18 párr. 11).
-
¿Tuku lhuwa xtapalh tekgsti ktakgalhtawakga xalak Biblia xla uma semana?
3. Natalikgalhtawakga
(4 min.) Hch 6:1-15 (th lección 2).
4. Kakgalhkgalhinanti: Tuku tlawalh Jesús
(7 min.) Kakalitakgalhchuwinanti congregación. Kawili VIDEO chu alistalh kalichuwinanti folleto Kakapaxki latamanin takgalhtawakga 8 puntos 1, 2.
5. Kakgalhkgalhinanti: Katlawa chuna la Jesús
(8 min.) Kakalitakgalhchuwinanti congregación tuku min kfolleto Kakapaxki latamanin takgalhtawakga 8 puntos 3-5 chu «Na kaʼakxilhti».
Takilhtlin 134
6. Tuku xlitlawat congregación
(5 min.)
7. ¿Tuku nakamakgtayayan tlakg nalipaxuwayatit akxni nakakninaniyatit Dios kfamilia?
(10 min.): Kakalitakgalhchuwinanti congregación.
Enero kata 2009, lakkaxwilika pi Tamakxtumit niku Talikgalhtawakga maktum Libro, tamakxtumit Niku Masiyakan xlakata la Lichuwinankan Dios chu Tamakxtumit xlakata xTaskujut Dios xtlawaka watiya kilhtamaku. Uma xʼama kamakgtaya familias xlakata tlan xlimaxtukgolh kilhtamaku kakgotanun o katsisni xlakata akxtum xkakninanikgolh Dios. Lhuwa lichuwinankgo pi lu tlan makgkatsikgo xlakata lakkaxwilikanit uma, xlakata uma kamakgtayanit tlakg natalakatsuwinikgo Jehová chu tlakg makxtum natawila xfamiliajkan (Dt 6:6, 7).
Komo wix pulalipina akgtum familia, tuku nalichuwinanaw unu namakgtayayan akxni nakakninaniyatit Dios kfamilia:
-
Akgatunu semana katlawatit. Kalaksakti akgtum kilhtamaku chu akgtum hora akxni nakgalhtawakgayatit akgatunu semana, chu kalilakpuwanti tuku atanu kilhtamaku tlan xkgalhtawakgatit akxni ni xmatlanitit kilhtamaku nema laksakti.
-
Kalakkaxwili tuku nalikgalhtawakgayatit. Kalitakgalhchuwinanti mimpuskat tuku tlan xtlawatit akxni xkakninanitit Dios kfamilia chu na tlan nakakgalhskina minkamanan. Ni talakaskin lu lhuwa kilhtamaku nalimaxtuya xlakata nalakkaxwiliya tuku nalikgalhtawakgayatit, liwaka komo mifamilia watiya tuku lakgatikgo tlawakgo akgatunu semana.
-
Kalilakpuwanti tuku tlakg namakgtaya mifamilia. Chuna la staktilhakgo kamanan, tanu tanu tuku maklakaskinkgo. Kalakkaxwili pi tuku nalikgalhtawakgayatit nakamakgtaya putum tiku xalak mifamilia xlakata nastaka xtakanajlakan.
-
Kalakkaxwili pi putum tlan namakgkatsikgo. Komo tatlani, tlan xpitit kgalhtawakgayatit alakatanu. Nachuna, tlan najaxatit akxni nalakaskinatit. Maski tlan nalichuwinanatit tuku tuwa titaxtu mifamilia, ni kalimaklakaskinti uma kilhtamaku xlakata nakakilhniya o nakawaniya tuku nitlan tlawamakgo.
-
Tanu tanu tuku katlawatit. Akgtum liʼakxilhtit, akxni nakgalhtawakgayatit tlan nalakkaxwiliyatit tuku nalichuwinankan ktamakxtumit, tlan naʼakxilhatit chu nalichuwinanatit akgtum video nema min kjw.org chu na tlan nalitsakgsayatit tuku nawanatit akxni napinatit lichuwinanatit Dios. Maski tuku tlakg xlakaskinka akxni kakninanikan Dios kfamilia wa pi makxtum nalikgalhchuwinanatit tuku wan Biblia, na tlan nalimaxtuyatit kilhtamaku xlakata chatunu chatunu miʼakstukan nakgalhtawakgayatit.
Kakgalhskininanti:
-
¿Tuku tlawanita wix xlakata namakgantaxtiya tuku lichuwinaw unu?
8. Takgalhtawakga nema takilhtinit kBiblia kcongregación
(30 min.) bt cap. 13 párrs 8-16 chu recuadro xla página 105.
