Folleto ¿Tiku tlawakgo xtalakaskin Jehová la uku? tlawakanit xlakata nakalitachuwinanaw tiku kamakgalhtawakgeyaw akxni matsukiyaw o masputuyaw takgalhtawakga. * Takgalhtawakga 1 asta 4 lichuwinan tiku akinin xtatayananin Jehová; 5 asta 14 lichuwinan tuku tlawayaw, chu 15 asta 28 masiya la skujma niku tapakgsiyaw. Komo tiku makgalhtawakgemaw ni kinkaskiniman pi kalitachuwinaw pulaktum tlakg tlan pulakatunu nalitachuwinanaw. Akgatunu takgalhtawakga kaj akgtum página limin chu tlan nalitachuwinanaw tiku makgalhtawakgemaw akgkitsis o akgkaw minuto.

• Tlakg kalichuwinanti takgalhskinin nema maklakaskinkanit ktítulo.

• Akxtum kalikgalhtawakgatit lata niku tsuku asta niku sputa o pulakatunu sección.

• Kalichuwinantit tuku aku likgalhtawakgatit. Kamaklakaskinti takgalhskinin nema wi niku sputa takgalhtawakga chu na kamaklakaskinti fotos. Chuna la talakaskin Kalikgalhtawakgatit chu kalakgputsananitit textos nema tasokgtawilanit. Kamasiya pi subtítulos nema tlakg lakgtsitsekga kgalhti xtakgalhskinin título.

• Komo takgalhtawakga limin recuadro «Xlakata tlakg nakatsiya» kalikgalhtawakgatit chu kamakgpuwantini namakgantaxti tuku wan anta.