TUKU LHUWA XTAPALH XALAK BIBLIA | MATEO 25
«Skgalalh katawilatit»
Maski xparábola Jesús xlakata kgalhakaw laktsuman wa xkakilhchanima kstalaninanin xatalaksakni, putum kstalaninanin xʼamakgo litamakgtayakgo tuku masiyalh (w15 15/3 págs. 9-14). «Skgalalh katawilatit, xlakata ni katsiyatit tukuya kilhtamaku chu tukuya hora» (Mt 25:13). ¿Tlan xwanti tuku wamputun uma xparábola Jesús?
-
Kgawasa litatawilat (v. 1): Jesús.
-
Xalakgskgalalan laktsuman o tiku skgalalh xwilakgo (v. 2): Kstalaninanin Cristo xatalaksakni tiku skgalalh wilakgo xlakata xaʼakgstitum namakgantaxtikgo tuku kalakgayawakanit chu makgxkgakganankgo la xkgakganat asta xlisputni kilhtamaku (Flp 2:15).
-
Pixlanka wanka: «¡Chilha kgawasa litatawilat!» (v. 6): Tuku xʼama litasiya pi ama min Jesús.
-
Xalaktontas laktsuman (v. 8): Xatalaksakni kstalaninanin Cristo tiku minkgo paxtokgkgo kgawasa litatawilat, pero ni skgalalh tawilakgo chu makgxtakgnankgo.
-
Xalakgskgalalan laktsuman ni maskiwinankgolh xaceitejkan (v. 9): Akxni makglhtinankgonita nawan xaʼawatiya sello, nialh katiʼanalh kilhtamaku xlakata xatalaksakni tiku ni makgxtakgnankgolh nakamakgtayakgo tiku makgxtakgkgolh Dios.
-
«Chilha kgawasa litatawilat» (v. 10): Jesús chin xlakata nakatalakkaxla chu nakamaxki tuku kalakgchan akxni sputmaja nawan lanka takatsanajwat.
-
Xalakgskgalalan laktsuman akxtum tatanukgo kgawasa litatawilat kputamakgaxtokgni chu talakchuwa malakcha (v. 10): Jesús kamamakxtumi kʼakgapun xatalaksakni kstalaninanin, pero tiku makgxtakgkgo makgatsankgakgo uma tatlaja.
