28 xla abril asta 4 xla mayo
PROVERBIOS 11
Takilhtlin 90 chu oración | Tuku nalimatsukikan (1 min.)
1. ¡Ni kawanti!
(10 min.)
Ni kawanti tuku nitlan namamakgkatsini mintalataman (Pr 11:9; w02-S 15/5 26 párr. 4).
Ni kawanti tuku mapapitsinan (Pr 11:11; w02 15/5 27 párrs. 2, 3).
Ni kawanti tuku ni xlikatsitkan amakgapitsin (Pr 11:12, 13; w02-S 15/5 27 párr. 5).
KALAKPUWANTI: Chuna la lichuwinalh Jesús kLucas 6:45, ¿tuku nakinkamakgtayayan ni nawanaw tuku nitlan nakalimamakgkatsiniyaw amakgapitsin?
2. Kaputsaw kBiblia tuku lhuwa xtapalh
(10 min.)
-
Pr 11:17. ¿Tuku wamputun pi tiku tlan likatsi xʼakstu litamakgtaya tuku tlan tlawa? (g20.1-S 11, recuadro).
-
¿Tuku lhuwa xtapalh tekgsti ktakgalhtawakga xalak Biblia xla uma semana?
3. Natalikgalhtawakga
(4 min.) Heb 7:1-17 (th lección 5).
4. Kamatsuki takgalhchuwin
(4 min.) AKXNI WI TIKU NATATANOKGLHA. Kalakputsa la nalitachuwinana pulaktum tuku katsini ktamakxtumit (lmd takgalhtawakga 2 punto 4).
5. Kakalakgtaspitti latamanin
(4 min.) AKXNI WI TIKU NATATANOKGLHA. Kamasiya chu kalichuwinanti akgtum video xla kit de enseñanza, pero ni kawili (lmd takgalhtawakga 8 punto 3).
6. Kakamakgtaya latamanin kstalaninanin Jesús nawankgo
(4 min.) NIKU ANANKGO LATAMANIN. Kamalaknuni akgtum takgalhtawakga xalak Biblia tiku tachuwinampat chu kamasiyani la makgalhtawakgenanaw (lmd takgalhtawakga 10 punto 3).
Takilhtlin 157
7. Ni kamasputulh takaksni misimakgat
(15 min.): Kakalitakgalhchuwinanti congregación.
Xlakata makglakgalhinanin akinin, min kilhtamaku wanaw tuku ni kiliwanatkan (Snt 3:8). Pero komo nalilakpuwanaw tuku nitlan kitaxtu akxni wi tuku nitlan wanaw, nakinkamakgtayayan ni nawanaw tuku alistalh nitlan nalimakgkatsiyaw. Wa uma makgapitsi tachuwin nema tlan xlaktlawalh chuna la latalalinkgo natalan xalak congregación:
-
Litlankajwanankan tuku ni xlilat. Komo kiʼakstukan nakinkamalankikanan natlawa pi amakgapitsin nakinkasitsinikgoyan chu nakinkatalatlajaputunkgoyan (Pr 27:2).
-
Akxni akgskgawinankan. Uma ni kajwatiya kilhchanima wankan taʼakgsanin, na kilhchanima akxni wi tuku ni liwana wanaw xlakata lakaskinaw pi amakgapitsin ni kakatsikgolh tuku xaxlikana. Kaj akgtum ni xaxlikana tachuwin tlan natlawa pi nialh nakinkalipawankanan chu nitlan nakinkalichuwinankanan (Ec 10:1).
-
Akxni wi tiku akgsankan. Uma kilhchanima akxni lichuwinanaw tuku tlawama chatum lataman pero ni liwana katsiyaw komo xlikana chu maliwakayaw, o akxni kalitachuwinanaw amakgapitsin tuku ni xlikatsitkan (1Ti 5:13). Uma tlawa pi nalatalatlawakan chu naʼanan tapapitsit.
-
Akxni xatasitsin chuwinankan. Chuna tlawayaw akxni ni malakgachokgoyaw tuku makgkatsiyaw chu waniyaw tuku lakpuwamaw tiku kinkamakgasitsinitan (Ef 4:26). Komo xatasitsin nachuwinanaw lu nitlan katikamamakgkatsiniw amakgapitsin (Pr 29:22).
Kawili VIDEO Kalakgmakgaw tuku laktlawa takaksni (kaj aktsu). Alistalh kakgalhskininanti:
-
¿Tuku kinkamasiyaniyan uma video xlakata la nachuwinanaw?
Xlakata nakatsiya tuku tlawakgolh natalan xlakata tlan xkgalhiparakgolh takaksni, kaʼakxilhti video Kaputsa takaksni chu kaliskujti xlakata chuntiya nakgalhiya.
8. Takgalhtawakga nema takilhtinit kBiblia kcongregación
(30 min.) bt cap. 25 párr. 14-21.
