27 xla mayo asta 2 xla junio
SALMOS 42-44
Takilhtlin 86 chu oración | Tuku nalimatsukikan (1 min.)
1. Liwana kamaklakaskinti tuku kinkamasiyaniyan Jehová
(10 min.)
Akxtum kakatakakninani Jehová natalan, chu kalismani napina kPukgalhtawakga xlakata nakatatamakxtumiya (Sl 42:4, 5; w06-S 1/6 9 párr. 4).
Pulana katlawa oración akxni nalikgalhtawakgaya xTachuwin Dios (Sl 42:8; w12-S 15/1 15 párr. 2).
Kamasta talakaskin pi Biblia napulalinan kaxatukawa tuku natlawaya kmilatamat (Sl 43:3).
Tuku kinkamasiyaniyan Jehová kinkamakgtayayan xlakata tlan natayaniyaw taputsan chu namakgantaxtiyaw tamalaknun nema tlawaw xlakata naskujnaniyaw putum kilhtamaku (1Pe 5:10; w16.09 6 párrs. 11, 12).
2. Kaputsaw kBiblia tuku lhuwa xtapalh
(10 min.)
-
Sl 44:19. ¿Tuku max kilhchanima tachuwin «niku lamakgo chacales»? (it-1-S 470).
-
¿Tuku lhuwa xtapalh tekgsti ktakgalhtawakga xalak Biblia xla uma semana?
3. Natalikgalhtawakga
(4 min.) Jn 8:31-47 (th lección 11).
4. Kamatsuki takgalhchuwin
(4 min.) K’AKGATUNU CHIKI. Kamalaknu akgtum takgalhtawakga xalak Biblia (lmd takgalhtawakga 5 punto 5).
5. Kakalakgtaspitti latamanin
(5 min.) K’AKGATUNU CHIKI. Kawani tiku tachuwinampat pi kakinkataʼan kPukgalhtawakga xlakata naʼan kgaxmata taʼakgchuwin xalak Biblia. Kalitachuwinanti video ¿Tuku tatlawa kPukgalhtawakga?, pero ni kawili (lmd takgalhtawakga 7 punto 5).
6. Taʼakgchuwin
(3 min.) lmd xtatakgatsin 1 punto 4. Título: Kkilhtamaku nema aku mima, nialhti katitatatlalh (th lección 2).
Takilhtlin 21
7. Liwana kalaksakti asta niku nakgalhtawakgaya chu tuku nalimakgskuja
(15 min.): Kakalitakgalhchuwinanti congregación.
Kgawasa o tsumat, ¿laksaknitata tuku natlawaya akxni namasputuya mintakgalhtawakga kpreparatoria? Max laksaknitata tuku nalimakgskuja nema namaxkiyan talakaskin precursor nalitaxtuya. O max lakpuwana pi xlakata tlan precursor nawana, talakaskin chuntiya nakgalhtawakgaya chu chuna nakatsiniya wi tuku nalimakgskuja o nakgalhiya micertificado. ¡Uma tuku nalaksaka kaj makgtum chuna natlawaya kmilatamat! Pero ¿ni katsiya tuku nalaksaka xlakata anan lhuwa tuku tlan xlaksakti? ¿O makgkatsiya pi xafuerza militlawat tuku wanikgoyan amakgapitsin? ¿Tuku namakgtayayan tlan tuku nalaksaka?
Kalikgalhtawakga Mateo 6:32, 33. Alistalh kakgalhskininanti:
-
¿Tuku xlakata lu xlakaskinka pulana liwana nakatsiya tuku lakgchipimputuna xlakata mintakanajla akxni nina laksaka asta niku nakgalhtawakgaya chu tuku nalimakgskuja?
-
¿Tuku tlan natlawakgo natlatni xlakata nakamakgtayakgo xkamanankan nalilatamakgo tuku wan Mateo 6:32, 33? (Sl 78:4-7).
Ni kamasta talakaskin pi xlakata lakaskina pi amakgapitsin xlakaskinka naliʼakxilhkgoyan chu xlakata kgalhiputuna tumin, natlawa pi nalaksaka tuku nitlan nakitaxtuniyan (1Jn 2:15, 17). Kalakapastakti pi tiku kgalhikgo lhuwa tumin tlakg tuwa kakitaxtuni wa pulana nawilikgo kxlatamatkan xTamapakgsin Dios (Lu 18:24-27). Komo wa lu naliskuja nakgalhiya lhuwa tumin nila katistakli mintakanajla chu nila tlakg katiskujnani Jehová (Mt 6:24; Mr 8:36).
Kawili VIDEO ¡Kuenta katlawa! Ni kalipawanti tuku namasputukan: Tumin. Alistalh kakgalhskininanti:
-
¿La tlan namakgtayayan Proverbios 23:4, 5 xlakata tlan tuku nalaksaka?
8. Takgalhtawakga nema takilhtinit kBiblia kcongregación
(30 min.) bt cap. 10 párrs. 5-12.
