18-24 xla noviembre
SALMOS 107, 108
Takilhtlin 7 chu oración | Tuku nalimatsukikan (1 min.)
1. «Kapaxtikatsinitit Jehová xlakata xla tlan likatsi»
(10 min.)
Jehová kalakgmaxtulh israelitas kBabilonia, chu na kinkalakgmaxtunitan kxkakilhtamaku Satanás (Sl 107:1, 2; Col 1:13, 14).
Xlakata lu paxtikatsiniyaw Jehová, malankiputunaw kcongregación (Sl 107:31, 32; w07-S 15/4 20 párr. 2).
Xlakata napaxtikatsiniyaw Jehová, talakaskin nalilakpuwanaw la xla kinkalimasiyaninitan xtapaxkit (Sl 107:43; w15 15/1 4 párr. 4).
2. Kaputsaw kBiblia tuku lhuwa xtapalh
(10 min.)
-
Sl 108:9. David wa pi Moab wa “niku xmakgachakgan” Dios. ¿Tuku max kilhchanima uma? (it-2-S 409 párr. 6).
-
¿Tuku lhuwa xtapalh tekgsti ktakgalhtawakga xalak Biblia xla uma semana?
3. Natalikgalhtawakga
(4 min.) 1Co 1:1-17 (th lección 5).
4. Kamatsuki takgalhchuwin
(3 min.) AKXNI WI TIKU NATATANOKGLHA. (lmd takgalhtawakga 1 punto 4).
5. Kakalakgtaspitti latamanin
(4 min.) AKXNI WI TIKU NATATANOKGLHA. Kamasiyani tiku takgalhchuwinampat la makgalhtawakgenanaw chu kamaxki maktum tarjeta de contacto nema lichuwinan la limakgalhtawakgenanaw Biblia (lmd takgalhtawakga 9 punto 3).
6. Taʼakgchuwin
(5 min.) ijwyp 90-S. Título: ¿Tuku tlan naktlawa xlakata naklakgmakgan talakapastakni nema nitlan kimamakgkatsini? (th lección 14).
Takilhtlin 46
7. Kilhtliniyaw Jehová xlakata napaxtikatsiniyaw
(15 min.): Kakalitakgalhchuwinanti congregación.
Israelitas lu xpekuamakgolh xlakata ksoldados Faraón xkaputsastalanimakgolh, pero Jehová kalakgmaxtulh kxaSpinini pupunu. Wa xlakata kilhtlinikgolh Jehová xliputum xnakujkan xlakata napaxtikatsinikgo (Éx 15:1-19). Lakchixkuwin wa tiku pulana tsukukgolh kilhtlikgo uma xasasti takilhtlin (Éx 15:21). Jesús chu kstalaninanin, na xkilhtlikgo xlakata namalankikgo Jehová (Mt 26:30; Col 3:16). Chu asta la uku, chuntiya kilhtliniyaw Jehová ktamakxtumit chu kʼasambleas xlakata napaxtikatsiniyaw. Akgtum liʼakxilhtit, takilhtlin Paxtikatsiniyaw Jehová, nema aku likilhtliw, likilhtlinitaw kkintamakxtumitkan lata kkata 1966.
Kmakgapitsi kachikinin, lakchixkuwin maxanankgo nakilhtlikgo kxlakatin amakgapitsin. Chu amakgapitsin lakpuwankgo pi ni stlan takgaxmata la kilhtlikgo. Pero maski chuna, putum kililakapastakatkan pi akxni kilhtliyaw ktamakxtumit, na wa tuku likakninanimaw Jehová. Xkachikin Jehová lu liskujkgo xlakata nalakkaxtlawakgo takilhtlin chu tatlakgni, chu liwana laksakkgo tuku takilhtlin nakilhtliyaw kʼakgatunu tamakxtumit. Akinin kajwatiya kinkalakgchanan akxtum nakilhtliyaw xlakata napaxtikatsiniyaw kinTlatkan xalak akgapun chu nalimasiyaniyaw pi lu paxkiyaw.
Kawili VIDEO Lata makgasa asta la uku: Takilhtlin nema malankikgo Jehová (pulaktiy). Alistalh kakgalhskininanti:
-
¿Tuku lu xlakaskinka lalh kkata 1944?
-
¿La limasiyakgolh kinatalankan tiku xlamakgo kSiberia pi lu xlakaskinka xʼakxilhkgo nakilhtlikgo takilhtlin xla Tamapakgsin?
-
¿Tuku xlakata xtatayananin Jehová lu xlakaskinka akxilhkgo nakilhtlinikgo Dios?
8. Takgalhtawakga nema takilhtinit kBiblia kcongregación
(30 min.) bt cap. 18 párrs. 6-15.
