Lhuwa chuwinana: Ni kalakpuwanti pi wix lhuwa tuku nawaniya. Jesús maklakaskilh takgalhskinin xlakata latamanin akstu xlilakpuwankgolh (Mt 17:24-27). Takgalhskinin tlawa pi tlan namakgkatsi chu nakatsiya komo akgatekgsma chu tuku kanajla (be pág. 253 párrs. 3, 4). Akxni natlawaniya takgalhskinin, kakgalhkgalhi asta akxni xla nakgalhtiyan. Komo ni liwana nakgalhtinan, ni nawaniya la xatakgalhtin, kalitsakgsapara katlawani atanu takgalhskinin xlakata liwana naʼakgatekgsa (be pág. 238 párrs. 1, 2). Kawanitilha la tlan naʼakgatekgstilha xasasti tapuwan (be pág. 230 párr. 4).

Lu tuwa la waniya: Ni kawani putum tuku wix liwana katsiya xlakata tuku lichuwinampatit (Jn 16:12). Wata kaj wa kalichuwinanti tuku wi kpárrafo (be págs. 226, 227 párrs. 4, 5). Lhuwa tuku wankan, maski lu xlakaskinka, tlawa pi nialh nataʼakgatekgsa tuku lichuwinampatit (be pág. 235 párr. 3). Akxni liwana akgatekgsnita tiku makgalhtawakgepat, tlan namatitaxtiya atanu párrafo.

Lhuwa likgalhtawakgaputuna: Lakgchamputunaw kxnaku, ni kaj lhuwa tuku likgalhtawakgaputunaw (Lu 24:32). Kamaklakaskinti xTachuwin Dios xlakata nalimakgatekgsniya tuku wamputun texto (2Co 10:4; Heb 4:12; be pág. 144 párrs. 1-3). Kamaklakaskinti liʼakxilhtit (be pág. 245 párrs. 2-4). Kaʼakxilhti tuku talakaskin nalakgpali kxlatamat chu kxtakanajla chu chuna kalichuwinantit tuku talikgalhtawakgapat. Katlawani takgalhskinin la umakgolh: «¿La makgkatsiya xlakata tuku katsini unu?». «¿Tuku masiyaniyan uma xlakata Jehová?». «¿La namakgtayayan uma tastakyaw komo chuna natlawaya?» (be pág. 238 párrs. 3-5; pág. 259 párr. 1).