TUKU XLAKATA XLAKASKINKA: Anta ktamakxtumit kilhtliniyaw Jehová chu malankiyaw (Sl 149:1). Akxni wilaw ktamakxtumit, lilakapastakaw tuku natlawa Jehová (Sl 143:10). Tiku lakgatikgo chu tiku kgalhtawakgamakgolha lhuwa tuku lakgpalikgo kxlatamatkan akxni tsukukgo ankgo ktamakxtumit.

LA NATLAWAYA:

• Tunkun kamaxki invitación xla tamakxtumit. Ni kakgalhkgalhi asta akxni makgalhtawakgepata (Ap 22:17).

• Kawani tiku tlakg katsiputun tuku taʼakgchuwin namastakan ktamakxtumit nema aku mima. Uma tlan namakgtayayan komo chuna natlawaya: invitación xla tamakxtumit, video ¿Tuku tatlawa kPukgalhtawakga?, chu takgalhtawakga 5 chu 7 xla folleto ¿Tiku tlawakgo xtalakaskin Jehová la uku?

• Kawani pi namakgtayaya. ¿Tiku tlakg katsiputun maklakaskin putlaw o lhakgat nema xlilat linkan ktamakxtumit? Akxtum katatawila, chu kamasakuani milikgalhtawakga. Kakamalakgapasni natalan.