Bullying lu namakgapatinanan chu lu namakgalipuwanan. Pero na max nalaktlawa chuna la talalipina Jehová komo namastaya talakaskin pi tiku ni makgamakglhtinankgo mintakanajla namakgapekuankgoyan. ¿Tuku tlan natlawaya komo tlawanikana bullying?

Lhuwa lipawankgonit Jehová, chu uma kamakgtayanit natayanikgo akxni katlawanikan tuku nitlan (Sl 18:17). Akgtum li’akxilhtit, Ester ni pekualh chu makgesiyalh Hamán, chatum chixku tiku xmasputuputun xkachikin Dios (Est 7:1-6). Pero pulana, xlakata nalimasiya pi xlikana xlipawan Jehová, kgalhxtakgnalh (Est 4:14-16). Jehová sikulunatlawalh xlakata tlawalh tuku limasiyalh pi xlipawan, chu makgtayalh xlakata nitu xtlawanika xla chu xkachikin.

Kgawasa o tsumat, komo nitlan likatsinikana, kaskini tamakgtay Jehová chu kawani tuku titaxtupat tiku tlan namakgtayayan, chuna la mintse o mintlat. Liwana kakatsi pi Jehová namakgtayayan chuna la makgtayalh Ester. ¿Tuku atanu tlan natlawaya?

AKXNI AKXILHNITATA NAWAN VIDEO AKXNI AKU STAKPAT: ¿TUKU KILITLAWAT KOMO NAKINTLAWANIKAN BULLYING?, KAKGALHTI UMAKGOLH TAKGALHSKININ:

• ¿Tuku tlan nakatsinikgo tiku aku stakmakgo xlakata xliʼakxilhtitkan Charlie chu Ferin?

  Mintakgalhtin

• ¿Tuku kamasiyani natlatni uma video?

  Mintakgalhtin