Akxni akgskgawiyan tiku tamakgaxtokga
LU NITLAN tuku kitaxtu akxni laʼakgskgawikan ktamakgaxtokgat. Xlikana, wi tiku matsankgenani tiku tamakgaxtokga komo xlikana limasiya pi nitlan limakgkatsi tuku tlawalh chu amakgtum lakkaxtlawakgo xtamakgaxtokgatkan. * Pero maski nakaxtlawakgo xtamakgaxtokgatkan o ni, wa tiku akgskgawikanit, wa tiku tlakg lipuwan. ¿Tuku namakgtaya ni lu nalipuwan?
TEXTOS XALAK BIBLIA NEMA TLAN NAMAKGTAYAYAN
Maski lu kakatsani xnakujkan, lhuwa tiku kaʼakgskgawikanit tlan limakgkatsikgonit tuku wan Biblia. Akxni likgalhtawakgakgonit, akxilhkgonit pi Dios akxilha xlakgpixtajatkan chu akgatekgsa xtakatsanajwatkan (Malaquías 2:13-16).
«Akxni snun xakakgatuyuma nak kintapuwan, y ni xakkatsi tu naktlawaj, wix kimakgtsijti y maxki tapaxawan kilistakni» (Salmo 94:19, SXP).
Bill lakapastaka: «Akxni xaklikgalhtawakga uma texto, xaklilakpuwan pi Jehová xkispalhma, chuna la xtlawalh chatum xapaxkina tlat».
«Tiku ni makgxtakgnan wix na ni katimakgxtakgti» (Salmo 18:25).
Xchixku Carmen akglhuwa papaʼ akgskgawilh chu xla wan: «Kinchixku kimakgxtakgli, pero xakkatsi pi Jehová nikxni xʼama kimakgxtakga chu nikxni x’ama kimakgalipuwan».
«Nitu xatu ntu ntililakgaputsayatit; chi wampi wata paks kamasiyutit kxlakatin Dios wa ntu lakaskinatit kmioracionkan [...]. Chu wa xkatsit xtatanksni Dios, wa ntu lakatsalaniy xlipaks kintapuwankan, naskgala minakujkan» (Filipenses 4:6, 7).
Sasha wan: «Makglhuwa xaklikgalhtawakga uma texto. Akxni tlakg xaktlawa kioración, tlakg xakmakgkatsi xtakaksni Dios kkilatamat».
Putum tiku kalichuwinanitaw unu, milh kilhtamaku lakpuwankgolh pi nila xʼamakgo tayanikgo, pero lipawankgolh Jehová chu Biblia kamatliwakglhli. Uma tuku wan Bill: «Akxni xtasiya pi putum xʼamakgo lakxlakgo, takanajla lakgpalilh kilatamat. Maski milh kilhtamaku ktitaxtulh niku “lijikua y snun kapokglhwa”, Dios xkintawi» (Salmo 23:4, SXP).
^ Komo tlakg katsiputuna xlakata latapatikan akxni laʼakgskgawikan ktamakgaxtokgat, kaʼakxilhti artículos xla revista ¡Despertad! 22 xla abril kata 1999 nema wanikan «Cuando el cónyuge es infiel»: «Las trágicas consecuencias de la infidelidad», «¿Es posible la reconciliación?» chu «La opción del divorcio».
Max na nalakgatiya uma
MAKATSININA
¿Makgkatsi Dios tuku wix makgkatsiya?
Biblia kinkawaniyan pi Dios liwana katsi putum tuku kinkaʼakgspulayan, tuku makgkatsiyaw chu tuku lakapastakaw chu makgkatsi tuku makgkatsiyaw.
MAKATSININA
Maski lakxlalh tamakgaxtokgat ni anta sputa latamat
Lhuwa tiku lakxtlawakgo xtamakgaxtokgatkan alistalh akxilhkgo pi tlakg tuwa kakitaxtuni nichuna la xlakpuwankgonit. Tastakyaw nema min kBiblia tlan nakamakgtaya.
