Xaxlikana xlakata tuku aku nala
¿Minit kilhtamaku kgalhskinkanita tuku nala kilhtamaku nema aku mima? Biblia wan pi nialh makgas lhuwa tuku nala nema nalakgpali kilatamatkan.
Jesús lichuwinalh tuku xkinkamakgtayan nakatsiyaw pi «[xTamapakgsin] Dios talakatsuwinita» (Lucas 21:31). Makgapitsi tuku lichuwinalh wa pi xʼama anan lhuwa guerras, xʼama tachiki tiyat, xʼama anan tatsinksni chu tajatat. Chu wa uma tuku lama la uku (Lucas 21:10-17).
Biblia na lichuwinan pi tuku xʼama litasiya pi ksputmaja xkilhtamaku mapakgsinanin wa la xʼamakgo likatsikgo latamanin, lu nitlan xʼamakgo likatsikgo. Kalikgalhtawakga uma tuku xwankanit pi xʼama lay anta k2 Timoteo 3:1-5. a ¿Ni xlikana pi umakgolh tachuwin liwana masiya la likatsikgo chu tuku tlawakgo latamanin la uku?
¿Tuku wamputun uma? Wamputun pi nialh makgas xTamapakgsin Dios lhuwa tuku nalakgpali chu natlawa pi kKatiyatni tlakg tlan nalatamakan (Lucas 21:36). Anta kBiblia, Dios malaknu pi natlawa tuku tlan xpalakata Katiyatni chu latamanin. Kalichuwinaw makgapitsi liʼakxilhtit.
XATLAN TAMAPAKGSIN
Jesús «maxkika tamapakgsin, chu lilanka chu pumapakgsin, xlakata latamanin, pulaklhuwa kachikinin chu tiku tanu tanu xtachuwinkan putum naskujnikgo. Wa xtamapakgsin akgtum tamapakgsin nema nikxni katisputli, ni katititaxtulh, xtamapakgsin nikxni katimalakgsputuka» (DANIEL 7:14).
Tuku wamputun. Wamputun pi tlan xatapaxuwan nalatamayaw akxni namapakgsinan xKgawasa Dios xlikalanka katiyatni.
NIALTI KATITATATLALH
«Ni chatum lataman nawan: “Ktatatlay”» (ISAÍAS 33:24).
Tuku wamputun. Nialh katipatinaw xlakata tajatat o xlakata wi tuku kinkatsankganiyan. Tlan nalatamayaw putum kilhtamaku.
NAʼANAN TAKAKSNI
Xla namasputu «guerra nak ixlitilanka katiyatni» (SALMO 46:9, Salmos Ixtatlincan ti Talipawan Dios, SXP).
Tuku wamputun. Takaksni nikxni katisputli chu nialh katipatinaw xlakata guerra.
TIKU TLAN LIKATSIKGO, WA NALATAMAKGO KKATIYATNI
«Tiku lixkajni likatsi nialh katitawilalh [...]. Pero tiku tlan likatsikgo wa nakamaxkikan katiyatni» (SALMO 37:10, 11).
Tuku wamputun. Ni katiʼanalh latamanin tiku nitlan likatsikgo; kajwatiya nalatamakgo tiku kgalhakgaxmatputunkgo Dios.
PUTUMINIKA KATIYATNI AKGTUM PARAÍSO NAWAN
«Natlawakgo chiki chu anta natawilakgo; chu nachankgo uvas chu nawakgo xtawakat» (ISAÍAS 65:21, 22).
Tuku wamputun. Putum Katiyatni akgtum stlan jardín nawan. Dios namakgantaxti tuku skininitaw: pi kalalh xtalakaskin “kkatiyatni” (Mateo 6:10).
a Tlan nalikgalhtawakgaya Biblia kʼInternet www.pr418.com.
