Wix tlan nalaksaka la nawan milatamat
Titaxtunita max 3,500 kata, Jehová kawanilh tiku xkakninanikgo tuku xlitlawatkan xwanit xlakata tlakg tlan latamat xkgalhikgolh kkilhtamaku nema aku xmima: «Kwilinit kmilakatinkan latamat chu linin, tasikulunalin chu tuku nitlan nakakitaxtuniyan; chu mililaksakatkan latamat xlakata nalatapayatit, wixin chu minkamanankan» (Deuteronomio 30:19).
Komo xkgalhiputunkgo tlakg tlan latamat, xlilaksakatkan xwanit tuku tlan. Chu akinin na wi tuku kililaksakatkan. Biblia kinkawaniyan la nalaksakaw xatlan latamat: «Napaxkiya Jehová miDios, nakgaxpata xtachuwin» (Deuteronomio 30:20).
¿LA NAPAXKIYA JEHOVÁ CHU NAKGAXPATA XTACHUWIN?
KAKATSINI TUKU WAN BIBLIA. Xlakata napaxkiya Jehová, pulana milikatsit tuku wan Biblia xpalakata. Akxni chuna natlawaya, naʼakxilha pi xla lu xapaxkina chu lakaskin tuku tlakg tlan mimpalakata. Na lakaskin katlawani oración, xlakata xla lilakgaputsayan (1 Pedro 5:7). Komo naliskuja xlakata nalakgapasa, Biblia wan pi xla natalakatsuwiniyan (Santiago 4:8).
KALILATAPA TUKU KATSINIPAT. Xlakata nakgaxmatniyaw Dios kastalaniw xaskgalala xtapulalit nema wi kBiblia. Akxni chuna natlawaya, nakitaxtuniyan chuna la wan Josué 1:8: «Tlan nakitaxtuniyan kmintiji chu skgalala nawana».
^ párr. 7 Uma takgalhtawakga mastakan ktipalhuwa tachuwin, chuna la ktachuwin inglés, chino mandarín chu cantonés.
You May Also Like
MAKATSININA
Wix tlan nalaksaka tuku nala kmilatamat
Wi tiku lakpuwankgo pi talhkatawilanita tuku nala kxlatamatkan o pi wa Dios laksaka tuku nala. Pero ¿xlikana uma?
