1. 1. SATANÁS, AKGSKGAWINI. Satanás, ángel tiku talalakatawakanalh, wa tiku lin kuenta xlakata anan tasitsi la uku. Dios namasputu Satanás chu putum tiku chuna la xla, tlawakgo tuku kamatlawi tasitsi (Salmo 37:38; Romanos 16:20).

2. 2. KAKILHTAMAKU NEMA AKGCHIPANIT SATANÁS. Dios nakamasputu putum tiku tlawakgo pi kaʼanalh tasitsi, chuna la políticos tiku tlawakgo tuku ni xaʼakgstitum chu xpulalinanin takanajla tiku tatayakgo. Dios na nakamasputu stananin tiku kajwatiya lhuwa tuku kgalhiputunkgo chu kaʼakgskgawikgo latamanin (2 Pedro 3:13).

3. 3. KINTALAKGALHINKAN. Biblia lichuwinan pi kimputumkan kinkamatitaxtinikan talakgalhin, chu wa xlakata lakpuwanaw, makgkatsiyaw chu tlawaputunaw tuku nitlan (Romanos 5:12). Chu kasitsinikan amakgapitsin wa tuku kinkamatlawiyan talakgalhin. Pero, xlakata xtamakgtay Dios, tlan namakgatlajayaw talakgalhin chu kkinakujkan nialh naʼanan tasitsi (Isaías 54:13).

1. 1. NIALH KATIʼANALH TUKU NI XAʼAKGSTITUM. Lata kʼakgapun xTamapakgsin Dios namapakgsi kakilhtamaku, xaʼakgstitum tamapakgsin nema putum kilhtamaku natawila (Daniel 2:44). Talaksakpaxkit chu la ni kamaxkikan kakni amakgapitsin namasputukan, chu Dios natlawa tuku xaʼakgstitum (Lucas 18:7).

2. 2. KIMPUTUMKAN NALATAMAYAW NIKU NA ANAN TAKAKSNI. Nialhti katipatinalh xlakata guerras chu tuku nitlan (Salmo 46:9). Kkatiyatni nialh katiʼanalh tuku nalipekuankan niku kajwatiya nalatamakgo tiku paxkikgo takaksni (Salmo 72:7).

3. 3. TLAKG TLAN NIKU NALATAMAYAW. Putum latamanin nalalimasiyani xaxlikana tapaxkit (Mateo 22:39). Nialhtu kintikamakgapatinan, nipara nixatlan talakapastakni o tuku nitlan titaxtunitaw (Isaías 65:17). Akxni tasitsi masputukanita nawan, latamanin «lu napaxuwakgo xlakata naʼanan lhuwa takaksni» (Salmo 37:11).

¿Latapaputuna kkakilhtamaku la uma? La uku, millones latamanin kxlikalanka katiyatni, tiku xtatayananin Jehová, liskujmakgolh xlakata nalakgmakgankgo tasitsi. ¿La tlawamakgo? Lilatamakgo xtastakyaw Biblia (Salmo 37:8). Maski tanu tanu xkilhtsukutkan chu xtalismaninkan, litaxtukgo la akgtum lanka familia nema makxtum wilakgo xlakata lapaxkikgo (Isaías 2:2-4).

Xtatayananin Jehová, tlan xatapaxuwan namasiyanikgoyan tuku katsinikgonit xlakata la tayanikan talaksakpaxkit chu tuku ni xaʼakgstitum. Chu tuku wix nakatsiniya namakgtayayan tsinu tsinu nalakgmakgana tasitsi xlakata nakgalhiya tapaxkit. Nakatsiniya la tlan nakalimasiyaniya tapaxkit asta maski tiku nitlan likatsinikgoyan o sitsinikgoyan. Tuku nakitaxtu wa pi, tlakg napaxuwaya la uku chu tlakg tlan nakatalalipina amakgapitsin. Chu tuku tlakg xlakaskinka: nakatsiya tuku natlawaya xlakata tlan nalipaxuwaya latamat akxni xTamapakgsin Dios masputunita nawan tasitsi putum kilhtamaku (Salmo 37:29).