Akxni nalikgalhtawakgayaw Biblia, tlakg kililakputsananitkan xlakata naʼakgatekgsaw tuku likgalhtawakgamaw. Pero nichuna kilitlawatkan kaj xlakata lhuwa tuku nakatsiniyaw, wata xlakata tlakg katsiputunaw chuna la likatsi Jehová, chu uma nakinkamakgtayayan tlakg napaxkiyaw. Xlakata tlan chuna natlawayaw, kalilakpuwaw: «¿Tuku kimasiyani uma xlakata Jehová?».

Akgtum liʼakxilhtit, tlan nalakputsananiya kkilikgalhtawakgakan niku lichuwinankan tlakg xlakaskinka xtayat Jehová: tapaxkit, xliskgalala, la xliʼakgstitum chu xlitliwakga. Pero Jehová kgalhi amakgapitsi lu xastlan tayat. ¿Niku tlan nakatsiniya xlakata umakgolh tayat?

Natekgsa akgtum lista niku lichuwinan liwaka 50 xtayat Jehová anta kʼÍndice de las publicaciones Watch Tower. Katanu niku wan «Jehová» chu alistalh ksubtítulo «Cualidades por nombre». Kaʼakxilhti tuku tayat nema min klista tatalakxtumi tuku likgalhtawakgapat, chu alistalh kalikgalhtawakga (komo kajwatiya kgalhiya Liputsan xla xtatayananin Jehová, katanu niku wan «Jehová Dios» chu alistalh ksubtítulo «Xtayat Jehová»).