Kalikgalhtawakga Génesis 25:​29-34 xlakata na’akxilha komo Esaú chu Jacob laksakkgolh tuku tlan.

Kalakputsanani putum tuku lichuwinamaka. ¿Tuku pulana lalh? (Gén. 25:​20-28). ¿Tuku lalh alistalh? (Gén. 27:​1-46).

Kalakputsanani atanu tuku lalh. Amacha kilhtamaku, ¿tuku xlakgchan chu tuku xlakgaya xapuxku kgawasa nema xlakachin k’akgtum familia? (Gén. 18:​18, 19; w10-S 1/5 13).

• ¿Xlakaskinka xwanit pi xapuxku kgawasa xlitaxtuka xlakata tlan xmakgtapakgsika kfamilia niku xʼama min Mesías? (w17.12 14, 15).

Kalilakpuwanti tuku katsini chu la tlan xmakgantaxti kmilatamat. ¿Tuku xlakata Jacob tlakg xlakaskinka xliʼakxilha xapuxku kgawasa nalitaxtukan nixawa Esaú? (Heb. 12:​16, 17; w03-S 15/10 28, 29). ¿La xkaʼakxilha Jehová Jacob chu Esaú, chu tuku xlakata? (Mal. 1:​2, 3). ¿Tuku xlitlawat xwanit Esaú xlakata xtilaksakli tuku tlan?

• Kalilakpuwanti: «Akxni klakkaxwili tuku naktlawa akgatunu semana, ¿la klimasiya pi lanka xtapalh kliʼakxilha tuku xla kintakanajla, chuna la akxni kakninanikan Dios kfamilia?».