¿Tlan nakgalhtiya umakgolh takgalhskinin xla revista Makatsinina kata 2019?

¿Tuku kilhchanima uma xtamalaknun Dios: «Katuwa tuku nalitalachipaputunkana, nitu katilitlawanikgon»? (Is. 54:17).

Jehová nakinkamakgtayayan «xlakata tiku nitlan tuku nakinkatlawaniputunkgoyan» nitu nakinkatlawanikgoyan (Is. 25:4, 5). Kintalamakgasitsinkan nikxni kintikatlawanikgon tuku nitlan (w19.01, págs. 6-7).

¿La litasiya pi Dios xa’akgstitum chuna la kalikatsinilh cananeos chu israelitas tiku makgxtakgkgolh?

Dios kamalakgaxokgelh tiku tlawakgolh talakgxtumit nema ni xlitatlawat chu tiku nitlan kalikatsinikgolh lakpuskatin chu laktsu kamanan. Kasikulunatlawalh tiku kgalhakgaxmatkgolh chu tiku tlawakgolh tuku xa’akgstitum (w19.02, págs. 22-23).

¿Tuku natlawayaw komo chatum tiku ni xtatayana Jehová natlawa akgtum oración kkilakatinkan?

Tlan nitu nawanaw chu kaks natayayaw, pero ni nawanaw «chuna kalalh» chu ni nakamakgachipayaw amakgapitsin. Tlan kiʼakstukan natlawayaw kioracionkan pero ni pilhman nachuwinanaw (w19.03, pág. 31).

¿Akgtum lanka talakgalhin kalikgamanankan laktsu kamanan?

Akgtum lanka talakgalhin xpalakata tiku likgamananka, kxlakatin congregación, kxlakatin mapakgsinanin chu kxlakatin Dios. Kkachikinin niku wilakgolh limapakgsin xlakata namalakgsiyakan tiku kalikgamanan laktsu kamanan, lakgkgolotsin talakaskin nakgalhakgaxmatkgo (w19.05, págs. 9-10).

¿Tuku tlan natlawayaw xlakata nakgalhiyaw xatlan kintalakapastaknikan?

Pulaktutu tuku xlakaskinka kilitlawatkan: natlawaniyaw oración Jehová, liwana nalilakpuwanaw tuku wi kkintalakapastaknikan chu kkinakujkan, chu nakalaksakaw xatlan amigos (w19.06, págs. 10-11).

¿Tuku tlan natlawayaw la uku xlakata nina chin lanka taputsastalanit?

Talakaskin namatliwakglhaw la talalinaw Jehová, nalipawanaw pi xla kinkapaxkiyan chu nikxni kintikamakgxtakgni, ankgalhin nalikgalhtawakgayaw Biblia chu ankgalhin natlawayaw oración. Liwana kilikatsitkan pi tasikulunalin nema nalimin xTamapakgsin Dios xlikana nakgantaxtu chu talakaskin nakatsiniyaw makgapitsi textos chu takilhtlin (w19.07, págs. 2-4).

¿Tuku tlan natlawayaw xlakata nakamakgtayayaw kifamiliajkan tlan nalakgtaxtukgo?

Lu xlakaskinka pi namakgkatsiyaw la makgkatsikgo, nalimasiyayaw xalakwan tayat chu ni lakapala nakatasitsiyaw (w19.08, págs. 15-17).

Chuna la kinkamalaknuniyan Mateo 11:28, ¿la kinkamajaxayan Jesús?

Kgalhiyaw tiku lu tlan kinkapulalinkgoyan, tiku lu tlan kataskujaw chu tlawayaw lu xatlan taskujut (w19.09, pág. 23).

¿La kinkamakgtayayan Dios xlakata natlawaputunaw xtaskujut chu nakgalhiyaw litliwakga xlakata tlan namakgantaxtiyaw? (Filip. 2:13).

Akxni likgalhtawakgayaw Biblia chu lilakpuwanaw, kinkamakgtayayan xlakata naskujnaniputunaw Dios chu nakinkamaxkiyan litliwakga xlakata tlan namakgantaxtiyaw. Xʼespíritu tlan nakinkamakgtayayan xlakata tlan namakgantaxtiyaw kintaskujutkan (w19.10, pág. 21).

¿Tuku xlakaskinka pulana natlawayaw akxni wi tuku nalaksakaw?

Pulakkitsis tuku natlawayaw: liwana nalakputsananiyaw, naskiniyaw xliskgalala Dios, liwana naʼakxilhaw tuku xlakata tlawaputunaw, liwana nalakkaxwiliyaw tuku natlawayaw chu nalilakpuwanaw tuku nila katitlawaw (w19.11, págs. 27-29).

Akxni Satanás tachuwinalh Eva, ¿xlitachuwinama pi wi tuku xkgalhi nema ni niy?

Max ni chuna. Satanás ni wanilh Eva pi kajwatiya xmakni xnilh komo xwalh xtawakat kiwi nema ni xliwat xwanit, chu wi tuku chuntiya xlatamalh nema ni tasiya. Katsiyaw pi nixaxlikana takanajla lakgsputkgolh kxkilhtamaku Noé akxni milh Munkaklat. Wa xlakata, tlan nawanaw pi uma takanajla lakatsukulh akxni xtitaxtunit Munkaklat. Akxni Dios kalakgpalinilh xtachuwinkan latamanin anta kBabel (w19.12, pág. 15).